Eldar Ryazanov

Vikipediya, azad ensiklopediya
Dr.Wiki54 (müzakirə | töhfələr) (clean up, replaced: məşhur → (2), tanınmış → using AWB) tərəfindən edilmiş 08:39, 27 may 2021 tarixli redaktə
Naviqasiyaya keçin Axtarışa keçin
Eldar Ryazanov
rus. Эльдар Александрович Рязанов
Doğum adı Eldar Aleksandroviç Ryazanov
Doğum tarixi
Doğum yeri Samara, RSFSR, SSRİ
Vəfat tarixi (88 yaşında)
Vəfat yeri Moskva, Rusiya
Vəfat səbəbi ürək tutması
Dəfn yeri
Vətəndaşlığı SSRİ SSRİ
Rusiya Rusiya
Həyat yoldaşı Zoya Fomina
Nina Skuybina
Emma Abaydullina
Uşağı Olqa Ryazanova
Atası Aleksandr Ryazanov
Anası Sofiya Şusterman-Ryazanova
Fəaliyyəti rejissor
ssenarist
aktyor
prodüser
şair
Fəaliyyət illəri 1950-ci ildən
Təhsili
İstiqamət sosialist realizmi
Üzvlüyü
Mükafatları "Qırmızı əmək bayrağı" ordeni "Qırmızı əmək bayrağı" ordeni "Xalqlar dostluğu" ordeni

"SSRİ xalq artisti" fəxri adı SSRİ Dövlət mükafatı "RSFSR xalq artisti" fəxri adı RSFSR əməkdar incəsənət xadimi Vasilyev qardaşları adına RSFSR Dövlət mükafatı
IMDb ID0752922
İmzanın şəkli
eldar-ryazanov.ru
Vikianbarın loqosu Vikianbarda əlaqəli mediafayllar

Eldar Aleksandroviç Ryazanov (rus. Эльдар Александрович Рязанов; 18 noyabr 1927[1][2][…], Samara[1]30 noyabr 2015[3], Moskva) — RusiyaSovet kinorejissoru, ssenarist, aktyor, prodüser və şairi. SSRİ xalq artisti (1984).

Həyatı

Eldar Ryazanov 18 noyabr 1927-ci ildə Samarada Aleksandr Semyonoviç Ryazanov və Sofi Mixaylovna Ryazanovanın ailəsində anadan olmuşdur. Tezliklə bu ailə Moskvaya gəlir. 1930-cu illərdə ailə dağılır və gələcək kinorejissor anası ilə qalmalı olur.

Eldar Ryazanov hələ uşaqlığından kitab oxumağı çox sevirdi. Yazıçı olmaq niyyətində idi, səyahətlər haqqında düşünürdü. Hətta məktəbi qurtarandan sonra Odessa dəniz məktəbinə ərizə göndərmişdi. Lakin elə bu vaxtlar müharibə başladı və Eldar artıq cavab gözləmədi.

Çox keçmədən Eldar Ryazanov təsadüfən bir dostunun məsləhətilə ÜDKİ-nin I kurs tələbəsi oldu.[4] O, Qriqori Kozinsevin emalatxanasında təcrübə keçirdi. Oradakı pedaqoqlar arasında həm də Ryazanova böyük ümidlər bəsləyən Sergey Eyzenşteyn var idi.

Yaradıcılığı

1950-ci ildə oranı bitirən Eldar kurs yoldaşı ilə birgə ilk sənədli filmini çəkir. Uğur qazanan bu filmdən sonra gənc rejissorlar diploma yiyələnirlər. Eldar Ryazanov düz 5 il sənədli kinoda çalışmışdır. Daha sonra müxtəlif kinojurnallar üçün kiçik kinosüjetlər çəkir.

1955-ci ildə Eldar Aleksandroviç Ryazanov "Mosfilm"in rejissoru olur. O, Sergey Qurovla birlikdə ilk sovet genişekranlı film-revyusunu çəkir. "Bahar səsləri" adlanan filmə eyni zamanda bədii epizodlar da daxil edilmişdi. Bir il sonra komedioqraf, "Mosfilm" kinostudiyasının rəhbəri İvan Pıryev Eldar Ryazanovu kinokomediya çəkməyə məcbur edir. Eldar Ryazanov ona 4 dəfə öz etirazını bildirsə də, Pıryev sözündən dönmür. Beləliklə, Ryazanov komediya rejissoruna çevrilir. E. Ryazanov "Ünvansız qız", "Qusar balladası", "Şikayət kitabını verin", "İtalyanların Rusiyada qeyri-adi sərgüzəştləri" filmlərinə quruluş verir. 1961-ci ildə isə birdən-birə 2 satirik lent çəkir. Bunlardan biri "Robinzon necə yaranıb", digəri isə "Heç yerdən olmayan adam" idi. Adı çəkilən ikinci filmdə Sergey YurskiAnatoli Papanov kimi rus aktyorları çəkilmişdi.

Eldar Ryazanovun ən uğurlu filmlərindən biri də "Avtomobildən qorun" hesab oluna bilər. Filmin yaxşı alınmasında İnnokenti Smoktunovski, Oleq Yefremov, Yevgeni Yevstiqneyev, Anatoli Papanov, Andrey Mironov, Qalina Volçek və başqa aktyorların da rolu az deyildi.

Sonrakı illərdə Ryazanov bir-birinin ardınca "Uğur ziqzaqı", "Qoca quldurlar", "Qəribə təsadüf və ya həmişə təmizlikdə", "İşdə məhəbbət macərası", "İki nəfərlik vağzal" filmlərini lentə alır.

Eldar Aleksandroviç Ryazanov öz kinematoqrafını yaratmışdı. Onun əksər filmləri bu gün də sevə-sevə xatırlanır. Lakin bundan başqa Ryazanov həm də 1979-1985-ci illərdə "Kinopanoram" verilişinin aparıcısı olmuşdur. Bundan başqa, onunla birgə televiziyada 200 müəllif proqramı hazırlanmışdır.

2002-ci ildə Eldar Ryazanov Rusiyada kinematoqrafiya üzrə "Nika" akademiyasının prezidenti seçilir. 23 yanvar 2005-ci ildə Eldar Ryazanovun kinoklubu açılmışdır. 2010-cu ildə Kino İttifaqının (rus. КиноСоюз) təsisçilərindən biri olmuşdur[5].

2015-ci ilin noyabrın 30-na keçən gecə Moskvada 88 yaşında vəfat etmişdir.[6][7][8]

Ailəsi

  • Atası — Aleksandr Semyonoviç Ryazanov.
  • Anası — Sofiya Mixaylovna Şusterman (sonradan — Ryazanova).
  • İlk həyat yoldaşı — Zoya Fomina, rejissor (1950—1970-ci illər).
  • İkinci həyat yoldaşı — Nina Qriqoryevna Skuybina (19301994)[9], "Mosfilm"in redaktoru (19701994).
  • Üçüncü həyat yoldaşı — Emma Valerianovna Abaydullina (d. 1941), kino redaktoru.

Filmoqrafiya

Rejissor fəaliyyəti

  1. Bahar səsləri (1955)
  2. Karnaval gecəsi (film, 1956)
  3. Ünvansız qız (1957)
  4. Robinzon necə yaranıb (1961)
  5. Heç yerdən olmayan adam (1961)
  6. Qusar balladası (1962)
  7. Şikayət kitabını verin (1964)
  8. Avtomobildən qorun (film, 1966)
  9. Uğur ziqzaqı (1968)
  10. Qocalar-quldurlar (film, 1971)
  11. İtalyanların Rusiyada ağlasığmaz macəraları (film, 1973)
  12. Qəribə təsadüf və ya həmişə təmizlikdə (film, 1975)
  13. İşdə məhəbbət macərası (film, 1977)
  14. Qaraj (film, 1979)
  15. İki nəfərlik vağzal (film, 1982)
  16. Amansız romans (1984)
  17. Unudulmuş fleyta musiqisi (film, 1987)
  18. Əziz Yelena Sergeyevna (1988)
  19. Öncəgörmə (film, 1993)
  20. Köhnə yabılar (2000)
  21. Karnaval gecəsi-2 və ya əlli il sonra (2007)
  22. Ömrün musiqisi (2009)

Ssenarist fəaliyyəti

  1. Robinzon necə yaranıb (1961)
  2. Qusar balladası (1962)
  3. Avtomobildən qorun (film, 1966)
  4. Uğur ziqzaqı (1968)
  5. Qocalar-quldurlar (film, 1971)
  6. İtalyanların Rusiyada qeyri-adi sərgüzəştləri (1973)
  7. Qəribə təsadüf və ya həmişə təmizlikdə (film, 1975)
  8. İşdə məhəbbət macərası (film, 1977)
  9. Qaraj (film, 1979)
  10. İki nəfərlik vağzal (film, 1982)
  11. Amansız romans (1984)
  12. Unudulmuş fleyta musiqisi (1987)
  13. Əziz Yelena Sergeyevna (1988)
  14. Öncəgörmə (film, 1993)
  15. Köhnə yabılar (2000)

Aktyorluq fəaliyyəti

  1. Qəribə təsadüf və ya həmişə təmizlikdə (film, 1975)
  2. İşdə məhəbbət macərası (film, 1977)
  3. İki nəfərlik vağzal (film, 1982)
  4. Karnaval gecəsi-2 və ya əlli il sonra (2007)

İstinadlar

  1. 1,0 1,1 Рязанов Эльдар Александрович // Большая советская энциклопедия (rus.): [в 30 т.]. / под ред. А. М. Прохоров 3-е изд. Москва: Советская энциклопедия, 1969.
  2. Eldar Aleksandrovich Ryazanov // Encyclopædia Britannica (ing.).
  3. Bibliothèque nationale de France Èlʹdar Aleksandrovič Râzanov // BnF identifikatoru (fr.): açıq məlumat platforması. 2011.
  4. Первый канал. "Эльдар Рязанов: вся жизнь — кино" (rus). Youtube.com. 17.11.2017. İstifadə tarixi: 2017-11-17.
  5. КиноСоюз зарегистрирован государством
  6. "Эльдар Рязанов скончался в Москве" (rus). lifenews.ru. 30.11.2015 00:40. İstifadə tarixi: 2015-11-30.
  7. "Умер Эльдар Рязанов" (rus). lifenews.ru. 30.11.2015 00:52. İstifadə tarixi: 2015-11-30.
  8. "Умер Эльдар Рязанов" (rus). lifenews.ru. 30.11.2015 01:06. İstifadə tarixi: 2015-11-30.
  9. "Новодевичье кладбище. Скуйбина-Рязанова Нина Григорьевна (1930—1994)". 2013-06-12 tarixində orijinalından arxivləşdirilib. İstifadə tarixi: 2013-06-12.

Xarici keçidlər