Vikipediya:İnzibatçı müzakirəsi

Bu səhifə inzibatçıların fəaliyyətini koordinə etmək üçün nəzərdə tutulmuşdur.

Uzun vikitətil :)

Salam hörmətli idarəçilər. Hərbi xidmətə yola düşdüyüm üçün idarəçi statusumdan imtina etmək qərarı aldım. Yaddaşlarda qeyri-aktiv idarəçi olaraq qalmaq istəmədiyim üçün bunu edirəm. Gedib-gəldikdən sonra yenidən səsvermə açıb icmanın qərarını gözləyəcəm. Özünüzə yaxşı baxın.

P.S VP:ŞİRKƏT qaydasını hazırlamışam amma müzakirəyə çıxaracaq qədər vaxtım yoxdur. Ona görə də sizdən (digər istifadəçilər də daxil olmaqla) xahiş edirəm ki müzakirəyə (əgər müzakirə uğurlu alınarsa səsverməyə təbii ki) çıxarın.— NMW03 (müzakirə) 20:41, 1 oktyabr 2021 (UTC)

Sura Shukurlu-nun idarəçi səsverməsi

Salam. Vikipediya:İdarəçilər səsverməsində Sura Shukurlu-nun səsverməsində lehinə səslərin sayı 100 faiz olsa da, minimum 15 səs gəlmədiyi üçün hal-hazırda seçilməmiş sayılır. Daha əvvəlki səsvermələrdə belə halla rastlaşdığımızı xatırlamıram. Vikipediya:İdarəçilərin və bürokratların seçilməsi qaydalarında "Əvvəlcədən elan olunmuş müddət sonunda lazımi miqdarda səslərin toplana bilməməsi halında səsvermə baş tutmamış sayılır və hər hansı istifadəçinin istəyinə bağlı olaraq, həmin və ya başqa müddətdə olmaq üzrə təkrarlana bilər." belə bir bənd var. Burda səsvermənin uzadılması qeyd olunmayıb, bu təcrübədən istifadə edilməyib heç. Amma bu halda səsvermənin yenilənməsi yeni namizədlik kimi başa düşülmür, məncə. Bu barədə fikirlərinizi gözləyirəm. Eminn (müzakirə) 16:45, 16 dekabr 2021 (UTC)

Bir də Vikipediya:İdarəçilərin və bürokratların seçilməsi qaydaları səhifələrində bir-birinə zidd 2 bənd var: "Səsvermə o zaman baş tutmuş hesab olunur ki, etibarlı səslərin sayı 15-dən, lehinə səslərin sayı isə 10-dan az olmasın". Sonra da yazılır ki, "İdarəçiliyə namizəd ən azı 10 səs alarsa və onun seçilməsinə qarşı səs verənlərin sayı etibarlı səslərin sayının 1/3-ni keçməzsə, o seçilmiş, əks halda isə seçilməmiş sayılır". Sura Shukurlu ilə bağlı vəziyyət belədir ki, namizəd 10 səs lehinə alıb (14 səs), əleyhinə səs verən sayı 1/3-i keçməyib (0 səs), amma 15 etibarlı səs yoxdur. — Sortilegus (müzakirə) 17:26, 17 dekabr 2021 (UTC)

Deməli qaydaya dəyişiklik lazımdı. Get-gedə təkmilləşdirmək lazımdı. — Araz Yaquboglu (müzakirə) 06:06, 18 dekabr 2021 (UTC)

Elshad Iman (Elşad İman)-ın yanlış olaraq bloklanması

Salam, həmkarlar. Elshad Iman (Elşad İman) envikidə yanlış anlama səbəbindən əsassız şəkildə qlobal blok edilmişdir. Halbuki azviki və başqa vikilərdə heç bir problem mövcud deyildi. Meta-da blokun götürülməsi barədə müzakirə açıldı, idarəçilər də dəstək oldu, lakin müzakirə bağlanılaraq ombudsmana müraciət etmək təklif edildi. O da olundu, lakin nəticəsiz qaldı. Əgər problem deyilsə, istifadəçinin E.Imanoff hesabında itirdiyi hüquqları bərpa etmək istərdim — Toghrul R (m) 10:02, 16 yanvar 2022 (UTC)

Müzakirədə mən də fikir bildirmişdim. Problemsiz və dəyərli istifadəçidi. Fikrim müsbətdir. — Araz Yaquboglu (müzakirə) 10:59, 16 yanvar 2022 (UTC)

İndiki halda atılacaq ən doğru addım budur. Dəstəkləyirəm. — Surə ^🗯 11:17, 16 yanvar 2022 (UTC)

Doğru qərar olar məncə. — Drabdullayev17 (müzakirə) 09:22, 17 yanvar 2022 (UTC)

Y istifadəçinin hüquqları bərpa edildi — Toghrul R (m) 06:18, 21 yanvar 2022 (UTC)

AzeWEB və Bakhshizada

Salam, hörmətli idarəçilər. Bir müddət öncə Bakhshizada-ni Vikipediyada təhqirlər etdiyinə görə, onları hüquq-mühafizə orqanları ilə təhdid etdiyinə görə daimi bloklamışdım. Üzərindən bir neçə gün sonra eyni tip məqalələr yaradılan AzeWEB hesabı fəaliyyətə başladı. Çekyuzerə müraciətimdə bu istifadəçilərin əlaqəli ola biləcəyi qeyd edildi, lakin tam olaraq eyni IP-ünvanları olmadığı göstərildi. Buna baxmayaraq, bu iki istifadəçinin eyni olduğunu düşünürəm:

1. istifadəçinin Vikianbara yüklədiyi fotoların lisenziyasında "wns.az" subdomenli səhifəyə istinad edilir (məsələn). Bu saytın (servisin) "Instagram" səhifəsində izlədiyi səhifələrin arasında "bakhshizada" və "azertimes.az" vardır
2. AzeWEB yaratdığı məqalələrdə "azertimes.az" saytına istinad edir (Məsələn). Həmin saytın loqosunu Bakhshizada 7 sentyabr 2021-ci ildə Vikianbara yükləyib. Xəbər saytlarının siyahısında saytın Əli Baxşızadəyə məxsus olması qeyd edilib.
3. Şəxs yalnız qeyri-ensiklopedik məqalələr yaradır. Böyük ehtimal açıqlanmayan ödənişli redaktorluq edir ki, bu da Vikimedia Fondunun əsas prinsiplərinə ziddir.
4. Burada təhqir hesab ediləcək ifadələr işlədib.
5. Müzakirələrdə nəzakət prinsiplərinə uyğun olmayan cümlələr yazır.

Əgər digər idarəçilərin istifadəçinin daimi bloklanılmasına narazılığı yoxdursa, bunu icra edərdim — Toghrul R (m) 07:54, 24 yanvar 2022 (UTC)

1.  Lehinə: — Nicat^{49   ⋠müzakirə⋡} 19:37, 24 yanvar 2022 (UTC)
2.  Lehinə: — Drabdullayev17 (müzakirə) 07:44, 25 yanvar 2022 (UTC)

məncə eyni hesab deyil, amma meatpuppet olma ehtimalı var. --► Hörmətlə: SolaVirum 06:37, 26 yanvar 2022 (UTC)

@Solavirum eyni istifadəçilərdir. Ayaz Babayev səhifəsinin müzakirəsində göndərilən skrinşutda aşağıda loqo da düşüb ([1]). Digər əsaslandırmalar yuxarıda qeyd edilib — Toghrul R (m) 06:41, 26 yanvar 2022 (UTC)

İdarəçilərin təftişi

Salam cənab Turkmen. Sizin bürokrat müzakirəsi səhifəsindəki əlavənizi görüb bura yazmaq qərarına gəldim. Qaydalara görə bu müzakirə əsasında veriləcək qərar bürokrat müzakirəsi səhifəsində deyil, idarəçilərin müzakirəsində əldə olunan razılıq əsasında verilir. Qaydalarda qeyd olunub: "İdarəçi/bürokrat Vikipediyada 6 ay ərzində əsas vəzifələrinə aid şərtləri yerinə yetirməyibsə, ondan idarəçi statusunun alınması ilə əlaqədar səsvermə keçirilə bilər. Səsvermənin keçirilməsinə qərar aktiv idarəçilərin müzakirəsində əldə olunan razılıq əsasında verilir. Əgər səsvermə nəticəsində idarəçiyə etimad göstərilsə, lakin səsvermənin nəticələrinin elan edildiyi tarixdən sonrakı növbəti 6 ay ərzində o fəaliyyətini Vikipediya:İdarəçilərin fəaliyyəti qaydalarının "İdarəçilərin əsas vəzifələri" bölməsində göstərilən minimal tələblərə uyğunlaşdırmazsa, o zaman müzakirəsiz və səsverməsiz həmin istifadəçi idarəçi statusundan məhrum edilir." Ümumiyyətlə isə mən də sizin qeyd etdiyiniz kimi, idarəçilərin statuslarının saxlanılmasının lehinəyəm. Əgər yox, idarəçi yoldaşlardan kimsə şərtləri yerinə yetirə bilməyən X idarəçini səsverməyə çıxarmaq istəyirsə, o zaman müzakirə olunsun və müvafiq qərar verilsin. Hörmətlə.— Nicat^{49   ⋠müzakirə⋡} 23:00, 10 may 2022 (UTC)

Salam hörmətli @Nicat49. Mənim VP:BMİ-də müzakirə açmağımın səbəbi, birbaşa hüququn alınması ilə bağlı idi ki, sizin özünüz də bu barədə şərhinizdə qeyd etmisiz. Yəni bir neçə həmkarın birbaşa hüququnun alınması ilə bağlı təklif/tələb irəli sürülmüşdü və əsaslandırılmışdı. İdarəçilərin hüquqlarının alınmasına məndə qarşıyam və düşünürəm ki, əvvəlcə qaydalar təkmilləşdirilməlidir. Turkmen ^müzakirə 07:30, 11 may 2022 (UTC)

Qərar

Salam hörmətli inzibatçılar, istifadəçi Lavicinin etirazına əsasən bu müzakirəni başladıram. Buradakı qərarımda blok müddətləri ilə bağlı yanlışlıq varsa istənilən inzibatçı dəyişə və ya bloku qaldıra bilər. Əgər heç bir münasibət olmasa demək ki, hər kəs mənimlə eyni fikirdədi. Bundan əlavə istifadəçi Lavicinin son müzakirələrinə əsasən tərəfli mövqeyi olduğu üçün müəyyən hüquqlarını almaq məcburiyyətində qaldım. Bu fikirlə də razı deyilsinizsə müzakirəyə əsasən qərar verə bilərik. Hörmətlə — eldarado(müzakirə | fəaliyyət | meta səhifəsi) 13:38, 19 may 2022 (UTC)

Salam, hörmətli Eldarado. Təcrübəli istifadəçilərin uzunmüddətli bloklanmasının əleyhinəyəm. Hamı səhv edə bilir, səhvlər davamlı deyilsə, 1-2 günlük bloklamaq kifayət edir. 15 gün bloklamaqla fəal istifadəçiləri vikipediyadan uzaqlaşdırırıq. Rolbaker və patrullar gələcəyini idarəçiləridir, ona görə onlara daha çox dəstək olmaq lazımdır. Lavicinin blokunun açılmasına bir neçə gün qalıb, ona görə müddəti dəyişmirəm. Amma cəzalandırmağın son çıxış yolu olduğunu düşünürəm. Sizin bloklama ilə bağlı fikirlərinizi qeyd edirəm: İlk öncə müraciətə fikir bildirim ki, bəli qaydalar pozulub. İdarəçi aqressiv müraciət edib, qütbləşmə olduğunu qeyd edib və 6 nəfərin ona qarşı olduğu ilə bağlı ittihamlar irəli sürüb. Lakin məsələ burasındadır ki, bunu etməyən bir iki idarəçi var hal-hazırda digərləri isə müəyyən vaxtlarda nəzakət qaydalarını və etiket qaydalarını pozub, məüyyən istifadəçiləri qruplaşma ilə ittiham edib və s. Yəni bunlar olub hər zaman lakin heç kəs bloklanmayıb. İnzibatçıların nəzakət və etiket qaydalarını pozduğunu və bloklanmamasını adi qəbul etdiyiniz halda istifadəçilərə qarşı sərt addımlar atmağınızı düzgün qəbul etmirəm.— Eminn (müzakirə) 12:24, 21 may 2022 (UTC)

Salam. Blok məsələsində razı deyiləm və açılmasının tərəfdarıyam. "sizdən şikayətçi olacağam xəbəriniz olsun" ifadəsi bir az hədə-qorxu kimi səslənir, amma istifadəçinin müzakirədə normal bir şəkildə iştirak etdiyini düşünürəm. White Demツn^yaz 04:55, 22 may 2022 (UTC)

Hörmətli Eminn, heç kəsə qarşı sərt addımlar atmamışam. 5-6 aylıq blok tətbiq etməmişəm ki, uzun müddətli blok deyirsiz. Qaydalara əsasən inzibatçılar blok müddətini təyin etmək hüququna malikdir və məndə gərginliyi sakitləşdirmək məqsədi ilə blok müddəti təyin edib, yekun qərar üçün müzakirə açdım. Diqqətiniz üçün təşəkkür edirəm. — eldarado(müzakirə | fəaliyyət | meta səhifəsi) 08:00, 23 may 2022 (UTC)

İnzibatçı qeydləri

• Vikipediya:İnzibatçı müzakirəsi/Qeydlər — son yenilənmə tarixi: 16.08.2019

Həmçinin bax

• Vikipediya:İnzibatçılar
• Arxiv
• Vikipediya:İnzibatçılara müraciət
• Silinəcək səhifələr