İbrahim Qaradağlı
| İbrahim Qaradağlı | |
|---|---|
| Doğum tarixi | |
| Doğum yeri | Qaradağlı, Ərəş qəzası, Yelizavetpol quberniyası, Rusiya İmperiyası |
| Vəfat tarixi | |
| Vəfat yeri | Ağdaş, Azərbaycan SSR, SSRİ |
| Vətəndaşlığı |
 Rusiya imperiyası→ AXC→ SSRİ |
| Fəaliyyəti | teatr aktyoru |
| Fəaliyyət illəri | 1924-cü ildən |
| Mükafatları |
 |
İbrahim Məcnun oğlu Qaradağlı (1907, Qaradağlı, Ərəş qəzası – 19 iyun 1978, Ağdaş rayonu) — Azərbaycan teatr aktyoru və mədəniyyət işçisi, Azərbaycan SSR əməkdar artisti (1943).
Həyatı
[redaktə | mənbəni redaktə et]İbrahim Qaradağlı 1907-ci ildə hazırkı Ağdaş rayonunun Qaradağlı kəndində anadan olmuşdur. Səhnə fəaliyyətinə 1924-cü ildə kəndlərindəki dram dərnəyində başlamış, 1926–1938-ci illərdə Ağdaş rayon klubunun dram dərnəyində çalışmış, sonralar bu klubun direktoru olmuşdur. İbrahim Qaradağlı 1940-cı ildə Ağdaşda Kolxoz və Sovxoz Teatrı açılan zaman bu kollektivə daxil olmuş, teatr 1949-cu ildə bağlanana kimi burada aktyorluq və rejisorluq etmiş, həmçinin 1941-ci ildən direktor işləmişdir. Sonralar rayon mədəniyyət evində müdir, xalq teatrında rejissor işləyib. Aktyor kimi çıxış etdiyi tamaşaların bir qisminə özü quruluş verib.[1]
İbrahim Qaradağlı 19 iyun 1978-ci ildə Ağdaşda vəfat etmişdir.[1]
Təltif və mükafatları
[redaktə | mənbəni redaktə et]- "Azərbaycan SSR əməkdar artisti" fəxri adı — 17 iyun 1943
İfa etdiyi əsas rollar
[redaktə | mənbəni redaktə et]| Rol | Tamaşa | Müəllif |
|---|---|---|
| Əsgər bəy | Hacı Qara | Mirzə Fətəli Axundov |
| Şahmar bəy | Müsibəti-Fəxrəddin | Nəcəf bəy Vəzirov |
| Niyaz | Pəri cadu | Əbdürrəhim bəy Haqverdiyev |
| Baş zabit | Dəmirçi Gavə | Şəmsəddin Sami |
| Vidadi | Vaqif | Səməd Vurğun |
| Nəsirov | Xoşbəxtlər | Sabit Rəhman |
| Kərəmov | Toy | Sabit Rəhman |
| Mehdi | Qaçaq Nəbi | Süleyman Rüstəm |
| Əhmədi Biqəm | Məhəbbət | Mirzə İbrahimov |
| Məşədi Hüseyn | Həyat | Mirzə İbrahimov |
| Murad lələ | Qız qalası | Rza Şahvələd |
| Sərvər | Məşədi İbad | Üzeyir Hacıbəyov |
| Süleyman | Arşın mal alan | Üzeyir Hacıbəyov |
| Mərcan bəy | Ər və arvad | Üzeyir Hacıbəyov |
| Kərəm | Əsli və Kərəm | Üzeyir Hacıbəyov |
| Məcnun | Leyli və Məcnun | Üzeyir Hacıbəyov |
İstinadlar
[redaktə | mənbəni redaktə et]- ↑ 1 2 Rəhimli, 2017. səh. 118
Ədəbiyyat
[redaktə | mənbəni redaktə et]- İlham Rəhimli. Azərbaycan Teatr Ensiklopediyası (3 cilddə). 2-ci cild. Bakı: Azərnəşr. 2017. 392 səh. ISBN 978-9952-8021-9-1.