Tur de Frans
Tur de Frans (fr. Tour de France) — Fransada 1903-cü ildən keçirilən dünyanın ən məşhur və nüfuzlu velosiped yarışması.
Yarışmanın prinsipləri
[redaktə | mənbəni redaktə et]
Tur de Frans 21 mərhələdən ibarətdir:
- Hər mərhələ bir gün davam edir.
- Hər bir yarışçı mərhələni bitirməlidir ki, onun vaxtı qeydə alınmış və toplanmış olsun.
Yarışın tam uzunluğu — 3000-4000 km arasındadır (yollar və mərhələlərin ölçüsü hər il dəyişilir).
Baş təsnifat — toplam vaxta əsasən yarışçıların iştirakının qiymətləndirilməsidir.
Ən qısa vaxtda yarışı başa vuran velosipedçi turnirin qalibi olur.
Ən qısa vaxta görə qələbədən başqa iştirakçılar üçün bu nominasiyalar da mövcuddur:
- ən yaxşı sprinter;
- ən yaxşı dağlıq ərazi yarışçısı;
- ən yaxşı gənc yarışçı.
Bu nominasiyaların liderləri müəyyən rəngli köynəklər geyinirlər.
Köynəklər
[redaktə | mənbəni redaktə et]Sarı köynək 
Le maillot jaune
[redaktə | mənbəni redaktə et]
Sarı köynəyi Tur de Fransın ən yaxşı vaxta sahib olan lideri geyinir. Bu köynək digərləri ilə müqayisədə daha prestijli sayılır. Əvvəllər sarı səhifələri olan və yarışa sponsorluq edən qəzet liderin köynəyinə tikilirmiş. Sarı köynək geyinmək ənənəsi də o vaxtdan qalmışdır.
Yaşıl köynək 
Le maillot vert
[redaktə | mənbəni redaktə et]
Sprinter hesabında lider olan velosipedçi yaşıl köynək geyinir. Ənənə 1953-cü ildən mövcuddur.
Noxudlu ağ köynək 
Le maillot à pois rouges
[redaktə | mənbəni redaktə et]
Qırmızı noxudlu ağ köynəyi ən yaxşı dağ velosipedçisi geyinir. Köynək fransızca à maillot pois rouges adlanır ki, bunun da hərfi tərcüməsi "qırmızı noxudlu köynək"dir.
Ağ köynək 
Le maillot blanc
[redaktə | mənbəni redaktə et]
Yarışın ən yaxşı gənc yarışçısı ağ köynək geyinir. Bu köynəyi geyinən velosipedçinin yarış keçirilən ilin 1 yanvarına qədər yaşı 25-dən az olmalıdır. Ənənə 1975-ci ildən mövcuddur.
Ən aqressiv yarışçı 
Prix de la combativité
[redaktə | mənbəni redaktə et]
Hər mərhələnin nəticəsinə görə ən aqressiv (döyüşkən, mübariz) velosipedçiyə növbəti gün qırmızı fonda yazılmış xüsusi ağ nömrə verilir. Ən vacib meyarlardan biri: hücum stili nümayiş etdirmək, davamlı həmlələr etmək sayılır. Ən aqressiv velosipedçini mütəxəssislər qrupu müəyyənləşdirir.
Direktorlar
[redaktə | mənbəni redaktə et]| İllər | Direktor |
|---|---|
| 1903 — 1939 | Anri Deqranj |
| 1947 — 1961 | Jak Qodde |
| 1962 — 1986 | Jak Qodde və Feliks Levitan |
| 1987 | Jan-Fransua Nake-Radiqe |
| 1988 | Jan-Pyer Kurkol |
| 1989 — 27 oktyabr 2005 | Jan-Mari Leblan |
| 27 oktyabr 2005 — indiyə qədər | Kristian Pryudomm |
Xarici keçidlər
[redaktə | mənbəni redaktə et]