II Teymuraz

II Teymuraz
თეიმურაზ II
Kaxetiya kralı II Teymuraz
Kaxeti çarı
1732 – 1744
Əvvəlki	II Konstantin Baqrationi kral kimi / Arçil vali kimi
Sonrakı	II İrakli
Kartli çarı
1744 – 1762
Əvvəlki	Əli Mirzə
Sonrakı	II İrakli
Şəxsi məlumatlar
Doğum tarixi	7 noyabr 1680
Doğum yeri	Tiflis, Kartli krallığı
Vəfat tarixi	8 yanvar 1762 (81 yaşında)
Vəfat yeri	Sankt-Peterburq
Fəaliyyəti	şair
Atası	I İrakli Baqrationi
Anası	Anna Çolokaşvili
Uşaqları	II İrakli
Ailəsi	Baqrationi
Dini	Gürcü Ortodoks Kilsəsi
Vikianbarda əlaqəli mediafayllar

II Teymuraz (gürc. თეიმურაზ II; 1700 – 8 yanvar 1762) — Kaxeti çarı (1733–1736, 1737–1744), daha sonra Kartli çarı (1744–1762). Baqrationi nəslindəndir. Lirik şeirlər yazırdı. Kartli-Kaxeti çarı I İraklinin oğludur. 1744-cü ildə II Teymurazın oğlu II İrakli Kaxetiya çarı oldu və Şərqi Gürcüstanı birləşdirdi.

Gənclik illəri

I İrakli Baqrationinin və Anna Çolokaşvilinin 12-ci övladı olaraq dünyaya gəlmişdi. 1709–1715-ci illərdə Teymuraz anası ilə birlikdə qardaşı II Davidin yerinə qəyyum olaraq hökm sürmüşdü. 1732-ci ildə Osmanlı ordusu digər qardaşı II Konstantin Baqrationini öldürüb Kaxetiyanı işğal etdikdən sonra Teymuraz dağlara qaçdı. 3 il sonra Nadir şahın Osmanlını məğlub etməsi münasibətilə geriyə dönən Teymuraz İrəvana, şahın iqamətgahına getdi. Müsəlman olmadığı üçün Nadir şah Kaxetiya dövlətini ləğv edərək, II Davidin oğlu Əli Mirzəni Kaxetiya valisi olaraq təyin etdi. 1735-ci ildə yenidən dağlara qaçan Teymuraz sonrakı il həbs edilərək şahın hüzuruna gətirildi. 1744-cü ildə Nadir şah onu gürcü üsyanını yatırtmaq üçün göndərdi və onu Kartli çarı olaraq tanıdı.

II Teymurazın Həştərxandakı qəbri

Hakimiyyəti

Nadir şahın ölümündən sonra Gəncə xanlığı, İrəvan xanlığı və Naxçıvan xanlığı ilə ittifaq quran çar İran ordusunu Qafqazdan qovmağa nail oldu. Rusiyadan kömək almağı özünə məqsəd qoyan Teymuraz Sankt Peterburqu ziyarət edərkən vəfat etdi və Həştərxan Kremlində qaynatası VI Vaxtanqın yanında basdırıldı. Yerinə oğlu II İrakli keçdi. O musiqi bəstələmiş, fars dilindən şeirlər tərcümə etmişdir.

Ailəsi

Çar 3 dəfə evlənmişdi:

• Tamar — Araqvi eristavı II Bahadur Sidamonun qızı (1710-cu ildə boşandı)
• Tamara Baqrationi — VI Vaxtanqın qızı. Ondan olan övladları:

1. II İrakli
2. David
3. İoan
4. Solomon
5. Kotevan
6. Yelena
7. Anna

• Anna Barataşvili — Bejana Barataşvilinin qızı. Ondan olan övladları:

1. Tamara
2. Yelizaveta