Elmar Məmmədyarov
Elmar Məmmədyarov | |
---|---|
| |
| |
7 aprel 2004 – 16 iyul 2020 | |
Əvvəlki | Vilayət Quliyev |
Sonrakı | Ceyhun Bayramov |
Şəxsi məlumatlar | |
Doğum tarixi | 2 iyul 1960 (63 yaş) |
Doğum yeri | |
Vətəndaşlığı |
SSRİ→ Azərbaycan |
Partiya | Partiyasız |
Təhsili |
|
Fəaliyyəti | diplomat, siyasətçi |
Atası | Məhərrəm Məmmədyarov |
Həyat yoldaşı | Kamilla Məmmədyarova |
Uşaqları | Emin, Riad |
|
|
Təltifləri | |
Vikianbarda əlaqəli mediafayllar |
Elmar Məhərrəm oğlu Məmmədyarov (2 iyul 1960, Bakı) — azərbaycanlı siyasətçi və diplomat, Azərbaycanın İtaliyadakı fövqəladə və səlahiyyətli səfiri (2003–2004), Azərbaycanın 6-cı xarici işlər naziri (2004–2020), AFFA İcraiyyə Komitəsinin üzvü.
Həyatı
Əslən Culfa rayonundan olan Elmar Məmmədyarov 1960-cı il iyulun 2-də Bakı şəhərində Məhərrəm və İzida Məmmədyarovların ailəsində anadan olub. Onun atası Məhərrəm Məmmədyarov alimdir və 2001-ci ildən AMEA-nın həqiqi üzvüdür.
Elmar Məmmədyarov 1977-ci ildə T. Şevçenko adına Kiyev Dövlət Universitetinin "Beynəlxalq münasibətlər və beynəlxalq hüquq" bölməsinə daxil olub və 1982-ci ildə həmin ali təhsil müəssisəsini bitirib.[1]
O, ingilis, rus və türk dillərini bilir.[2][2] Lakin bəzi mənbələrdə Azərbaycan dilini zəif səviyyədə bildiyi qeyd olunub.[3] Sabiq nazir bu səbəbdən mütəmadi olaraq tənqid olunmuşdur.[4]
Ailəsi
Anası İzida İbrahimbəyova[5] Fuad İbrahimbəyovun qızıdır[6].
Atası Məhərrəm Məmmədyarov kimya elmləri doktoru, AMEA-nın həqiqi üzvüdür.
Elmar Məmmədyarov Kamilla Məmmədyarova ilə ailəlidir; Emin və Riad adında övladları var. Oğlu Riad Məmmədyarov 2019-cu ildə ABŞ vətəndaşı Aleks Zapalla adlı xanımla evlənib. Onlar Nyu-York Universitetində təhsil alarkən tanış olublar. Elmar Məmmədyarovun digər oğlu Emin Məmmədyarov da ABŞ-da yaşayır.[7] 2020-ci ildə Elmar Məmmədyarovun ABŞ-da oğlu Eminin adına 4,5 milyon dollarlıq mənzil alması xəbəri yayıldıqdan sonra Emin Məmmədyarova qarşı ABŞ-da vergidən yayınma ittihamı ilə məhkəmə iddiası qaldırılıb.[8]
Fəaliyyəti
Elmar Məmmədyarov 1982-ci ildən 1988-ci ilə qədər Azərbaycan SSR Xarici İşlər Nazirliyində II Katib və I Katib vəzifələrində çalışıb.
1988–1991-ci illərdə Sovet İttifaqı Xarici İşlər Nazirliyinin Diplomatiya Akademiyasında çalışan Elmar Məmmədyarov, 1989–1990-cı illərdə ABŞ-dad Braun Universitetində xarici siyasətin planlaşdırılması sahəsi üzrə çalışıb.
O, 1991-ci ildən 1992-ci ilə qədər Azərbaycanın Xarici İşlər Nazirliyində Dövlət protokolu şöbəsinin müdiri olub.
1992–1995-ci illərdə Azərbaycanın BMT yanında olan daimi nümayəndəliyində I katib vəzifəsində çalışan Elmar Məmmədyarov, 1995–1998-ci illərdə Azərbaycanın Xarici İşlər Nazirliyində Beynəlxalq qurumlar idarəsinin rəisi olub.
Elmar Məmmədyarov 1998-ci ildən 2003-cü ilə qədər Azərbaycanın ABŞ səfirliyində müşavir vəzifəsində çalışıb.
Elmar Məmmədyarov Azərbaycan prezidenti Heydər Əliyevin 2 iyun 2003-cü il tarixli 895 nömrəli sərəncamı ilə Azərbaycanın İtaliyadakı fövqəladə və səlahiyyətli səfiri təyin edilib.[9] Elə həmin gün imzalanan digər sərəncamla ona, fövqəladə və səlahiyyətli səfir rütbəsi verilib.
Azərbaycan prezidenti İlham Əliyevin 2 aprel 2004-cü il tarixli sərəncamı ilə Elmar Məmmədyarov Azərbaycanın xarici işlər naziri vəzifəsinə təyin edilib.[10] O, bu postda 1999-cu ildən bu vəzifəni yerinə yetirən Vilayət Quliyevi əvəzləyib. Elə həmin gün imzalanan digər sərəncamla Elmar Məmmədyarov, Azərbaycanın İtaliyadakı səfiri vəzifəsindən azad edilib.
2019-cu ilin iyul ayında Elmar Məmmədyarov 1-ci dərəcəli "Vətənə xidmətə görə" ordeni ilə təltif olunub.[11]
2020-ci il iyulun 15-də baş tutan Nazirlər Kabinetinin iclası zamanı Azərbaycan Prezidenti İlham Əliyev Tovuz döyüşləri zamanı Xarici İşlər Nazirliyinin və nazir Elmar Məmmədyarovun göstərdiyi fəaliyyəti sərt tənqid edib.[12] Prezident həmçinin Elmar Məmmədyarovun rəhbərliyi altında son vaxtlarda Xarici İşlər Nazirliyinin əsas iş prinsipinin "dəymə mənə, dəyməyim sənə" olduğunu deyib və nazirliyin hücum diplomatiyası əsasında işləyə bilmədiyini deyib.[13]
16 iyul 2020-ci ildə Azərbaycan Respublikasının prezidentinin sərəncamı ilə Elmar Məmmədyarov xarici işlər naziri vəzifəsindən azad edilib. İstefasından sonra Elmar Məmmədyarovun Azərbaycanı tərk etməsinə qadağa qoyulub. Səbəb XİN sistemində yol verilmiş korrupsiya və mənimsəmələrə dair Dövlət Təhlükəsizliyi Xidməti və Baş prokurorluq tərəfindən aparılan istintaqdır. XİN-in bir neçə yüksək vəzifəli əməkdaşı rüşvət, korrupsiya və mənimsəmə ittihamları ilə DTX əməliyyatçıları tərəfindən həbs edilib.[14]
Qalereya
-
Kamilla Məmmədyarova, Mişel Obama, Elmar Məmmədyarov və Barak Obama
-
Elmar Məmmədyarov və Birləşmiş Ştatların Dövlət katibi Hillari Klinton
İstinadlar
- ↑ "Minister – Elmar Maharram oglu Mammadyarov". Ministry of Foreign Affairs of Azerbaijan. 6 July 2011 tarixində orijinalından arxivləşdirilib. İstifadə tarixi: 6 May 2011.
- ↑ 1 2 "Xarici İşlər Naziri". mfa.gov.az. 2018-07-12 tarixində orijinalından arxivləşdirilib. İstifadə tarixi: 2019-07-03.
- ↑ Vahabzadə: 'Məmmədyarov rusca dedi ki, mən Azərbaycan dilində pis danışıram'
- ↑ "Elmar Məmmədyarovun çıxışından heç nə başa düşə bilmədim – Millət vəkili + VİDEO". 2020-07-18 tarixində orijinalından arxivləşdirilib. İstifadə tarixi: 2020-07-16.
- ↑ Nazirin anası danışdı: "1–2 günə buraxılacaq…" teleqraf.com, 8. may 2017 (az.)
- ↑ Məhərrəm Məmmədyarov kimdir? islamazeri.com,
- ↑ Azərbaycanlı nazirin oğlu ABŞ-da evləndi
- ↑ ABŞ-da Elmar Məmmədyarovun oğluna qarşı məhkəmə iddiası qaldırıldı
- ↑ "Elmar Məhərrəm oğlu Məmmədyarovun Azərbaycanın İtaliyada Fövqəladə və Səlahiyyətli Səfiri təyin edilməsi haqqında Azərbaycan Prezidentinin 2 iyul 2003-cü il tarixli 895 nömrəli Fərmanı" (az.). www.e-qanun.az. 2018.
- ↑ "Elmar Məhərrəm oğlu Məmmədyarovun Azərbaycan Respublikasının xarici işlər naziri təyin edilməsi haqqında Azərbaycan Prezidentinin 2 aprel 2004-cü il tarixli 159 nömrəli Fərmanı. (az.)". www.e-qanun.az. 2018.
- ↑ Azərbaycan Respublikası Prezidentinin Sərəncamı
- ↑ Prezident XİN-in fəaliyyətindən narazıdır: "Mən Xarici İşlər nazirini tapa bilmədim"
- ↑ "Xarici İşlər Nazirliyində "dəymə mənə, dəyməyim sənə" prinsipi əsas rol oynayıb"
- ↑ Elmar Məmmədyarovun ölkədən çıxışına qadağa qoyulub
- Azərbaycanın xarici işlər nazirləri
- 2 iyulda doğulanlar
- 1960-cı ildə doğulanlar
- Yaşayan insanlar
- Bakıda doğulanlar
- RF XİN Diplomatik Akademiyasının məzunları
- Taras Şevçenko adına Kiyev Milli Universitetinin məzunları
- Ukraynanın I dərəcəli "Xidmətlərinə görə" ordeninin kavalerləri
- 1-ci dərəcəli "Vətənə xidmətə görə" ordeni ilə təltif edilənlər
- Macarıstanın "Xidmətlərə görə" ordeninin komandorları
- Polşanın "Xidmətlərə görə" ordeninin komandorları
- "Qazaxıstan Respublikasının müstəqilliyinin 25 illiyi" medalı ilə təltif edilənlər
- Əlifba sırasına görə vəzifəli şəxslər