Vaqif İbrahimoğlu
Vaqif İbrahimoğlu | |
---|---|
Doğum adı | Vaqif İbrahim oğlu Həsənov |
Digər adı | Vaqif Həsənov |
Doğum tarixi | |
Doğum yeri | Bakı, Mərdəkan, Azərbaycan SSR |
Vəfat tarixi | (61 yaşında) |
Vəfat yeri | Bakı, Azərbaycan |
Vəfat səbəbi | ağciyər xərçəngi |
Dəfn yeri | |
Vətəndaşlığı | |
Fəaliyyəti | aktyor |
Təhsili | |
Mükafatları | |
IMDb | ID1076609 |
Vaqif İbrahimoğlu (18 oktyabr 1949, Bakı, Mərdəkan — 12 may 2011, Bakı) — Azərbaycan novator teatr rejissoru.[1]
Həyatı
Vaqif İbrahimoğlu 18 oktyabr 1949-cu ildə Bakı şəhərinin Mərdəkan qəsəbəsində anadan olmuşdur. 1967-ci ildə Azərbaycan Dövlət Mədəniyyət və İncəsənət İnstitutunun dram və kino aktyorluğu fakültəsinə daxil olmuş, 1972-ci ildə həmin institutu bitirmişdir. 1973-1976-cı illərdə Azərbaycan Dövlət Gənc Tamaşaçılar Teatrında aktyor kimi çalışmışdır. 1976-1979-cu illərdə Azərbaycan Teatr Cəmiyyətinin nəzdindəki Eksperimental Teatr Studiyasında, 1979-1982-ci illərdə Tədris Teatrında Bədii rəhbər, 1982-1989-cu illərdə isə Azərbaycan Dövlət Musiqili Komediya Teatrında baş rejissor vəzifəsində fəaliyyət göstərmişdir.
Azərbaycan Milli Akademik Dram Teatrında, Türkiyənin Ankara və Bursa teatrlarında, Estoniyanın Uqala Teatrında tamaşalar hazırlamışdır. 1989-cu ildən YUĞ Teatrının bədii rəhbəri vəzifəsində çalışmışdır. 1992-ci ildə YUĞ Teatr-Studiyası dövlət statusu almışdır.
Vaqif İbrahimoğlu «YUĞ» teatrında 1989-cu ildən həyatının sonuna qədər 90-a yaxın tamaşaya quruluş vermişdi.
22 may 1991-ci ildə Azərbaycan Respublikasının əməkdar incəsənət xadimi fəxri adı ilə təltif olunub. AzTXİ-nin təsis etdiyi «Qızıl Dərviş» mükafatı laureatı, ADMİU-nun dosenti idi. 2006-cı ildən Azərbaycan Respublikası Prezidenti təqaüdü alırdı.
Vaqif İbrahimoğlu 12 may 2011-ci ildə Bakıda vəfat etmişdir.[2]
Xatirəsi
2019-cu ilin martında Bakıda Vaqif İbrahimoğlunun xatirəsinə həsr olunmuş "Boş məkanın dolğunluğu" adlı eksperimental tamaşalar festivalı keçirilmişdir.[3]
Filmoqrafiya
- Dantenin yubileyi (film, 1978)
- Bağlı qapı (film, 1981)
- Əlavə iz (film, 1981)
- Qəm pəncərəsi (film, 1986)
- Qurama (film, 1995)
- Otel otağı (film, 1998)
- Dağın nəvəsi (film, 2002)
- Pəri qala (film, 2007)
- Sahə (film, 2010)
İstinadlar
- ↑ Səfa, M. “Vaqif İbrahimoğlu kimi ustadım olub”: Məmməd Səfa: “Sənət fərdi yanaşmanı, fərdi işi daha çox xoşlayır”: [Əməkdar artistlə müsahibə] /müsahibəni apardı Xədicə Qiyas //Türküstan.- 2015.- 7-21 noyabr.- S.16.
- ↑ "2010-2011-ci illərdə dünyasını dəyişən kino işçiləri". Azərbaycan Respublikası Mədəniyyət və Turizm Nazirliyi. Dövlət Film Fondu. Kino-Bülleten. IV buraxılış. Bakı: Apostroff, 2011.
- ↑ CBC TV. "Театральный фестиваль, как территория новаторства и эксперимента" (rus). Youtube.com. 04.03.2019. İstifadə tarixi: 2019-03-04.
Xarici keçidlər
- 18 oktyabrda doğulanlar
- 1949-cu ildə doğulanlar
- 61 yaşında vəfat edənlər
- 12 mayda vəfat edənlər
- 2011-ci ildə vəfat edənlər
- Bakıda dəfn olunanlar
- Azərbaycan Dövlət Mədəniyyət və İncəsənət Universitetinin məzunları
- Azərbaycanın əməkdar incəsənət xadimləri
- Əlifba sırasına görə film sənətçiləri
- Azərbaycan teatr rejissorları
- Azərbaycan Respublikasının əməkdar incəsənət xadimləri
- "Qızıl Dərviş" mükafatı laureatları
- Bakıda doğulanlar