İntiqam Mehdizadə

İntiqam Mehdizadə
İntiqam Alı oğlu Mehdizadə
Doğum tarixi	14 fevral 1945(1945-02-14)
Doğum yeri	İsmayıllı, İsmayıllı rayonu, Azərbaycan SSR, SSRİ
Vəfat tarixi	8 iyun 2022(2022-06-08) (77 yaşında)
Təhsili	Bakı Dövlət Universitetinin Jurnalistika fakültəsi
Fəaliyyəti	jurnalist
Mükafatları

İntiqam Mehdizadə (14 fevral 1945, İsmayıllı – 8 iyun 2022) — yazıçı-publisist, jurnalist, ssenarist.

Həyatı

İntiqam Mehdizadə 1945-ci ildə İsmayıllı şəhərində anadan olub. Azərbaycan Dövlət Universitetinin Jurnalistika fakültəsini bitirib. Üç il "Azərbaycan gəncləri" qəzetində işləyəndən sonra, 1973-cü ildə Azərbaycan SSR Dövlət Televiziya və Radio Verilişləri Komitəsində redaktor vəzifəsinə təyin olunub. Burada böyük redaktor, şöbə müdiri, baş redaktor vəzifələrinə qədər yüksəlib. "Gənclik və idman" redaksiyasına rəhbərlik edib.

5 kitab müəllifidir. "Karvanın sarvanı" adlı iri həcmli məqalələr toplusu "Ozan" nəşriyyatında çapa hazırlanır.Respublika Mətbuat Fondunun "Dan Ulduzu", Jurnalistlər Birliyinin H.B.Zərdabi adına və "Qızıl qələm" mükafatları laureatıdır.

Hal-hazırda Azərbaycan Mədəniyyət və İncəsənət Universitetinin mətbuat katibi vəzifəsində çalışmaqla, həm də tələbələrə ssenari yaradıcılığı, ekran dramaturgiyası, ədəbi iş fənlərindən dərs deyir.

Evlidir, iki övladı, dörd nəvəsi var.

Filmoqrafiya

1. Lahıc (film, 2004)