"Şahin" xüsusi təyinatlı dəstə

Vikipediya, azad ensiklopediya
Jump to navigation Jump to search
"Şahin" xüsusi təyinatlı dəstə
Mövcud olduğu illər1995-indiyədək
ÖlkəAzərbaycan Azərbaycan
TabeçilikAzərbaycan Respublikası Daxili Qoşunları
DaxildirAzərbaycan Silahlı Qüvvələri
Növühərb
Tərkibizabitgizirlədən ibarətdir
Vəzifəsiictimai əsayişin və ictimai təhlükəsizliyin mühafizəsi
HissəDəstə
LəqəbiŞahin
HimayədarıAzərbaycan Respublikası Daxili İşlər Nazirliyi
ŞüarıSilahım qımırdansa,düşmənim susar
RəngləriZoğalı
Marşı
Təchizatımüasir silahlar
Komandirləri
İndiki komandiriİmrəliyev Fizuli

"Şahin" xüsusi təyinatlı dəstə1995-ci ildə yaradılan Azərbaycan Respublikası Daxili Qoşunlarının taboru.

Taborun əsgər və zabitləri bu günədək onlarca antiterror əməliyyatları, silahlı cinayətkarlarla mübarizə, müxtəlif şəraitlərdə əməliyyat-axtarış tədbirlərinin həyata keçirilməsi və s.-də özünü doğruldub. 2006-2007-ci illərdə Gürcüstandan çıxarılan hərbi bazalardan Rusiyaya daşınan eşelonları Azərbaycan ərazisində məhz bu taborun əsgərləri mühafizə etmişdilər.

Bu taborda milli mentalitet, türk döyüşkənliyi və vətənsevərliyi birləşib.

Azərbaycan Respublikası Daxili Qoşunlarının xüsusi təyinatlı dəstələrində xidmət edən əsgərlər ilkin seçim, test üsulu ilə yoxlama, müşahidə və söhbətlər mərhələsindən keçməklə seçilirlər. Birinci mərhələ xüsusi komissiya tərəfindən həyata keçirilir. Bu komissiyanın tərkibinə qərargah, kadrlar, tibb və xüsusi təyinatlı bölmələrin zabitləri daxildir. Hər bir namizədlə aparılan söhbətlər zamanı onun xidmətə gəlməkdə məqsədi, vətənpərvərlik hissləri, ölkədə baş verən hadisələrə, valideynlərinə, onların bu xidmətə münasibəti, hərbi və ya mülki təhsili, ailə vəziyyəti, ixtisası və gələcək planları, marağı, asudə vaxtını necə keçirməsi, idmana marağı, sağlamlığının vəziyyəti, keçirdiyi xəstəliklər və s. öyrənilir. Bundan sonra namizədə gələcək xidmətlə bağlı suallar verilir. İkinci mərhələdə isə seçilmiş namizədin fiziki və psixoloji keyfiyyətləri yoxlanılır. Bu keyfiyyətlər 7 test üzrə çıxarılır, yüksək bal toplayanlar müsabiqədən keçmiş sayılır. İkinci mərhələdə namizədin dözümlülüyü qiymətləndirilir, güc dözümlülüyü yoxlanılır, həmçinin güc keyfiyyətləri, sürət keyfiyyətləri, elastikliyi, cəldliyi və cəsurluğu qiymətləndirilir.Bunun əsasında təşkil olunmuş kruslar zamanı onlar "Qırmızı beret" baş geyimini qazanırlar.

Bu taborun təlimlərində əsasən çöl, bina, meşə və dağ şəraitində silahlı cinayətkarların zərərsizləşdirilməsinə önəm verilir. Onlar əlbəyaxa döyüş növlərini öyrənirlər. Eyni zamanda gecə təlimləri, gecə vaxtı müxtəlif şəraitlərdə əməliyyatlar aparmaq imkanları müntəzəm olaraq nəzərdən keçirilir. XTD-nin əsgər və zabitlərinin adları açıqlanmır, onlar Türkiyə, ABŞ, Macarıstan, Almaniya, Ukrayna, Çin və digər ölkələrdə təlimlərdə iştirak edib təcrübə toplayırlar.

Azərbaycan Respublikası Daxili Qoşunlarının "Şahin" XTD-si hərbi parad keçidi zamanı

Burada silah təchizatı elə xüsusi təyinatlı əməliyyatlara uyğun müəyyənləşdirilir. Əsasən NATO dövlətlərinin ordularında tətbiq edilən silahlardan və ən son buraxılış texnikalardan istifadə olunur. Xüsusi təyinatlıların döyüş dəstinə müxtəlif markalı atıcı və soyuq silahlar, ən müasir zirehli köynək, dağ şəraitində əməliyyatlar üçün alpinist vasitələri və s. daxildir. Bina şəraitində əməliyyatlarda isə onlar nisbətən yüngül, kiçikçaplı silahlardan və güllədən qorunmaq üçün sipərlərdən istifadə edirlər. Onların fikrincə "Vətənə əsl xidmət xüsusi təyinatlardadır".

Devizləri : Silahım qımıldansa,düşmənim susar.

Komando at,vur,öyün.

Xarici keçidlər[redaktə | əsas redaktə]