"Yeni fikir" qəzeti

Vikipediya, azad ensiklopediya
Jump to navigation Jump to search
"Yeni fikir" qəzeti
Növ ali məktəb qəzeti
Sahibi Naxçıvan Dövlət Universiteti
Təsisçi Naxçıvan Dövlət Universiteti
Baş redaktor Şəhla Şirəliyeva
Yaranma tarixi 1 aprel 2011
Dil azərbaycanca
Ünvan Naxçıvan şəhəri, Naxçıvan Dövlət Universiteti
"YENİ FİKİR" QƏZETİ

"Yeni fikir" qəzetiNaxçıvan Dövlət Universitetində fəaliyyət göstərən ali məktəb qəzeti[1]. 1990-cı illərdə Naxçıvan Dövlət Universitetində nəşr olunmuş "Fikir" qəzetinin davamıdır, yəni yeni mərhələnin "Fikir" qəzetidir[2]. "Yeni fikir" qəzetinin baş redaktoru NDU-nin Jurnalistika və dünya ədəbiyyatı kafedrasının müdiri, filologiya üzrə fəlsəfə doktoru, dosent Şəhla Şirəliyevadır[2].

Tarixi[redaktə | mənbəni redaktə et]

"Yeni fikir" qəzeti Naxçıvan Dövlət Universitetində çap edilən "Fikir" informasiya bülleteninə əlavə kimi nəşrə başlamışdır[2]. Qəzetin ilk nömrəsi 1 aprel 2011-ci ildə işıq üzü görmüşdür[2].

Fəaliyyəti[redaktə | mənbəni redaktə et]

"Yeni fikir" qəzeti zəruri məlumatlarla yanaşı xarakterinə görə "Fikir" informasiya bülletenində gedə bilməyən bədii-publisist yazılara da meydan açan mətbuat orqanıdır[2].

Qəzet eyni zamanda universitetin Jurnalistika ixtisasının müəllimləri və tələbələri, habelə karyerasını mətbuatla bağlamaq istəyən hər kəs üçün peşə məktəbi funksiyasını da həyata keçirməkdədir[2]. Gələcək jurnalistlər bu qəzetin nəşri vasitəsilə publisistika sənətkarlığının xüsusiyyətlərini öyrənməklə yanaşı, həm də mətbəə ilə əlaqəli çalışmaq vərdişlərinə yiyələnmək, maket qurmaq, fotojurnalistikanı mənimsəmək baxımından münasib imkanlar qazana bilirlər[2].

Qəzet universitet mühitindəki elmi-maarifçi baxışların ədəbi-publisist düşüncə ilə zənginləşdirilməsinə də xidmət edir[2].

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. Naxçıvan Dövlət Universitetinin 45 illik yubileyi qeyd olunub. muallim.edu.az, 28.09.2012  (az.)
  2. 1 2 3 4 5 6 7 8 "YENİ FİKİR" QƏZETİ Arxivləşdirilib 2017-06-15 at the Wayback Machine. ndu.edu.az  (az.)