Çılğın izdihamdan uzaq

Vikipediya, açıq ensiklopediya
Jump to navigation Jump to search
Kitabın 1874-cü ildəki ilk nəşrinin üz qabığı.

Çılğın İzdihamdan Uzaq (ing. Far From The Madding Crowd) ingilis yazıçı Tomas Hardi nin 1874-cü ildə yayımlanmış dördüncü və ən məşhur romanlarındandır.[1]

Əsər ilk dəfə Chornhill Magazine adlı jurnalda, aylıq olaraq hissə-hissə yayımlanmış və böyük nəaliyyət əldə etmişdir. Müəllif, 1895 və 1901-ci illərdə əsər üzərində əlavə və dəyişikliklər etmişdir. Hardi, romanın adını, ingilis şair Thomas Grayin şeirində keçən 'Far From the madding crowds ignoble strife' cümləsindən götürmüşdür. Müəllifinə böyük şöhrət qazandıran əsər 1915, 1967, 1998 və 2015-ci illərdə filmə də adaptasiya edilmişdir.

Məzmun[redaktə | əsas redaktə]

Romanın əsas qəhrəmanı Qabriel Oak adlı bir çoban və Bathsheba Everdene adlı bir qızdır. Onların ilk tanışıqlıqları Bathshebanın kasıb bir qız olaraq xalası xanım Hurstun evində qalmağa başladığı vaxta təsadüf edir. Qızı ilk gördüyü andan qəlbən və məntiqən ona yaxınlıq duymağa başlayan çoban Oak, bir gün onunla ailə qurmaq fikrində olduğunu açıqlayır, lakin Bathsheba tərəfindən təklifi rədd edilir. Ardından hadisələr kəskin şəkildə dəyişir. Belə ki, çoban Oak bir fəlakət nəticəsində illərlə əmək sərf edərək əldə etydiyi sürüsünü itirir və özünə iş tapmaq üçün əlində qalan nə varsa sataraq olduğu yerdən köçür. Təsadüflər çoban Oak üçün fəlakət gətirsə də, Bathsheba üçün tam tərsi başverir. Məlum olur ki, bir qohumu tərəfindən ona böyük bir mülk meras qalmışdır. Yəni, Bathsheba, artıq adi və kasıb bir qız deyil, geniş bir torpaq sahəsinin xanımıdır. Xislətcə təkəbbürlü və dikbaş biri olan Bathsheba, çobanın bütün itaətkarlığına və yaxşı davranışlarına qarşı qədirbilməz və kobudluqla qarşılıq verir. Lakin həyatının bütün çətin anlarında, o çətinliklərdən yenə də çoban Oakın əliylə xilas olur. Nəhayət sonda, Qabriel Oakın, onun tək dostu olduğunu dərk edir. Çılğın İzdihamdan Uzaq, həqiqi məhəbbətin və təmənnasız sədaqətin romanıdır. Bu əsər bizə, çıxarsız və riyadan uzaq saf eşqin hekayəsini adi bir çobanın hissiyatı üzərindən nağıl edir. Əsər, həqiqətən adına layiq bir şəkildə, hərcür tünnük və qarmaqarışıqlıqdan kənarda sakit və həzin atmosferi ilə insana sanki bir nağıl təəssüratı bağışlayır.

Əsas obrazlar[redaktə | əsas redaktə]

  • Gabriel Oak : Romanın əsas kişi obrazı, çoban, daha sonra Bathshebanın qoruğunda kəhya işləyir, sonda onunla evlənir.

.

  • Bathsheba Everdene : Romanın əsas qadın obrazı, əvvəlcə kasıb olur, daha sonra ona meras qaldığı üçün zənginləşir.

.

  • Frank Troy : Orduda çavuş rütbəsində xidmət edir, daha sonra Bathshebanı aldadaraq mülkü üçün onunla evlənir.

.

  • Mr. Boldwood : 40 yaşında varlıqlı bir fermer, ciddi və ağır xasiyyətli biridir, daha sonra Bathshebanın xırda oyunu ilə ona vurulur və həyatı mənfi yönə doğru dəyişir.

.

  • Fanny Robin : Bathshebanın xidmətçisi, daha sonra evdən qaçır, Troyun toruna düşür, sonda səfil vəziyyətdə ölür.

.

  • Mrs. Hurst : Bathshebanın xalası.

.

  • Liddy Smallbury : Bathshebanın xidmətçisi.

İstinadlar[redaktə | əsas redaktə]

  1. (2000) in Page, Norman: Oxford Reader's Companion to Hardy. Oxford: Oxford University Press, 130–132.

Xarici keçidlər[redaktə | əsas redaktə]