Çərpələng uçuran
| Çərpələng uçuran | |
|---|---|
| ing. The Kite Runner | |
 Çərpələng uçuran kitabının azərbaycanca tərcüməsinin üz qabığı. | |
| Müəllif | Xalid Hüseyni |
| Janr | Roman |
| Orijinalın dili | İngiliscə |
| Ölkə | |
| Orijinalın nəşr ili | 29 may 2003 |
| Tərcüməçi | Xədicə İsmayıl |
| Rəssam | Böyükağa Mirzəzadə |
| Nəşriyyat | Əli və Nino |
| Səhifə | 448 |
| Tiraj | 2000 |
| Sonrakı | Min möhtəşəm günəş |
| ISBN | ISBN 978-9952-26-176-9 |
Çərpələng uçuran (ing. The Kite Runner) — əfqan əsilli amerikalı yazıçı Xalid Hüseyninin 2003-cü ildə çapdan çıxmış ilk romanı.
Məzmun[redaktə | mənbəni redaktə et]
Xəbərdarlıq: Yazının davamı əsərin məzmunu haqqında məlumat ehtiva edir.Xalid Hüseyninin bu debüt romanını artıq yeni əsrin baş romanı, müəllifini isə canlı klassik hesab edirlər. “Çərpələng uçuran” bu an yaşanan müstəmləkəçilik sonrası yeni müstəmləkəçilik (neokolonial), qloballaşma, mədəniyyətlərarası müharibə, vətəndaş müharibəsi və miqrasiya kimi mövzulara bədii baxış bucağı gətirir. Bundan əlavə, müəllif xatirələr, aydınlaşdırma, cinsi münasibətlər kimi qavrayışlara da toxunur. Kitab sözün əsl mənasında dostluq, sədaqət, xəyanət, günahlardan təmizlənmə haqqındadır və Xalid Hüseyninin bu incə, canayaxın, ironik və sözün yaxşı mənasında sentimental romanı doymadan və göz çəkə bilmədən baxdıqca baxılan möhtəşəm bir rəsm əsərinə bənzəyir. Müəllif, əsərin adından da göründüyü kimi, Əfqan uşaqlarının çərpələng uçurmaq əyləncəsini yada salır. Bu yarışlardan birində əsərin qəhrəmanlarından biri – Həzara (Xəzər) oğlu Həsənin başına dəhşətli hadisə gəlir, o bu hadisəyə dostu bildiyi Əmirin naminə razı olur, ancaq onu kədərləndirmək haqda düşünmür. Həmin dost isə bu dəhşəti kənardan görür, lakin gizlənib səsini çıxarmır. Bununla da faciə böyüyür, getdikcə davam edir. Öz qorxaqlığından dəli olan Əmir ayılanda artıq gec olduğunu düşünür...
Xəbərdarlığın sonu.Tərcüməsi[redaktə | mənbəni redaktə et]
Roman azərbaycan dilinə ilk dəfə ABŞ-nin Azərbaycandakı səfirliyi ilə Əli və Nino nəşriyyatı arasında bağlanmış qrant sazişinə əsasən maliyyələşdirilmiş layihə əsasında[1] Xədicə İsmayıl tərəfindən orginal dili olan ingilis dilindən tərcümə olunmuş, Əli və Nino nəşriyyatı tərəfindən 2011-ci ildə Bakıda nəşr olunmuş və 27 may 2011-ci ildə Qız Qalasının yanında yerləşən Ali & Nino kitab mağazasında təqdimatı keçirilmişdir.[2]
İstinadlar[redaktə | mənbəni redaktə et]
- ↑ "Dünya bestselleri Azərbaycan dilində" (az.). milli.az. 2010-11-02. 2022-01-17 tarixində arxivləşdirilib. İstifadə tarixi: 2014-04-18.
- ↑ "ABŞ səfirliyi və Ali&Nino Çap Evi "Çərpələng Uçuran" kitabının Azərbaycan dilinə tərcüməsini təqdim edib" (az.). trend.az. 2011-05-27. 2011-05-30 tarixində orijinalından arxivləşdirilib. İstifadə tarixi: 2014-04-18.
Xarici keçidlər[redaktə | mənbəni redaktə et]
- Xalid Hüseyninin rəsmi veb-saytı (ing.)
- Rəsmi facebook səhifəsi (ing.)
- "Çərpələng Uçuran" (az.). alinino.az. İstifadə tarixi: 2014-05-07.[ölü keçid]
- Xalid Hüseyni Çərpələng uçuranı[ölü keçid] BBC-nin World Book Club verilişində müzakirə edir
