Çak Şuldiner

Vikipediya, açıq ensiklopediya
Jump to navigation Jump to search
Çak Şuldiner
Ləqəbi "Death Metal-ın atası"
Doğum tarixi 13 may 1967(1967-05-13)
Glen Cove, New York
Vəfat tarixi 13 dekabr 2001
Üslublar Death metal,Progressive Metal
Musiqi alətləri Vokal, gitara, bas
Fəaliyyət illəri 1983–2001
Əlaqələri Death, Slaughter, Control Denied, Voodoocult
Veb saytı Rəsmi Chuck Schuldiner web səhifəsi

Çarlz Maykl Şuldiner (Charles Michael Schuldiner) 1967-ci il, mayın 13-də ABŞ-ın New York ştatının Glen Cove şəhərində anadan olmuşdur. Chuck Death Metal-ın yaradıcılarından biridir, eyni zamanda bu janrın inkişafında da əvəzsiz rol oynamışdır.

Bioqrafiya[redaktə | əsas redaktə]

Onun 9 yaşı olanda 16 yaşlı qardaşı bədbəxt hadisə nəticəsində ölmüşdür. Ailəsi Chuck-ı bu ağır hadisəni unutduracağını ümid edərək, gitara alır. Chuck klassik gitarada ifa etməyi öyrənir, amma tezliklə bundan bezir. Valideynləri ona elektrogitara aldıqda isə bu, tezliklə onun sevimli əşyasını çevrilir və o bundan sonra demək olar ki, həmişə gitarasında ifa etməyə və mahnılar yazmağa başlayır. Chuck-ın sevdiyi qruplara Kiss, Iron Maiden, Billy Idol və s. daxil idi. 1983-cü ildə o, Mantas qrupunu yaradır. 1984-cü ildə qrupun adı Death olaraq dəyişdirilir. 1987-ci ildə qrup nəhayət ki, ilk albomu olan - Scream Bloody Gore albomunu buraxır. 1988-ci ildə Leprosy, 1990-cı ildə Spiritual Healing albomları buraxılır. Spiritual Healing-dən sonra Chuck qrupun bütün üzvləri ilə işini dayandırır və yalnız studiya və konsert musiqiçiləri ilə işləyir. Buna səbəb kimi hazırki heyətlə münasibətlərin pis olması göstərilir. 1991-ci ildə buraxılan Human albomunda Death Metal-ın texniki cəhətdən daha inkişaf etmiş formasını eşitmək olar. Məhz bu faktor Chuck-ı bir gitarist kimi daha da yüksəyə qaldırdı. Bundan sonra 1993-cü ildə buraxılan Individual Thought Patterns, 1995-ci ildə buraxılan Symbolic və Death-in son albomu Sound of Perseverance onu sevilən musiqiçilərdən birinə çevirdi. 1996-cı ildə o, Control Denied qrupunu yaratdı və 1999-cu ildə yeganə albomu - The Fragile Art of Existence-i buraxdı. 1999-cu ildə Chuck-ın başının arxa nahiyəsində ağrılar başladı. İlk öncə bunun sinirlə bağlı problem olduğu güman edilirdi. Lakin tomoqrafik müayinədən sonra mayın 13-də Chuck-a beyin xərçəngi diaqnozu qoyuldu. Chuck gecikmədən müalicəyə başladı. 1999-cu ilin oktyabrında bədxassəli şişin zərərsizləşdirilməsi haqqında xəbər verildi. 2000-ci ilin yanvarında isə şişin qalıqlarını təmizləmək üçün cərrahiyə əməliyyatı aparıldı. Əməliyyat uğurla həyata keçsə də, Schuldiner-lər ailəsi maddi cəhətdən demək olar ki bankrot olmuşdular. Əməliyyatın ümumi məbləği 70.000 ABŞ dolları məbləğində dəyərləndirilirdi. Bu xərci bağlamaq üçün xeyriyyə aksiyaları, konsertlər, auksionlar keçirildi. Pullar həm də Chuck-ın həyatının təhlükədə ola biləcəyindən şokda olan Metallistlər birliyinin üzvləri tərəfindən göndərilirdi. Çoxları Chuck-ın həyatının sırf maliyyə vəziyyətinə görə təhlükədə ola biləcəyindən qorxurdular. Lakin, həkimlər ilk diaqnozun səhv qoyulduğunu dedilər. 2001-ci ildə xərçəng yenidən qayıtdı. Bu vaxtı Chuck Control Denied-da yeni albom üzərində işləyirdi. O maliyyə vəziyyətinə görə təcilən başlamalı olduğu müalicədən imtina etdi. Chuck-ın istifadə etdiyi dərmanlar çox güclü idilər və bunun nəticəsində onun orqanizmi çox həssaslasmışdı. Chuck sona qədər qorxmadan xərçənglə mübarizə apardı... Lakin, həmin ilin oktyabrında onun səhhətinə həlledici zərbəni vuran pnevmaniya xəstəliyinə tutuldu. Chuck Schuldiner 2001-ci il dekabrın 13-ü saat 4 radələrində dünyasını dəyişdi.