Çalxanqala kurqanı

Vikipediya, azad ensiklopediya
Jump to navigation Jump to search
Çalxanqala kurqanları
Çalxanqala kurqanları
Nakhchivan Autonomous Republic in Azerbaijan.svg
Ölkə Azərbaycan,Naxçıvan Muxtar Respublikası
Şəhər Babək rayonu
Yerləşir Çalxanqala kəndi
Aidiyyatı Son Tunc dövrü
Üslubu Arxeoloji abidə
Hündürlük 1,2 m
Eni 8-10 m
Çalxanqala

Çalxanqala kurqanlarıNaxçıvan şəhərindən 40 km şimal-qərbdə e.ə II minilliyə,Babək rayonunun indiki Çalxanqala kəndi yaxınliğında Son Tunc dövrünə aid arxeoloji abidə.

Haqqında[redaktə | əsas redaktə]

Kurqanlar konusvari formada olub,diametri 8-10 m, hündürlüyü 1,2 m-dir. Çalxanqala kurqanları altında dördkünc formalı torpaq qəbir yerləşir. Kurqanlardan gil məmulatı(çəhrayı astarlı qara qablar,o cümlədən boyalı qablar, boz rəngli qablar və s.,tuncdan xəncər,nizə ucları,skelet qalıqları),bəzək əşyaları (sancaq, düymə, muncuqlar və s.) tapılmışdır[1].

Boyalı qablar Qızılvəng, Zurnabad, Nəhəcir, I və II Kültəpədən tapılmış qablarla tam oxşardır. Müxtəlif formalı qızılı rəngli boyalı gil qabların üzəri tünd qırmızı rənglə örtülmüş,qara rənglə həndəsi naxışlarla bəzədilmişdir (bunlar çox güman ki, Kür-Araz mədəniyyətinin təsiri ilə bağlıdır)[1]. Tunc xəncər yastı tiyəli və qısa dəstəklidir. Nizə ucları iki növdür. Boruşəkilli dəstəyi olan nizə ucu orta Tunc dövrü üçün, romb formalı yastı nizə ucu isə Kür-Araz mədəniyyəti üçün səciyyəvi olub, Qobustan kurqanından tapılmış nizə uclarına oxşardır. Çalxanqala kurqanından Yaxın Şərq ölkələrindən gətirilmiş göy şirli muncuqlar da aşkar olunmuşdur. Tapıntılar Azərbaycanın,o cümlədən Naxçıvanın Tunc dövrü materiallarını və Yaxın Şərq ölkələri ilə qədim iqtisadi və mədəni əlaqələrini öyrənməyə imkan verir. Çalxanqala kurqanları Naxçıvan ərazisində tədqiq edilmiş ilk kurqandır[1].

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 Azərbaycan Milli Elmlər Akademiyası (2002). Naxçıvan Ensiklopediyası. Bakı. səh. 321.

Xarici keçid[redaktə | əsas redaktə]

Arxeloji qazıntılar

Ədəbiyyat[redaktə | əsas redaktə]

  • V.H.Əliyev (1977). Azərbaycan Tunc dövrünün boyalı qablar mədəniyyəti. Bakı.
  • V.H.Əliyev (1967, № 1). Новые материалы о культуре росписной керамики в Азербайджане, "Советская археология".