Çex-Moraviya Həmkarlar İttifaqları Konfederasiyası

Vikipediya, azad ensiklopediya
Jump to navigation Jump to search
Çex-Moraviya Həmkarlar İttifaqları Konfederasiyası
ČMKOS
çex. Českomoravská konfederace odborových svazů
Növü Həmkarlar ittifaqı
Yaranma tarixi mart 1990
Mərkəzi Praqa
Sədri Yozef Stredula
cmkos.cz
Konfederasiyanın binası

Çex-Moraviya Həmkarlar İttifaqları Konfederasiyası (çex. Českomoravská konfederace odborových svazů, ČMKOS) — Çexiyanın ən irimiqyaslı və aparıcı həmkarlar ittifaqı təşkilatlarından biri. Konfederasiyanın baş qərargahı Praqa şəhərində yerləşir.

Tarixi[redaktə | əsas redaktə]

Çex-Moraviya Həmkarlar İttifaqları Konfederasiyası 1990-cı ilin martında yaradılmışdır.

Fəaliyyəti[redaktə | əsas redaktə]

Təşkilat hər zaman üzvlərinin iş şəraitinin yaxşılaşdırılması, əməkhaqqının yaşayış minimumuna uyğunlaşdırılması və işçilərin iqtisadi rifahının təmin edilməsinin əsas qarantı kimi çıxış edir. Sosial partnyorluğa böyük önəm verir.

Son illər Konfederasiya fəaliyyət siyasətini dəyişib. Belə ki, təşkilat əvvəllər işini adi klassik həmkarlar ittifaqı prinsipi üzərində qururdusa, hazırda müasir, uzunmüddətli strateji konsepsiyaya üstünlük verir. Belə ki, iş yerlərində müasir tələblərə uyğun şəraitin yaradılmasına, son model avadanlığın tətbiqinə və bu avadanlıqları idarə edən işçilərin ixtisaslaşmasına nail olmağa çalışır.

Konfederasiya hüquqi resursların qorunması istiqamətində də fəaliyyətini gücləndirib. Bununla yanaşı, iş yerlərində diskriminasiyanı aradan qaldırmaq məsələsi də konfederasiyanın gündəmindədir. Təşkilat rəsmiləri hər zaman bildirirlər ki, bütün insanlar bərabər iqtisadi və sosial şəraitdə yaşamalıdır:

"Həmkarlar ittifaqlarının əsas məqsədi əhalinin bu şəraitlə təmin edilməsi uğrunda mübarizə aparmaqdır. Bunun üçün sosial portnyorlarımızın dəstəyinə böyük ehtiyacımız var".

Konfederasiya gender bərabərliyi mövzusuna böyük önəm verir. Bir neçə il əvvəl bu məsələ bir o qədər də diqqət çəkmirdi, çünki ötən dövrlərdə əsas işçi qüvvə kişi hesab olunurdu. Lakin indi, qadınların işləməyə ehtiyacları olmasa belə, onlar işləmək arzusundadırlar, aktiv iş karyerasına sahib olmaq istəyirlər. Bu, qadınlara cəmiyyətdə öz mövqeyini yaratmaq və onu qoruyub saxlamaq imkanı verir. Konfederasiya iş yerlərində qadınlara xüsusi diqqət və yer ayrılması məsələsini önə çıxardır. Təşkilatda qadın problemləri ilə məşğul olan şöbə yaradılıb.

Konfederasiya layiqli əməyin təminatı məsələsinə də böyük önəm verir. Bu məsələ ilə bağlı 2013-cü ilin əvvəlində təşkilat "Sosial dialoq layiqli əməyin təminatçısıdır" adlı layihəyə start verib. Layihədə bir neçə xarici dövlətin həmkarlar ittifaqları da iştirak edirlər.

İcraedici orqanı[redaktə | əsas redaktə]

Konfederasiyanın əsas icraedici orqanı İcraedici Şuradır. Dörd ildən bir keçirilən Şura zamanı konfederasiyanın prezidenti və iki müavini seçilir.

Tərkibi[redaktə | əsas redaktə]

Konfederasiya özündə 29 təşkilatı cəmləşdirir. 772 min üzvü var.

Rəhbərləri[redaktə | əsas redaktə]

Təşkilata 2014-cü ildən Yozef Stredula rəhbərlik edir.

Xarici əlaqələri[redaktə | əsas redaktə]

Beynəlxalq Həmkarlar İttifaqlarınınAvropa Həmkarlar İttifaqlarının konfederasiyalarının və Həmkarlar İttifaqlarının Məşvərət Komitəsinin üzvüdür.

Qurum beynəlxalq münasibətlərə çox böyük yer verir. Konfederasiyanın hazırladığı yeni fəaliyyət proqramına əsasən, işçilərin sosial və əmək hüquqları Avropa ölkələrinin qanunvericiliyindən götürülən standartlara uyğun olaraq qorunur.

Mənbə[redaktə | əsas redaktə]

Ədəbiyyat[redaktə | əsas redaktə]

  • International Centre for Trade Union Rights et al.,, ed. (2005). Trade Unions of the World (6th). London, UK: John Harper Publishing. ISBN 0-9543811-5-7.

Xarici keçidlər[redaktə | əsas redaktə]