Çikaqo

Vikipediya, açıq ensiklopediya
Keçid et: naviqasiya, axtar
Çikaqo
ing. Chicago
Chicago montage.jpg
Bayraq Gerb
Bayraq
Gerb
Xəritə
Xəritə
Xəritədə yeri
Çikaqo ABŞ xəritəsində
Çikaqo
Çikaqo
Məlumatlar
Ölkə Flag of the United States.svg ABŞ
Bölgə Flag of Illinois.svg İllinoys
Kuk
Əsası qoyulub 1795
Ərazi 606,1 km²
Əhali 2 862 244 nəfər (2009)
Telefon kodu +312, 773, 872
İnternet saytı http://cityofchicago.org/

Çikaqo (ing. Chicago) — Amerika Birləşmiş Ştatlarının ən böyük şəhərlərindən biri, İllinoys ştatında yerləşir.

Çikaqo nəhəng meqapolis olmaqla Şimali Amerikanın ən böyük maliyyə və nəqliyyat mərkəzidir. O, Miçiqan gölünün cənub-qərb sahili boyunca uzanaraq şəhəryanı qəsəbələrlə birgə "Böyük Çikaqo" adlanan aqlomerasiya yaradır. Onun ərazisində 9,6 milyondan çox, şəhərin özündə isə 3 milyona yaxın insan yaşayır. Bu, Nyu-YorkLos-Ancelesdən sonra əhalisinə görə ABŞ-da üçüncü şəhərdir[1].

Şəhərin əlverişli coğrafi mövqeyi sərnişin və yük daşımalarının inkişafına şərait yaratmışdır. Miçiqan gölündəki dənizlə Sankt-Lorens kanalı ilə birləşən yerli Harbor çay limanı ABŞ-da ən iri limandır. Sərnişin axınına görə O`Hara hava limanı ölkədə liderdir. O, saatda orta hesabla 200 təyyarə göndərir və qəbul edir.

Bir neçə onilliklər bundan öncə Çikaqo iqtisadiyyatının aparıcı sahəsi ət sənayesi idi. Bu gün o, öz yerini ağır sənayeyə – qara metallurgiya, kimya və maşınqayırma sahələrinə verərək artıq ikinci yerdədir. Şəhərin "The Loop" adlanan işgüzar mərkəzində ABŞ-ın şimalında ən iri banklar, korporasiya və trest idarələrinin binaları cəmləşir. Burada həmçinin hər il milyonlarla turistləri cəlb edən butiklər, restoranlar, bahalı otellər, ən məşhur sərgi zalları yerləşir[2].

Küləklər şəhəri[redaktə | əsas redaktə]

Çikaqonu həm də küləklər şəhəri adlandırırlar. İnsan məskunlaşmaları burada əvvəllər də olsa da, Çikaqonun tarixi 1833-cü ildən başlayır. Burada bir neçə ailə yaşayan balaca kənd var idi. Şəhər statusunu o, buraya dəmir yolunun çəkildiyi 1880-cı ildə əldə edir. Çikaqonun adı hinduların shikaakwa-dan (vəhşi soğan) hazırlanan ənənəvi xörəyindən götürülür.

Çoxlu sayda göydələn və hündür evlərin olduğu bu şəhərin müasir siması 1871-ci ildə baş vermiş faciəvi hadisənin – yanğının sayəsində yaranmışdır. Yanğın nəticəsində əhalinin üçdəbir hissəsi evini itirmişdir ki, bu da yerli hakimiyyətdən təcili olaraq problemin həllini tələb edirdi. Çikaqonun əvvəlki plan əsasında qurulması qeyri-praktik hesab olunduğundan şəhər tamamilə yeni konsepsiya üzrə rekonstruksiya edildi. Burada əsas ideya ərazini dərininə yox, hündürlüyünə yüksəltmək idi. Beləliklə də Miçiqan gölünün sahilində bir-birinin ardınca yüksək binalar yaranmağa başladı.

Bu gün şəhərin çoxlu sayda ləqəbi var, lakin ən çox işlənən "küləklər şəhəri" ləqəbidir. Onun mənşəyi həm hava şəraiti, həm də siyasətlə əlaqələndirilir. Doğrudan da, göldən çox güclü küləklər əsir, küləyin şiddəti çoxlu sayda göydələnlərin hesabına daha da güclənir. Lakin ilk dəfə bu ləqəb 1893-cü ildə "The New York Sun" qəzetinin redaktoru Çarlz Dana tərəfindən işlədilmişdir. O, Ümumdünya Kolumbiya sərgisində Amerika siyasətçilərinin mənasız nitqlərindən, bu tədbirdən yalnız öz şəxsi reytinqini qaldırmaq məqsədilə istifadə etdiklərindən narazı idi[3].

Mədəniyyət və turizm[redaktə | əsas redaktə]

Çikaqo hər il milyonlarla turistin gəldiyi bənzərsiz bir şəhərdir. Hər kəs burada özünə yaxın olanı axtarır: Miçiqan gölünün bənzərsiz çimərliklərində qızmar günəş şüalarından həzz alır, saatlarla nəhəng göydələnlər arasındakı balaca küçələrlə gəzir, konfransa və ya təmtəraqlı butiklərdə növbəti endirimlərə tələsir.

Gündüzlər hərəkətdə olan şəhər atmosferi gecələr daha da canlanır. Minlərlə gecə klubları qonaqlarını əyləncəli şou proqramları, caz gecələri və dadlı mətbəxi ilə qarşılayır. Və heç kimi "quru qanun" illərində Çikaqonun küçələrində ağalıq edən məşhur mafioz Al Kapone haqqında əfsanələr qorxutmur. Yeri gəlmişkən, əhalinin özü də şəhərin adının məhz bu şəxslə bağlanmasından narazıdır. Lakin keçmişdən yaxa qurtarmaq mümkün deyil. Buna görə də şəhərdə ekskursiyada olan qonaqların gəzib dolaşmaq istədikləri ən populyar yer qanqster və mafiozların ağalıq etdikləri kriminal məhəllələrdir.

Şəhər daha çox musiqi ənənələri ilə diqqət cəlb edir, burada caz və blyuz musiqisi geniş yayılıb. House musiqi janrı bu şəhərdə təşəkkül tapıb. Çikaqo cazın vətəni hesab olunur. Hər il burada məşhur Çikaqo caz festivalı keçirilir. Şəhərdə ən məşhur caz klubu Green Mill Jazz Club-dur. Onun yerləşdiyi yeri yerli əhali bilir, buna görə onu tapmaq çətin deyil. Maraqlıdır ki, bir vaxtlar bu kluba Al Kaponenin sağ əli hesab olunan MakQurn rəhbərlik edirdi.

Çikaqo həm də muzeyləri ilə məşhurdur. Şəhərətrafı qəsəbələrdən biri Oak park milli tarixi rayon kimi mühafizə edilir. Ernest Heminquey burada doğulub[4].

Bu gün Çikaqo piyada gəzintisi üçün ABŞ-ın ən cazibədar şəhərlərindən biri hesab olunur. Çoxlu sayda göydələnlərə, sənaye binalarına, memarlıq abidələrinə və digər tikililərə baxmayaraq, şəhərdə yaşıllıq çoxdur. Onun sahəsinin praktiki olaraq üçdəbir hissəsini bağlar və parklar təşkil edir. Şəhərin sahilyanı hissəsi daha gözəldir. Buradakı güllü-çiçəkli bağlarda və əyləncə parklarında həm böyüklər, həm də uşaqlar vaxtlarını şən keçirə bilər.

North Michigan Avenue alış-veriş edənlər üçün cənnətdir. Burada şəhərin ən dəbdəbəli butikləri, məşhur supermarketləri və dükanları yerləşir. İl boyu bu mağazalarda müxtəlif endirimlər və digər aksiyalar təşkil olunur. Alış-veriş üçün buraya təkcə turistlər yox, "Böyük Çikaqo"nun öz sakinləri də gəlir[5].

Görkəmli şəxsiyyətləri[redaktə | əsas redaktə]

Qardaş şəhərlər[redaktə | əsas redaktə]

Flag of Ghana.svg Akkra, Qana
Flag of Jordan.svg Amman, İordaniya
Flag of Greece.svg Afina, Yunanıstan
Flag of Serbia.svg Belqrad, Serbiya
Flag of the United Kingdom.svg, Flag of England.svg Brimingem, İngiltərə, Böyük Britaniya
Flag of Colombia.svg Boqota, Kolumbiya
Flag of South Korea.svg Pusan, Koreya Respublikası
Flag of India.svg Nyu Deli, Hindistan
Flag of South Africa.svg Durban, CAR
Flag of Ireland.svg Qoluey, İrlandiya
Flag of Sweden.svg Göteborq, İsveç
Flag of Germany.svg Hamburq, Almaniya
Flag of Ukraine.svg Kiyev, Ukrayna

Flag of Pakistan.svg Lahor, Pakistan
Flag of Switzerland.svg Lusern, İsveçrə
Flag of Mexico.svg Mexiko, Meksika
Flag of Italy.svg Milan, İtaliya
Flag of Russia.svg Moskva, Rusiya
Flag of Japan.svg Osaka, Yaponiya
Flag of Israel.svg Petah-Tikva, İsrail
Flag of the Czech Republic.svg Praqa, Çexiya
Flag of the People's Republic of China.svg Şenyan, Çin
Flag of the People's Republic of China.svg Şanxay, Çin
Flag of Canada.svg Toronto, Kanada
Flag of Latvia.svg Vilnyus, Latviya
Flag of Poland.svg Varşava, Polşa

Qalereya[redaktə | əsas redaktə]

centr

Chicago.jpg


Maraqlı faktlar[redaktə | əsas redaktə]

  • Çikaqo Bakı ilə eyni ləqəb daşayırlar: Küləklər Şəhəri.

İstinadlar[redaktə | əsas redaktə]

  1. Çikaqo – küləklər şəhəri. newtimes.az
  2. ABŞ-ın ikinci iqtisadi mərkəzi.
  3. Küləklər şəhəri.
  4. Ən məşhur mədəniyyət mərkəzləri. ann.az
  5. Parklar, göydələnlər və gecə əyləncələri şəhəri.