Çilə gecələri

Vikipediya, açıq ensiklopediya
Jump to navigation Jump to search

Çilə gecələri Böyük çilə girəndən başlayıb çıxana qədər davam edirdi. Ağdaş rayonu Aralbir kənd sakininin dediyinə görə, çilə gecələri imkanlı şəxslərin evində keçirilirdi. Məsələn, kənddə iyirmi imkanlı ailə varsa, çilə gecələri onların evinə salınır və hər iki gündən bir onların evinə toplaşırdılar. Kişiqadınlar üçün ayrı-ayrı otaqlarda süfrə açılırdı. Şuluqluq salmamaları üçün uşaqları qabaqcadan qonşuya göndərirdilər. Ev sahibi çilə üçün qabaqcadan qarpız ehtiyatı görürdü. Qarpızlar xüsusi olaraq seçilir, onların bir-birinə yaxın çəkidə olmasına diqqət yetirilirdi. Çilə gecəsi ev sahibi hər adamın adına bir qarpız kəsirdi – məclisdəki adamlardan birinin adına qarpız kəsilməsəydi, o, inciyərdi. Ona görə də ev sahibi çox vaxt qarpızların sayına uyğun adam dəvət edirdi. Qarpız kəsiləndən sonra hərə ondan bir tikə dadır, ondan sonra həmin qarpızdan qadınlara, qohum-qonşuya pay göndərilirdi. Çilə qarpızından sonra ortaya plov gətirilirdi. Süfrənin sanballığı şərbətlərin sayına görə təyin edilirdi. Ona görə də ev sahibi süfrənin sanballı olması üçün ortaya limon, bal, almadan və s. hazırlanmış şərbətlər qoyurdu. Axırıncı gün isə məclis ən imkanlı adamın evinə salınır və daha təmtəraqlı keçirilirdi. Ev sahibi ayrıca heyvan kəsir, o gün böyük-kiçik hamı o evə toplanırdı.