Çoxbölümlü biberşteyniya

Vikipediya, açıq ensiklopediya
Jump to navigation Jump to search

Çoxbölümlü biberşteyniya (Elmi adı - Biebersteinia multifida) — IUCN Qırmızı Siyahısına görə növün kateqoriyası və statusu “Nəsli kəsilməyə həssas olanlar”– VU A2c+3cd. Azərbaycanın nadir növüdür.[1][2]

Qısa morfoloji təsviri[redaktə | əsas redaktə]

Xovlu, tükcüklü, gövdəvari vəzli, çoxillik bitkidir. Gövdəsi düzdür, mühkəmdir, vəzilidir, yuxarı hissədən budaqlanandır. Aşağıdan purpur rənglidir, 20-50 sm hündürlükdədir. Gövdə yarpaqları demək olar ki, oturaq, lansetvari və ya lansetvari-xətşəkillidir. Ləçəkləri çılpaq və ya tüklü-kirpikciklidir, uzunsov-pazvaridir, bütöv və ya dişlidir, sarı, 5-8 mm uzunluğundadır. Meyvələri 5 mm uzunluğunda, çılpaq və qırışlıdır.[1][2][3]

Bioloji, ekoloji və fitosenoloji xüsusiyyətləri[redaktə | əsas redaktə]

Çiçəkləməsi və meyvə verməsi aprel-may aylarına təsadüf edir. Quru, gilli, əhəngli və daşlı yamaclarda rast gəlinir.[1][2][3][4]

Yayılması[redaktə | əsas redaktə]

Naxçıvan düzənliyi və dağlıq hissəsidir. [1][2][3][4]

Sayı və tendensiyası[redaktə | əsas redaktə]

Populyasiyanın təbii bərpası azalır, antropogen təsirlərə həssaslıq müşahidə olunur.[1][2]

Məhdudlaşdırıcı amillər[redaktə | əsas redaktə]

Populyasiyanın zəif təkrarlanması, otarılma, tapdalanmadır.[1][2]

Mühafizə tədbirləri[redaktə | əsas redaktə]

Yayıldığı sahəni qorumaq üçün müvafiq tədbirlərin görülməsi, növün müasir vəziyyətinin dəqiq öyrənilməsi, yeni yayılma sahələrinin aşkar edilməsi, introduksiya olunması təklif olunur.[1][2]

İstinadlar[redaktə | əsas redaktə]

  1. 1,0 1,1 1,2 1,3 1,4 1,5 1,6 Azərbaycan Respublikasının Qırmızı kitabı  Nadir və nəsli kəsilməkdə olan bitki və göbələk növləri II nəşr, Bakı-2013
  2. 2,0 2,1 2,2 2,3 2,4 2,5 2,6 http://www.redbook.az
  3. 3,0 3,1 3,2 Флора Азербайджана, 1955
  4. 4,0 4,1 Əsgərov A.M., 2006