Ölü pişik strategiyası
.jpg)
Ölü pişik strategiyası və ya dedkettinq – KİV-də diqqəti başqa sahələrdəki problemlərdən və çatışmazlıqlardan yayındırmaq üçün mübahisəli və qalmaqallı açıqlamalar verməkdən ibarət olan siyasi strategiya.[1][2] Termin siyasi məsləhətçi Linton Krosbinin Boris Consonun London meri olmaq üçün qatıldığı seçkilərdəki uğurlu işləri ilə əlaqələndirilir.
Tarixi
[redaktə | vikimətni redaktə et]Boris Conson 2013-cü ildə London meri kimi fəaliyyət göstərərkən "The Telegraph" üçün yazdığı bir köşə yazısında "stolun üstünə ölü pişik atmaq" adlandırdığı siyasi manevrdən bəhs etmişdir:
 |
Keçən həftə Avropada baş verənləri anlamaq üçün biz Avstraliya siyasətinin zəngin və rəngarəng lüğətindən bir ifadəni götürməliyik. Gəlin təsəvvür edək ki, siz bir mübahisəni uduzursuz. Bütün faktlar sizin əleyhinizədir və insanlar gerçəklərə diqqət ayırdıqca vəziyyət daha da pisləşir. Bu vəziyyətdə ən yaxşı çıxış yolu, məşhur bir siyasi məsləhətçinin dediyi kimi, "stolun üstünə ölü pişik atmaqdır, dostum". Çünki yemək stolunun üstünə ölü pişik atmaqla bağlı bir şey dəqiqdir – burada mən insanların qəzəblənəcəyini, təşvişə düşəcəyini, iyrənəcəyini nəzərdə tutmuram. Bu düzdür, lakin əhəmiyyətli olan bu deyil. Mənim avstraliyalı dostumun dediyi kimi əsas məsələ oldur ki, hər kəs "hey, stolun üstündə ölü pişik var!" deyə qışqıracaq. Başqa sözlə, onlar sənin istədiyin mövzuda – ölü pişik haqqında danışacaqlar və sizə problem yaradan məsələ haqqında danışmayacaqlar.[3] |
 |
Conson 2008 və 2012-ci illərdə baş tutmuş London meri seçkilərində avstraliyalı Linton Krosbinin köməyindən yararlanmışdır. Bu səbəbdən KİV bu hekayədəki "avstraliyalı dost"un Krosbi olduğunu iddia etmişdir. Termin siyasi məsləhətçi Krosbi və Consonun London meri olmaq üçün iştirak etdiyi seçkilərdəki menecmenti ilə əlaqələndirilməyə başlanmışdır.[4][5]
İstifadəsi
[redaktə | vikimətni redaktə et]Siyasi mühazirəçi Qrant Rodvell bu strategiyanın 2015-ci ildə Birləşmiş Krallıqda baş tutmuş seçkilər zamanı "müəyyən qədər siyasi təsir" qazandığını qeyd etmişdir.[6] O həmçinin Donald Trampın 2016-cı ildə ABŞ-də Respublikaçılar Partiyasının prezident seçkiləri üçün praymeyrzi və sonrakı prezident seçkilərində "qalmaqallı bəyanatlar"la çıxış etməsinin bu terminlə izah oluna biləcəyini bildirmişdir.[6]
İstinadlar
[redaktə | vikimətni redaktə et]- ↑ Delaney, Sam. "How Lynton Crosby (and a dead cat) won the election: 'Labour were intellectually lazy'". The Guardian. İstifadə tarixi: 14 mart 2017.
- ↑ Riley, Charlotte Lydia. "Dear journalists: please stop calling everything a "dead cat"". Prospect Magazine. 19 noyabr 2019. 20 iyun 2021 tarixində arxivləşdirilib. İstifadə tarixi: 30 aprel 2022.
- ↑ Johnson, Boris. "This cap on bankers' bonuses is like a dead cat – pure distraction". The Telegraph. 3 mart 2013. 17 aprel 2025 tarixində arxivləşdirilib. İstifadə tarixi: 14 iyul 2026.
- ↑ Syal, Rajeev. "Why is Boris Johnson making false claims about Starmer and Savile?". The Guardian. 2 fevral 2022. 7 oktyabr 2022 tarixində arxivləşdirilib. İstifadə tarixi: 14 iyul 2026.
- ↑ Smith, David. "Boris Johnson's dead cat tactics on tax and a no‑deal Brexit". The Times. 16 iyun 2019. 2 iyul 2025 tarixində arxivləşdirilib. İstifadə tarixi: 14 iyul 2026.
- 1 2 Rodwell, Grant. Politics and the Mediatization of School Educational Policy: The Dog-Whistle Dynamic (ingilis). Routledge. 7 aprel 2020. ISBN 978-1-000-05466-8.