Üçtikanlı tikanbalığ

Vikipediya, açıq ensiklopediya
Keçid et: naviqasiya, axtar
Üçtikanlı tikanbalığ
Üçtikanlı tikanbalığ
Spinachia spinachia
Elmi təsnifat
Aləmi: Heyvanlar
Tip: Xordalılar
Yarımtip: Onurğalılar
Sinifüstü: Balıqlar
Sinif: Sümüklü balıqlar
Yarımsinif: Şüaüzgəcli balıqlar
İnfrasinif: Sümüklü balıqlar
Dəstə: Tikanbalığınabənzərlər
Fəsilə: Tikanbalığıkimilər
Cins: Qasterosteus
Növ: Üçtikanlı tikanbalığı
Elmi adı
Gasterosteus aculeatus,Linne

Üçtikanlı tikanbalığı— (lat. Gasterosteus aculeatus)-Tikanbalığıkimilər fəsiləsinin Qasterosteus cinsinin nümayəndəsidir.

Yayılması[redaktə | əsas redaktə]

Atlantik və Sakit okeanların şimal hissələrində geniş yayılmışdır.Murmansk yaxınlığında ,Ağ dənizdə rast gəlinir.İlk dəfə Xəzər dənizində tikanbalığıkimilər sinfinə daxil olan üçiynəli tikanbalığına 1984-cü ildə təsadüf olunub və bundan sonra az müddət ərzində o, Orta və Cənubi Xəzərdə, həm də Dəvəçi limanında geniş yayılıb.

Morfoloji əlamətləri[redaktə | əsas redaktə]

Çılpaq bədənli,xırda balıqlardır, uzunluğu 5-6, az hallarda 10 sm-ə çatır. Dəvəçi limanında tədqiq olunmuş üçiynəli tikanbalığının uzunluğu 4,5-6,1 sm, kütləsi 1,4-4,3 q olmuşdur.Bel üzgəcinin qarşısında 3 sərbəst tikan vardır.Qarın üzgəcləri də tikan şəklindədir.

Yaşayış yeri və həyat tərzi[redaktə | əsas redaktə]

Yaşayış yeri Dəvəçi limanı,Orta və Cənubi Xəzərin şərq və qərb sahilləridir.Tikanbalıqları xırda xərçəngkimilər, həşarat sürfəsi, dibdə yaşayan orqanizmlər və başqa balıqların kürü və sürfələri ilə qidalanırlar. Müşahidə yolu ilə müəyyən edilmişdir ki, bir ədəd tikanbalığı 5 saat ərzində uzunluğu 6 mm olan 74 ədəd enlibaş balıq körpəsi yemişdir.Üçtikanlı tikanbalığı qısa ömürlüdür, 3-4 il yaşayır.

Çoxalması[redaktə | əsas redaktə]

Bir yaşında cinsi yetişkənliyə çatır. Kürü tökmə aprel ayından iyul ayınadək davam edir.Kürütökmə prosesi olduqca maraqlı keçir. Erkəklər su bitkilərindən xüsusi girişi və çıxışı olan yuva düzəldirlər. Dişi balıqlar öz kürülərini həmin yuvaya tökür və kürüdən sürfələr çıxanadək yuvanı qoruyurlar.

Təsərrüfat əhəmiyyəti[redaktə | əsas redaktə]

Ondan təbabətdə istifadə olunan müalicə əhəmiyyətli yağ, quşçuluq və heyvandarlıq təsərrüfatları üçün un istehsal olunur.Vətəgə əhəmiyyəti yoxdur.[1]

Ədəbiyyat[redaktə | əsas redaktə]

  1. Azərbaycanın heyvanlar aləmi. Onurğalılar, III cild. Bakı: Elm, 2004, s.129.
  2. Əbdürrəhmanov Y.Ə. Azərbaycan faunası (Balıqlar), VII, cild, Bakı, Elm, 1966, 224 s. 3.

İstinadlar[redaktə | əsas redaktə]

  1. Əsgerov F.S., Zaytsev Y.Y., Qasımov R.Y., Quliyev Z.«Biomüxtəliflik: Xəzərin əsrarəngiz balıqları» “Bəşər-XXI” nəşriyyatı, Bakı, 2003,  səh66.