Ülkər Umudova

Vikipediya, azad ensiklopediya
Jump to navigation Jump to search
Chess tile kl-whitebg.svg
Ülkər Umudova
Ulkar Umudova (30712312046).jpg
Ölkə Azərbaycan Azərbaycan
Doğum tarixi (35 yaş)
Doğum yeri Bakı, Azərbaycan SSR, SSRİ
Son reytinqi 2003 (iyul 2018)
Maksimal reytinqi 2096 (iyul 2003)
FİDE nömrəsi 13402382

Ülkər Umudova (3 noyabr 1985(1985-11-03), Bakı) — azərbaycanlı şahmat üzrə beynəlxalq dərəcəli hakim (2009),[1][2] məşqçi və keçmiş şahmatçı. O, FİDE-nin qadın komissiyasının üzvüdür.[3]

Həyatı[redaktə | əsas redaktə]

Ülkər Umudova 3 noyabr 1985-ci ildə Bakı şəhərində ziyali ailəsində anadan olub.

2003-cü ildə 226 saylı orta məktəbi bitirib. 2003-2007-ci illərdə Bakı Dövlət Universitetində təhsil alıb.

Məktəb illərindən şahmatla məşğul olub. Azərbaycanda və xarici ölkələrdə yerli və beynəlxalq turnirlərin qalibi olub.

2003-cü ildən məşqçilik fəaliyyəti ilə məşğuldur. Azərbaycan Respublikasının əməkdar məşqçisidir.

2009-cu ildə şahmat üzrə beynəlxalq dərəcəli hakim adına layiq görülmüş[1][2] və bununla da bu adı almış ilk azərbaycanlı qadın kimi tarixə düşmüşdür.[4] Prezident kuboku, Azərbaycan çempionatları, qadınlar arasında beynəlxalq turnirlər, Avropa çempionatları, gənclər arasında olimpiada və bir sıra digər əhəmiyyətli yarışlarda baş hakim və hakim vəzifəsində Azərbaycanı təmsil etmişdir.

Şəxsi həyatı[redaktə | əsas redaktə]

Ülkərin atası Məmmədağa Umudov Azərbaycanın tanınmış musiqiçisi və əməkdar incəsənət xadimidir.[5] Bacısı Nərgiz Umudova beynəlxalq dərəcəli qrossmeyster və qadınlardan ibarət Azərbaycan yığmasının keçmiş üzvüdür, digər bacısı Günay Umudova isə hazırda 1 nömrəli Şahmat Məktəbində müəllimədir.[5]

Ülkər Umudova ailəlidir, 1 övladı var.

İstinadlar[redaktə | əsas redaktə]

  1. 1 2 "FİDE-nin Prezident Şurasının iclasında 4 həmyerlimizə beynəlxalq titulların verilməsi məsələsi müzakirə olunub". Apa.az. 11 iyul 2018 tarixində arxivləşdirilib. (#parameter_ignored)
  2. 1 2 "AZERBAIJANI CHESS PLAYERS GIVEN FIDE TITLES". Azertag.az. 11 iyul 2018 tarixində arxivləşdirilib. (#parameter_ignored)
  3. "AZERBAIJANI CHESS Commission for Women's Chess (WOM)". Fide.com. 11 iyul 2018 tarixində arxivləşdirilib.
  4. "Beynəlxalq dərəcəli ilk azərbaycanlı qadın hakim" (Apasport.az). 5 fevral 2009.
  5. 1 2 ""Ağ atı" ilə zirvəyə tələsən istedad". Kaspi.az.[ölü keçid]

Xarici keçidlər[redaktə | əsas redaktə]

Vikianbarda Ülkər Umudova ilə əlaqəli mediafayllar var.