Məzmuna keç

Ülvi Quliyev

Vikipediya, azad ensiklopediya
Ülvi Quliyev
Azərbaycan Milli Məclisinin III, IV, V, VI və VII çağırış deputatı
2005 – 2023
Azərbaycan Karate-do Federasiyasının prezidenti
1992 – 1997
Azərbaycan Karate-do Federasiyaları Assosiyasiyasının (AKFA) prezidenti
1997 – 2023
AKFA -nın hüquqi varisi Azərbaycan Karate Federasiyasının prezidenti
Vəzifədədir
2023-cü ildən
Şəxsi məlumatlar
Doğum adı Quliyev Ülvi Zahid oğlu
Doğum tarixi 17 sentyabr 1966(1966-09-17) (60 yaş)
Doğum yeri
Təhsili
Fəaliyyəti atlet, siyasətçi
Atası Zahid Quliyev
Təltifləri "Şöhrət" ordeni"Heydər Əliyevin 100 illiyi (1923–2023)" yubiley medalı "Azərbaycan Xalq Cümhuriyyətinin 100 illiyi (1918–2018)" yubiley medalı "Azərbaycan Respublikasının əməkdar bədən tərbiyəsi və idman xadimi" fəxri adı

Ülvi Quliyev (tam adı: Quliyev Ülvi Zahid oğlu, 17 sentyabr 1966, Bakı) — Azərbaycan Milli Məclisinin III, IV, V, VI və VII çağırış deputatı[1], Gənclər və idman, Səhiyyə komitəsinin üzvü, Azərbaycan Karate Federasiyasının prezidenti [2], karate idman növü üzrə 8-ci dan qara kəmər sahibi.[3][4]

Həyatı

[redaktə | vikimətni redaktə et]

Ülvi Quiyev 17 sentyabr 1966-cı ildə Bakı şəhərində, professor Zahid Quliyevin ailəsində anadan olub. 1983-cü ildə Bakı şəhəri , Nəsimi rayonu 9 saylı orta məktəbi bitirmişdir. 1983–1988-ci illərdə Azərbaycan Dövlət Tibb Universitetinun əczaçılıq fakültəsini fərqlənmə diplomu ilə bitirmişdir. 1998–2002-ci illərdə Bakı Dövlət Universitetinin hüquq fakültəsini bitirmişdir. Rus və ingilis dillərini bilir[5].

Ailəlidir, 2 övladı var. Dilçilik elimləri doktoru, professor Zahid Quliyevin oğludur.

İdman fəaliyyəti

[redaktə | vikimətni redaktə et]

Karate idman növü üzrə VIII Dan qara kəmər sahibi[6], Karate idman növü üzrə Avropa və Dünya çempionudur.[7] Azərbaycan Respublikasının "Əməkdar İdman ustası", Azərbaycan Respublikasının "Əməkdar Məşqçi", Azərbaycan Respublikasının Prezidentinin 2008-ci il 5 mart tarixli Sərəncamı ilə "Əməkdar Bədən Tərbiyəsi və İdman Xadimi" fəxri adına layiq görülüb.[6] 1992–1997-ci illərdə Azərbaycan Respublikası Karate-do Federasiyasının prezidenti, 1997-ci ildən 2023-cü ilə qədər Azərbaycan Karate-do Federasiyaları Assosiyasiyasının prezidenti olmuş, 2023-cü ildən isə Azərbaycan Karate-do Federasiyaları Assosiyasiyasının (AKFA) hüquqi varisi Azərbaycan Karate Federasiyasının prezidentidir.[2] Eyni zamanda Dünya Karate Federasiyasının (WKF) üzvüdür. [8][9][10]

Azərbaycan Respublikasının Prezidentinin 16 sentyabr 2026-cı il tarixli Sərəncamı ilə Ülvi Quliyev Azərbaycan Respublikasının ictimai-siyasi həyatında səmərəli fəaliyyətinə görə “Şöhrət” ordeni ilə təltif edilib[11]

İctimai-siyasi fəaliyyəti

[redaktə | vikimətni redaktə et]

1988-ci ildən aptekdə provizor, baş provizor, aptek müdiri işləmişdir.[12] 2002-ci ildən Dövlət Gömrük Komitəsinin şöbə rəisi[12], 2005-ci ildə "Gömrükçü" İdman Sağlamlıq Mərkəzi baş direktorunun müavini(Gömrük Xidməti, Polkovnik-Leytenantı) vəzifələrində çalışmışdır.[12]

2005-ci ildə 21 saylı Nəsimi 1-ci seçki dairəsindən (III çağırış- Hüquq siyasəti və dövlət quruculuğu komitəsinin üzvü)[12], 2010-cu ildə 17 saylı Yasamal 3-cü seçki dairəsindən(IV çağırış- Hüquq siyasəti və dövlət quruculuğu komitəsinin üzvü)[13], 2015-ci ildə 15 saylı Yasamal 1-ci seçki dairəsindən (V çağırış)deputat seçilib və Gənclər və idman komitəsinin sədr müavini vəzifəsində çalışıb.[12] 2018-ci ildə Gənclər və idman komitəsinin Sədri seçilmişdir. 2020-ci ildə 15 saylı Yasamal 1-ci seçki dairəsindən (VI çağırış -Gənclər və idman komitəsinin, Səhiyyə komitəsinin üzvü) deputat seçilmişdir.

Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyasının üzvü, Almaniya Federativ Respublikası, Belçika, Böyük Britaniya, Çexiya, Koreya, Rusiya və Türkiyə parlamentləri ilə əlaqələr üzrə işçi qruplarının üzvüdür.

Bitərəfdir.[14]

İstinadlar

[redaktə | vikimətni redaktə et]
  1. ↑ Türksoy, Günel. "Ülvi Quliyev komitə sədri seçildi". qafqazinfo.az. 31.05.2018. 2021-05-13 tarixində arxivləşdirilib. İstifadə tarixi: 17 avqust 2018.
  2. 1 2 "AKFA-nın prezidenti, millət vəkili Ülvi Quliyev karateçilərimizlə təlim-məşqlərdə". 3 fevral 2020 tarixində arxivləşdirilib. İstifadə tarixi: 17 avqust 2018.
  3. ↑ modern.az. "Ülvi Quliyev 8-ci dan qara kəmər dərəcəsi ilə təltif olundu". Modern.az (az.). İstifadə tarixi: 8 sentyabr 2025.
  4. ↑ "Ülvi Quliyev 8-ci dan qara kəmər dərəcəsi ilə təltif olundu » Tərəf - XOCANIN BLOGU". Tərəf - XOCANIN BLOGU (ingilis). İstifadə tarixi: 8 sentyabr 2025.[ölü keçid]
  5. ↑ DEPUTAT ÜLVİ QULİYEV DAİRƏSİNİ DƏYİŞİB NAMİZƏD OLDU [ölü keçid]
  6. 1 2 "Azərbaycan Milli Karate Federasiyasının İdarə heyəti". karate.az. 3 may 2020 tarixində arxivləşdirilib. İstifadə tarixi: 17 avqust 2018.
  7. ↑ ""İnsanlara yanlış məlumat verirlər" – Ülvi Quliyev". aznews.az. 12 Mart 2015. 2021-05-06 tarixində arxivləşdirilib. İstifadə tarixi: 17 avqust 2018.
  8. ↑ "European Karate Federation". WKF (ingilis). İstifadə tarixi: 8 sentyabr 2025.
  9. ↑ modern.az. "AKF beynəlxalq federasiyaya üzv oldu". Modern.az (az.). 8 aprel 2025 tarixində arxivləşdirilib. İstifadə tarixi: 8 sentyabr 2025.
  10. ↑ "World Karate Federation welcomes 200th member". Francs Jeux (ingilis). İstifadə tarixi: 8 sentyabr 2025.
  11. ↑ "Ü.Z.Quliyevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". Azərbaycan Respublikası Prezidentinin rəsmi internet səhifəsi. 16 sentyabr 2026.
  12. 1 2 3 4 5 "Quliyev Ülvi Zahid oğlu – Milli Məclisin deputatı, hüquq siyasəti və dövlət quruculuğu komitəsinin üzvü, Azərbaycan Karate Federasiyasının prezidenti". yasamal-ih.gov.az. 11 aprel 2021 tarixində arxivləşdirilib. İstifadə tarixi: 17 avqust 2018.
  13. ↑ Javadov, Samir. "Millət vəkili Ülvi Quliyev tərəfindən IV İslam Həmrəyliyi Oyunlarında iştirak edəcək idmançılarımıza dəstək". karabin.az. 13 aprel 2017. 18 dekabr 2017 tarixində orijinalından arxivləşdirilib. İstifadə tarixi: 17 avqust 2018.
  14. ↑ "15 saylı Yasamal birinci seçki dairəsi". meclis.gov.az. Azərbaycan Respublikası Milli Məclisi. 18 may 2021 tarixində arxivləşdirilib. İstifadə tarixi: 17 avqust 2018.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Ülvi_Quliyev&oldid=9116083"