Ülviyyə Allahverdiyeva

Vikipediya, açıq ensiklopediya
Jump to navigation Jump to search
Ülviyyə Allahverdiyeva
Ulviyya Allahverdiyeva.jpg
Doğum tarixi 20 yanvar 1977 (1977-01-20) (42 yaş)
Doğum yeri Azərbaycan Azərbaycan SSR, Xocalı.
Vətəndaşlığı Azərbaycan
Həyat yoldaşı Atəş Şahverdiyev
Uşaqları Ləman, Rəsul, Lətifə.
Atası Yusif Allahverdiyev
Anası Ofeliya Həsənova
İxtisası Psixoloq
Təhsili Azərbaycan Dövlət Pedaqoji Universiteti
Fəaliyyəti 2007-indiyədək

Ülviyyə Allahverdiyeva, — Televiziya aparıcısı. Xəzər televiziyasında efirə gedən Harmoniya verlişinin aparıcısı.[1]

Həyatı[redaktə | əsas redaktə]

Ülviyyə Allahverdiyeva Yusif qızı 1977-ci il 20 yanvarda Azərbaycan respublikası Dağlıq Qarabağ Muxtar vilayətinin Xocalı şəhərində ziyalı ailəsində anadan olub. İbtidai təhsilini Xocalı kənd orta məktəbində almış, 1993-cü ildə isə Goranboy rayonu Xoylu kənd orta məktəbindən məzun olmuşdur. Ülviyyə Allahverdiyeva 1995-1999-cu illərdə Azərbaycan Dövlət Pedaqoji Universitetinin psixologiya fakultəsində təhsil almışdır.

Ailəsi[redaktə | əsas redaktə]

Atası Yusif Allahverdiyev Savalan oğlu ADDU-nun Alman dili fakultəsini bitirib, Xocalı şəhər orta məktəbində müəllim, daha sonra ADDU-da müəllim vəzifəsində işləyir. Azərbaycan Yazıçılar İttifaqının üzvüdür. Çoxlu şeirlər, məqalələr, tərcümələr həmçinin kitablar müəllifidir. 1992-ci il erməni vəhşiliyinin ən böyük faciəsi, Xocalı faciəsi bu ailədə də ağır itkilərə səbəb olub, Ülviyyə Xocalıdan axırıncı vertalyotla çıxsa da ailədən 27 nəfər erməni vəhşiliyinin qurbanı olub, həmçinin babası Savalan da həmin dəhşətli gecədə meşədə erməni quldurlarına əsir düşüb və aqibəti indiyə qədər məlum olmuyub. Atası Yusif Savalan bu erməni vəhşiliyini dünyaya tanıtmaq üçün dəfələrlə ABŞ-da, Almaniya, Fransa, Türkiyədə, Avstriya səfirlikləri ilə birlikdə tədbirlər keçirərək bu erməni vəhşiliyini dünyaya tanıtmaqda mühüm işlər görür. Anası Ofeliya Həsənova Xəlil qızı GDPU-nin metodika fakulyəsini bitirib və uzun illər orta məktəbdə ibtidai sinif müəllimi işıəyib.

Həyat yoldaşı Şahverdiyev Atəş Kamil oğlu 1976-cı ildə Ermənistan Respublikası Basarkeçər rayonunun Sarıyaqub kəndində anadan olub. Bakı Dövlət Universitetini bitirib. Atəş və Ülviyyə bir qaçqın və köçkün düşdükdən sonra 1 neçə il eyni məktəbdə eyni sinifdə təhsil alıblar. Cütlük uzun illərdir birlikdə Xəzər Televiziyasında fəaliyyət göstərirlər. 2000-ci ildə nişanlanan cütlük 2001-ci ildə evlilik həyatına qədəm qoyublar. Bu izdivacdan 3 övladları dünyaya gəlib. Şahverdiyeva Ləman Atəş qızı, Şahverdiyev Rəsul Atəş oğlu, Şahverdiyeva Lətifə Atəş qızı.

Fəaliyyəti[redaktə | əsas redaktə]

Ülviyyə Allahverdiyeva Xəzər televiziyası fəaliyyətə başlayandan televiziyanın ilk aparıcılarındandır. 2007-ci ildə bazar günləri saat 15-də canlı yayımlanan Pozitiv adlı verilişdə, insanlara psixoloji dəstək formatında, verilişin aparıcısı kimi efirdə öz ixtisasına uyğun, insanlara canlı psixoloji dəstək olaraq söhbətlər aparıb.

Hal hazırda aparıcılıq etdiyi Harmoniya verilişi 2008-ci ildən Xəzər Televiziyasında yayımlanır. Verilişin rəhbəri və rejisoru həyat yoldaşı Atəş Şahverdiyevdir. 10 ildir efirdə olan veriliş tanıtım verilişidir. Dəb, gözəllik, sağlamlıq, ev interyeri, dizayn bir sözlə insan yaşamında lazımi bütün yenilikləri tanıtımı Harmoniya verilişində aparılır.[1]

Verilişlər[redaktə | əsas redaktə]

  • Xəzər televiziyası - Pozitiv adlı veriliş. (2007-2008)
  • Xəzər televiziyası - Harmoniya adlı veriliş. (2008-indiyədək)

İstinadlar[redaktə | əsas redaktə]

  1. 1,0 1,1  (azərb.)"Azərbaycanlı aparıcı ana oldu". Oxu.az. 15 aprel 2017. https://web.archive.org/web/20180410182057/https://oxu.az/showbiz/186813. İstifadə tarixi: 10 aprel 2018.

Xarici keçidlər[redaktə | əsas redaktə]