Ümraniyə

Ümraniyə
41°00′54″ şm. e. 29°07′04″ ş. u.
Ölkə	Türkiyə
Tarixi və coğrafiyası
Əsası qoyulub	1987, 4 iyul 1987
Sahəsi	45,3 km² 46 km² (2014)
Mərkəzin hündürlüyü	152 m
Əhalisi
Rəsmi dili	türk dili
Digər
umraniyetip.net
Ümraniyə
Vikianbarda əlaqəli mediafayllar

Ümraniyə İstanbul ilinin ilçələrindən biridir. İstanbulda əhalisi ən çox olan beşinci, Anadolu yaxasında isə Pendikdən sonra ikinci ən çox əhalisi olan ilçəsidir. İlçə 35 məhəllədən ibarətdir. 22.000 hektar yaşayış sahəsinə malikdir. Qərbdən Üsküdar, cənubdan Ataşehir, şərqdən Sancaktəpə, şimal-şərqdən Çəkməköy və şimal-qərbdən Beykoz ilə həmsərhəddir.

Ümraniye İstanbulun ən sürətlə şəhərləşən və ən yüksək əhali artımına malik ilçələrindən biridir. Ümraniye iqtisadi çeşidlilik baxımından çox müxtəlif bir bölgədir və kiçik istehsaldan geyim, ehtiyat hissələri və ağac məhsullarına qədər müxtəlif sənaye sahələri mövcuddur.

Tarixi

Taken in Atakent, Ümraniye, Istanbul

Bölgə Osmanlı Sultanı I Əhməd tərəfindən 17-ci əsrin əvvəllərində Şeyx Əziz Mahmud Xudayi vəqf edilmişdi. Cümhuriyyət dövründən əvvəl Bulgurluya qədər olan bölgə Üsküdarın tabeliyində bir qəsəbə kimi, bu vəqfin mülkü olaraq qalmışdır. Ümraniyənin ilk dəfə Tənha Sərv adlandırılmasının səbəbi bir neçə məzarın, bir neçə sərv ağacının və meşədə bir neçə evin olmasıdır. Ümraniyəyə ilk məskunlaşanlar Balkan müharibələrindən sonra, öncə Batumidən, daha sonra isə Yuqoslaviya və Bolqarıstandan gələn immiqrantlar idi. Bu səbəbdən bir müddət "Mühacirlər kəndi" də adlandırılmışdır. Ümraniyə 1960-cı ilə qədər bir kənd olaraq qalmış, lakin Mütəşəkkil Sənaye Bölgəsi elan edildikdən sonra əhəmiyyətli miqrasiya yaşamışdır. Bələdiyyə ilk dəfə 1963-cü ildə yaradılmışdır.

12 sentyabr çevrilişindən sonra Ümraniye Bələdiyyəsi ləğv edilmiş və Üsküdarın yurisdiksiyasına bağlı bir şöbəyə çevrilmişdir. 4 iyul 1987-ci il tarixli və 19507 saylı rəsmi qəzetdə dərc olunaraq eyni gündə 3392 saylı qanunla ilçə statusunu almışdır. Ümraniyədə ilk yerli seçkilər 1989-cu ildə keçirilmişdir.

Məhəllələri

• Adem Yavuz
• Altınşehir
• Armağanevler
• Aşağıdudullu
• Atakent
• Atatürk
• Cemil Meriç
• Çakmak
• Çamlık
• Dumlupınar
• Elmalıkent
• Esenevler
• Esenkent
• Esenşehir
• Fatih Sultan Mehmet
• Finanskent
• Hekimbaşı
• Huzur
• Ihlamurkuyu
• İnkılap
• İstiklal
• Kâzım Karabekir
• Madenler
• Mehmet Akif
• Namık Kemal
• Necip Fazıl
• Parseller
• Site
• Şerifali
• Tantavi
• Tatlısu
• Tepeüstü
• Topağacı
• Yamanevler
• Yukarıdudullu