Üqbə ibn Nafi

Üqbə ibn Nafi
ərəb. عقبة بن نافع الفهري‎‎
Uqbə ibn Nafinin Sidi-Əqbədəki abidəsi
Şəxsi məlumatlar
Doğum tarixi	622(0622)
Doğum yeri	Məkkə, Hicaz
Vəfat tarixi	683(0683) (60–61 yaşında)
Vəfat yeri	Sidi-Əqbə, Biskra vilayəti, Əlcəzair
Hərbi fəaliyyəti
Mənsubiyyəti	Raşidi xilafəti, Əməvilər xilafəti
Vikianbarda əlaqəli mediafayllar

Uqbə ibn Nafi (ərəb. عقبة بن نافع‎; 622, Məkkə – 683, Sidi-Əqbə, Biskra vilayəti) — I Müaviyə və I Yezid dövründə ərəb sərkərdəsi.

Həyatı

Şimali Afrikaya vali təyin edilən Uqbə ibn Nafi bəzi yerləri ələ keçirməklə yanaşı bərbəriləri də İslama gətirməyə çalışmış və ordugah şəhəri olan Qeyrəvanı inşa etdirmişdir. Uqbə valiliyi zamanında özünə mərkəz olaraq Bərqəni seçmişdir. Bundan əvvəl Abdullah ibn Səd Bizansın Şimali Afrika valisini məğlub edərək Tərabülüs əl-Qərb ələ keçirmişdir. Sudan üzərinə göndərdiyi ordu isə heç bir nəticə əldə etmədən geri qayıtmışdır.

Uqbə ibn Nafinin Şimali Afrikada qazandığı uğurları görən Müaviyə 675-ci ildə (hicri 55) onu Şama geri çağırıb Əbülmühaciri bu bölgəyə vali təyin etmişdir. Uqbə ibn Nafi Şama gəldikdə Müaviyə söz verdi ki, yenidən onu Şimali Afrikaya vali təyin edəcək. Lakin o, Müaviyənin ölümünə qədər Şamda qalmışdır. Yezid ibn Müaviyənin dövründə Uqbə ibn Nafi yenidən Şimali Afrikaya vali təyin edilmişdir. Uqbə ibn Nafi və Əbülmühacir Biskrə döyüşündə həlak olmuşdur. Onların ölümündən sonra Züheyr ibn Qeys bərbərilərin qarşısında dayana bilməyib Qeyrəvanı tərk edərək Bərqəyə gəlmişdir.