İşıqfor ağacı
| İşıqfor ağacı | |
|---|---|
 | |
| Ölkə | |
| Tikilib | 1998 |
| Hündürlüyü | 8 m |
| 51°30′14″ şm. e. 0°01′30″ q. u.HGYO | |
 |
|
 Vikianbarda əlaqəli mediafayllar | |
İşıqfor ağacı (ing. Traffic Light Tree) – İngiltərənin London şəhərində yerləşən ictimai heykəl. Ginnesin Rekordlar Kitabına ən böyük işıqfor heykəli kimi düşmüşdür.[1]
Tarixi
[redaktə | vikimətni redaktə et]Heykəl 1998-ci ildə Londonun Kanari-Uorf rayonunda ictimai çirklənmə nəticəsində ölməkdə olan üç çinar ağacının birinin yerində quraşdırılmışdır və heykəltaraşı fransız Pyer Vivandır.[2] Heykəl İctimai Sənət Komissiyaları Agentliyi tərəfindən keçirilmiş beynəlxalq müsabiqənin qalibi olmuşdur.[3] 2005-ci ildə "Saga Motor Insurance" tərəfindən keçirilmiş bir sorğuda "İşıqfor ağacı" Britaniyadakı ən yaxşı yol qovşaqlarından biri seçilmişdir.[2]
 |
Heykəl yaxınlıqdakı London çinar ağaclarının mənzərəsini əks etdirir, işıqların dəyişən yanıb-sönməsi isə ətrafdakı yaşayış, maliyyə və kommersiya fəaliyyətlərinin bitməyən ritmini əks etdirir.[1] Pyer Vivan |
 |
Heykəl 2011-ci ilin dekabrında ilk quraşdırdığı yerdən götürülmüş, yerli siyasətçi Qloriya Tienelin səylərindən sonra[1] 2013-cü ilin noyabrında Poplar rayonunda yerləşən Billinsqeyt balıq bazarının yaxınlığında yerləşən yol qovşağında quraşdırılmışdır.[4]
Xüsusiyyətlər
[redaktə | vikimətni redaktə et]Heykəlin hündürlüyü 8 metrdir və 75 işıqfor gözündən ibarətdir. Heykəldəki hər işıq kompüter tərəfindən idarə olunur. İşıqların əvvəlcə London Fond Birjasındakı hərəkətlərə əsasən yanması planlaşdırılsa da, bahalı olduğu üçün bu ideya baş tutmamışdır.[2] Bəzi motosikl sürücüləri heykəli əsl işıqforla səhv salırlar.[3] Buna baxmayaraq, heykəl yerli ikonalardan birinə çevrilmiş, turistlər arasında populyar olmuşdur.[4]
Qalereya
[redaktə | vikimətni redaktə et]
.jpg)
İstinadlar
[redaktə | vikimətni redaktə et]- 1 2 3 "Largest traffic light sculpture". Ginnesin Rekordlar Kitabı (ingiliscə). İstifadə tarixi: 23 may 2026.
- 1 2 3 "Traffic Light Tree". Atlas Obscura (ingiliscə). 26 noyabr 2009. İstifadə tarixi: 23 may 2026.
- 1 2 "Traffic Light Tree". Grand Illusions (ingiliscə). 21 iyul 2009 tarixində arxivləşdirilib. İstifadə tarixi: 23 may 2026.
- 1 2 "A one-of-a-kind sculpture in London: the Traffic Light Tree!". Wonders of London (ingiliscə). İstifadə tarixi: 23 may 2026.