İRS cizgi
İRS cizgi — vətənpərvər ruhda milli və tarixi qəhrəmanlar üzərindən oxuculara məntiq, mühəndislik, dünyagörüşü kimi bilgiləri çatdıran cizgi film, roman, oyuncaq, oyun, animasiya və s. kimi məhsullar üzərində çalışan bir komanda.[1]
Yaradılması[redaktə | mənbəni redaktə et]
İRS cizgi komandası 2017-ci ildə Anar Əkbərli tərəfindən yaradılmışdır. Hədəfləri milli və elmi formatda oxuculara dünyagörüşü , məntiq və mühəndislik sahələrində bilgi verən cizgi, roman, oyuncaq, oyun və animasiyaların yaradılmasıdır. İşlərində daha çox milli və tarixi qəhrəmanları daha fərqli, daha çox günümüzə uyğun şəkildə təsvir edirlər.[1]
Fəaliyyəti[redaktə | mənbəni redaktə et]
2017-ci ildə İRS cizgi yaradıcılıq qrupunun "Koroğlu" adlı ilk milli komiksinin təqdimatı keçirilib. Komiksin Mərkəzi Elmi Kitabxanada[2], Bakutel sərgisində təqdimatı keçirildi. Bu komiks Azərbaycanda bu sahədə ilk uğurlu layihədir. İstənilən yaş qrupu üçün nəzərdə tutulmuş ssenari əsasında hazırlanıb. Dastandan ilhamlanaraq, tarixi faktlara əsaslanaraq milli ruhda hazırlanan komiks oxucuya məntiq və dünyagörüşü aşılayır.[1][3]
Qrup tərəfindən 2018-ci ildə Azərbaycan Cümhuriyyətinin 100 illiyi ilə bağlı "DİRİLƏR" milli komiksi elektron versiyada istifadəçilərə pulsuz təqdim olunub.[4]
İstinadlar[redaktə | mənbəni redaktə et]
- ↑ 1,0 1,1 1,2 "Azərbaycanda "Koroğlu" adlı ilk milli komiks təqdim olunub" (az.). Azərbaycan Dövlət İnformasiya Agentliyi. 4 yanvar 2018. 2022-06-08 tarixində arxivləşdirilib. İstifadə tarixi: 8 iyun 2022.
- ↑ "Azərbaycanda "Koroğlu" adlı ilk milli komiks təqdim olunub" (az.). science.gov.az. 5 yanvar 2018. 2022-06-08 tarixində arxivləşdirilib. İstifadə tarixi: 8 iyun 2022.
- ↑ ""Koroğlu" adlı ilk milli komiksin təqdimatı keçirilib" (az.). Report İnformasiya Agentliyi. 1 yanvar 2018. 2022-06-08 tarixində arxivləşdirilib. İstifadə tarixi: 8 iyun 2022.
- ↑ "İRS Cizgi - DİRİLƏR" (az.). ikiqat.com. 28 may 2018. 21 fevral 2019 tarixində arxivləşdirilib. İstifadə tarixi: 8 iyun 2022.