İstək liseyi
İstək liseyi — I-XI sinif şagirdlərinə Azərbaycan və Beynəlxalq bölmələr üzrə təhsil xidməti göstərmiş ümumtəhsil müəssisəsidir.
İSTƏK liseyi təsisçisinin 05.07.2018-ci il tarixli qərarına əsasən İSTƏK liseyi təhsil müəssisəsi kimi fəaliyyətini dayandırmışdır.[1][2][3]
Ümumi məlumatlar[redaktə | mənbəni redaktə et]
2014-cü ildə təsis olunan lisey Azərbaycan Respublikası Təhsil Nazirliyinin 074503 №-li lisenziyası əsasında Bakı (İSTƏK Beynəlxalq məktəbi, İstək ibtidai beynəlxalq məktəbi, Xalqlar Dostluğu və Gənclik), Sumqayıt, Quba, Şirvan, Lənkəran, Ağdaş, Mingəçevir, Gəncə və Şəki şəhərlərində fəaliyyət göstərir. Təhsil prosesində dövlət təhsil standartları və beynəlxalq proqramları birgə tətbiq edən İstək liseyi milli dəyərlərə sədaqətlə şagirdlərin dövrün tələblərinə uyğun bilik və bacarıqlara sahib olmasına imkan yaradır.
İstək Beynəlxalq məktəbi[redaktə | mənbəni redaktə et]
İstək liseyinin Bakı şəhərinin Nərimanov metro stansiyasının yaxınlığında yerləşən kampusu beynəlxalq təhsil proqramları, maddi – texniki bazası, dünya şöhrətli ali məktəblərə qəbul və beynəlxalq olimpiadalarda nəticələri ilə dünya təhsilini hamı üçün əlçatan edir. Binası, üstün texnologiyaları, beynəlxalq proqramları ilə liseyin şagirdləri fənləri xarici dillərdə mənimsəyərək bütün dünyada tanınan beynəlxalq sertifikat əldə edə bilirlər. Liseyin maddi-texniki bazası liseydə 20-dən artıq növ üzrə sosial fəaliyyət proqramlarının həyata keçirilməsi, şagirdlərin dərəcə və olimpiada siniflərində xüsusi hazırlıq keçməsi, təbiət elmləri və kompüter laboratoriyaları ilə biliklərini bacarıqlara çevirməsinə imkan verir. Liseydə Beynəlxalq bölmə üzrə qız və oğlan şagirdlər I-VI sinifdən 20 nəfərdən ibarət siniflərdə təhsil alırlar. Hər il beynəlxalq proqramlara və xaricdə təhsilə maraq göstərən yüzlərlə şagird və valideynin seçimi olan İstək Beynəlxalq məktəbi şagirdlərin milli dəyərlərə sadiq, yüksək təhsilli, dövrün tələblərinə uyğun bilik və bacarıqlara sahib şəxsiyyət kimi yetişməsi üçün şərait yaradır.[4]
"İstək" oyunları[redaktə | mənbəni redaktə et]
İstək oyunları hər il liseyin şagirdləri arasında keçirilən ümumlisey spartakiadasıdır. Lisey bu spartakiadaların təşkilinə 2015 ci ildə "I İstək oyunları" adı ilə start vermişdir.
İstinadlar[redaktə | mənbəni redaktə et]
- ↑ ""İstək" liseyi bağlandı". Qafqazinfo (az.). 6 iyul 2018. 26 iyul 2018 tarixində arxivləşdirilib. İstifadə tarixi: 26 iyul 2018.
- ↑ ""İstək" liseyi niyə bağlandı – millət vəkili və təhsil ekspertlərinin münasibəti". Məktəb Güşəsi (az.). 8 iyul 2018. 2018-07-26 tarixində orijinalından arxivləşdirilib. İstifadə tarixi: 26 iyul 2018.
- ↑ "Bakıda məşhur təhsil ocaqlarından biri bağlandı". sputnik.az (az.). 06.07.2018. 26 iyul 2018 tarixində arxivləşdirilib. İstifadə tarixi: 26 iyul 2018.
- ↑ Mustafa Dadaşov. ""İstək" liseyinin Şəki kampusu fəaliyyətə başlayıb". AzərTac (az.). 21.09.2017. 8 iyun 2018 tarixində arxivləşdirilib. İstifadə tarixi: 8 iyun 2018.
Xarici keçidlər[redaktə | mənbəni redaktə et]
- İstək liseyi-facebook
- İstək liseyi rəsmi sayt Arxivləşdirilib 2021-05-07 at the Wayback Machine