İbrahim Bəxtiyarov

Vikipediya, azad ensiklopediya
Jump to navigation Jump to search
İbrahim Bəxtiyarov
İbrahim Ağamurad oğlu Bəxtiyarov
Doğum tarixi (93 yaş)
Doğum yeri Qərbi Azərbaycan (indiki Ermənistan Respublikası), Zəngəzur mahalı, Qafan r., Açaxlı kəndi
Vətəndaşlığı
Azərbaycan Azərbaycan
Elm sahəsi Mexanika
Elmi dərəcəsi Fizika-riyaziyyat elmləri doktoru
Elmi adı professor
İş yerləri

İbrahim Ağamurad oğlu BəxtiyarovAzərbaycan Memarlıq və İnşaat Universitetinin elmlər doktoru, Materiallar müqaviməti kafedrasının müdiri, fizika-riyaziyyat elmləri doktoru, professor

Həyatı[redaktə | mənbəni redaktə et]

İbrahim Ağamurad oğlu Bəxtiyarov 1928-ci ilin dekabrında Qərbi Azərbaycanın (indiki Ermənistan Respublikası), Zəngəzur mahalının Qafan rayonunun Açaxlı kəndində anadan olmuşdur. İbrahim Bəxtiyarov 1947-ci ildə Azərbaycan Sənaye İnstitutunun (indiki ADNSU) "Neft-mədən "fakültəsinə daxil olaraq 1952-ci ildə oranı bitirmişdir. İnstitutu əla qiymətlərlə bitirdiyindən Elmi Şuranın qərarı ilə həmin institutun "Materiallar müqaviməti" kafedrasında assistent vəzifəsində saxlanılmışdır. 1956-cı ildə 2-ci ixtisasa yiyələnmək məqsədi ilə Azərbaycan Dövlət Universitetinin (indiki BDU) fizika-riyaziyyat fakültəsinə daxil olmuşdur. 1961-ci ildə namizədlik dissertasiyasını müdafiə etmişdir. 1978-ci ildə doktorluq dissertasiyasını müdafiə edərək fizika-riyaziyyat elmləri doktoru adını almışdır. Onun rəhbərliyi altında 60-dan çox adam namizədlik dissertasiyası, 5 nəfər isə doktorluq dissertasiyası müdafiə etmişdir. Professor İbrahim Bəxtiyarov 200-dən çox elmi əsərin müəllifidir. Professor İ.Bəxtiyarov 20 ildən artıq müddət ərzində Azərbaycan Respublikası aspirantlarının mexanika bölməsi üzrə konfransların təşkilatçısı və sədri, keçmiş Sovetlər İttifaqı üzrə 10 il "Materiallar müqaviməti"indən keçirilən olimpiadaların təşkilatçısı və sədri vəzifələrini yerinə yetirmişdir. Professor İ.Bəxtiyarov 1975-ci ildən ömrünün sonuna kimi AzMİU-nun "Materiallar müqaviməti" kafedrasının müdiri olmuşdur.

Təhsili[redaktə | mənbəni redaktə et]

1947-1952-ci illərdə Azərbaycan Sənaye İnstitutunun (indiki ADNSU) "Neft-mədən "fakültəsi", tələbə

1956-1961-cı illərdə Azərbaycan Dövlət Universitetinin (indiki BDU) "Fizika-riyaziyyat fakültəsi", tələbə

1961-ci ildə fizika-riyaziyyat elmləri namizədi

1978-ci ildə fizika-riyaziyyat elmləri doktoru

Əmək fəaliyyəti[redaktə | mənbəni redaktə et]

1952-1957-cu illərdə Azərbaycan Sənaye İnstitutunun (indiki ADNSU) "Materiallar müqaviməti" kafedrasında assistent

1957-1975-ci illərdə Ç.İldirim adına Azərbaycan Politexnik İnstitutunu "Nəzəri mexanika" kafedrasında baş müəllim və dosent

1975-ci ildən AzMİU-nun "Materiallar müqaviməti" kafedrasının müdiri

Əsərləri[redaktə | mənbəni redaktə et]

200-dən çox elmi əsərin müəllifidir.

Kadr hazırlığı:[redaktə | mənbəni redaktə et]

elmlər namizədlərinin sayı - 60

elmlər doktorlarının sayı - 5