İkinci Aşıqlı — Azərbaycan Respublikasının Beyləqan rayonunun inzibati ərazi vahidində kənd. Mil düzündədir. Yaşayış məntəqəsi keçmiş Aşıqlı (indiki Birinci Aşıqlı) kəndindən çıxmış ailələrin burada məskunlaşması nəticəsində yaranmışdır. Oykonim Şəhsevənlərin aşıqlı tirəsinin adını əks etdirir[1]. İkinci Aşıqlı kəndi Beylaqan rayonunun ərazisində yerləşir, kəndin əsası 1949-cu ildə qoyulmuşdur. Kənd əhalini o dövrdə heyvandarlıqla məşğul olurdular, yayda Kəlbəcər ərazisində yaylaqda payıza dönəndə isə indiki ərazilərdə qışlaqda olurmuşlar. Oturaq şəraitə keçəndə bölünüb iki kənddə məskunlaşıblar, qonşu olaraq Birinci Aşıqlı, biri isə İkinci Aşıqlı kənki kimi adlanıb. Kənd əhalisi azərbaycanlılardan ibarətdir.
