İlahə Qismət

Vikipediya, azad ensiklopediya
Jump to navigation Jump to search
İlahə Qismət
İlahə Qismət.jpeg
İsrafilova İlahə Qismət qızı
Sənətçi məlumatları
Doğum tarixi 11 sentyabr 1993 (1993-09-11) (26 yaş)
Doğum yeri Bakı, Azərbaycan
Peşəsi bəstəkar

İlahə Qismət (azərb. İsrafilova İlahə Qismət qızı‎) — Bəstəkar, Qara Qarayev təqaüdçüsü, Ü.Hacıbəyli adına Bakı Musiqi Akademiyasının doktorantı və əməkdaşı, "Mədəni Əlaqələrin İnkişafına Dəstək" ib Sədri. Bəstəkarlar İttifaqının Üzvü,Azərbaycan Bəstəkarlar İttifaqının "Gənclər Şöbəsi"nə Sədri

Həyatı[redaktə | əsas redaktə]

İlahə Qismət 11 sentyabr 1993-cü ildə Bakı şəhərində anadan olmuşdur. Musiqiçi ailəsində dünyaya göz açan İlahənin valideyni Azərbaycan Respublikasının Xalq artisti, Prezident təqaüdçüsü Zümrüd Məmmədovadır. Kiçik yaşlarından ailəsi İlahənin hərtərəfli inkişafına önemlə yanaşmış və musiqidən əlavə "Cücələrim" ansanblında da çıxış etməsinə icazə verilmişdir. Bununla yanaşı peşəkar addımlarına daima nəzarət etmiş və hər uğuruna dəstək olmuşlar.

Təhsili[redaktə | əsas redaktə]

İlahə Qismət 1996-ci ildən Bülbül adına Orta İxtisas Musiqi məktəbində Fortepiano, Muğam və Bəstəkarlıq sinifləri üzrə təhsil almışdır.

İlahə Qismətin bu gün gənc bəstəkar kimi bir çox nəaliyyətlər əldə etməsi heç də təsadüfi olmamışdır. Onun həyat yoluna nəzər salsaq, kiçik yaşlarından başlayaraq daima fəal şəkildə öz istedadını nümayiş etdirərək, daima bu istedadı inkişaf etdirərək ön sıralarda olmasının şahidi oluruq. Hələ 3 yaşında olarkən “Cücələrim” ansamblında iştirak etməsi, musiqi təhsilini Bülbül adına Orta İxtisas Musiqi Məktəbində fortepiano (Gülnarə Mirzoyevanın sinifi), həm bəstəkarlıq (Nərgiz Şəfiyevanın sinifi), həm də xanəndəlik ( muğam ustadı Qəzənfər Abbasovun sinifi) sinifini layiqincə bitirməsi , eləcə də bir çox tədbirlərdə fərqlənərək iştirak etməsi onun gələcəyinin parlaq olacağına sübut kimi verilə bilər. Təbii ki, bu uğurlar, bacarıqlar arasında özünə əsas sənət olaraq bəstəkarlığı seçmişdir. 2010-cu ildə Bülbül adına Orta İxtisas Musiqi Məktəbi uğurla başa vuran bəstəkar Bakı Musiqi Akademiyasının Bəstəkarlıq şöbəsində görkəmli bəstəkar, Professor Arif Məlikovun sinifinə daxil olmuşdur. İlahə Qismət Bakı Musiqi Akademiyasında təhsil aldığı illərdə eyni zamanda ikinci ixtisas kimi – Simfonik Orkestr Dirijorluğuna yiyələnərək istedadlı, tanınmış dirijor Əyyub Quliyevdən dərslər almışdır.

2014-cü ildə təhsilini qırmızı diplomla başa vuran gənc bəstəkar BMA-nın bəstəkarılq üzrə magistratura pilləsinə qəbul olmuşdur. 2016-cı ildə də bu təhsil ocağını eyni uğurla başa vurmuşdur.

Yaradıcılığı[redaktə | əsas redaktə]

“20 prelüddən ibarət silsilə”, "Rəngli lövhələr" uşaq albomu, “Anxiety” - (əndişə) fortepiano üçün Sonatina”, “Reasons” String Quartet N-1- Bela Bartoka həsr olunmuşdur, "Yadıma sə düşəndə" Azərbaycan xalq mahnısı Balaban və simli kvartet üçün işləməsi, Bəxtiyar Vahabzadənin sözlərinə yazılmış “Hisslər” adlı silsilə romanslar, “Qələbə” Simfonik Poeması, və s.

Yeni Ulduz 10 qalibi Anar Məmmədovun ifasında "Sənsizəm" lirik Mahnı (söz, musiqi-İlahə Qismət), Xalq Artisti Zümrüd Məmmədovanın ifasında "Müqəddəs Vətən" Hərbi marş (söz- Zəminə Xınalı, mus- İlahə Qismət),Respublikanın Xalq artisi Samir Cəfərovun ifasında- " Əsrin müqaviləsi" Socarın Himni soz/mus İlahə Qismət, "İsrail Azərbaycan dostluğu" söz N. Hicran, mus. İlahə Qismət. "Dalğalansın bayraq" Türkiyə ilə Azərbaycan söz/mus İlahə Qİsmət, "Bakı Musiqi Akademiyası" kompozisiyası söz/mus İlahə Qismət və b.

Həmçinin, Dövlət Neft Şirkəti, Mədəniyyət və Turizm Nazirliyininİctimai Televiziyanın birgə layihəsi olan “Əsrin müqaviləsinin” 20 illik yubileyinə həsr olunmuş “20 şanlı il” mövzusunda keçirilən ən yaxşı vokal əsər müsabiqəsində I yerə layiq görülmüş. Əsəri SOCAR-ın himni seçilmişdir və Rövnəq Abdullayev tərəfindən Diplom və qiymətli hədiyyələrlə mükafatlandırılmışdır. https://www.youtube.com/watch?v=ahEp_IaEkHE

2014-cü il noyabr ayının 23-də Moskvanın Böyük Teatr səhnəsində baş tutmuş Arif Məlikovun “Məhəbbət əfsanəsi “ baletinin premyerasında Mədəniyyət və Turizm nazirliyinin xətti ilə nümayəndə heyəti kimi iştirak etmişdir.

Eyni zamanda bəstəkarlıqla yanaşı “Muğam” vokal-instrumental qrupunda solist qismində çıxış edir. Musiqi fəaliyyəti ilə yanaşı bəstəkar daxildən aşıb-daşan istedadla digər sahələrdə- rəssamlıq, aktrisalıq, ssenarist kimi də özünü yoxlamışdır. Kiçikliyindən bəri rəsm çəkməyə həvəsi olan İlahə Qismətin bu istedadı Nənəsi Əminə xanıma arxalanır. Heykəltaraş, filoloq olan Əminə xanım eyni zamanda gözəl rəssam idi. Bu da özünü İlahənin istedadında da biruzə verib. İlahə Qismət özünün ssenari müəllifliyi və aktrisalıq kimi fəaliyyətini “Arzulara Gedən Yolda” qısametrajı filmində təqdim etmişdir. Bu filmdə İlahə təbii ki, bəstəkarlıqdan yan keçməmişdi. Filmin musiqisi də İlahə Qismətə aiddir.

2014-cü ildən etibarən Bakı Musiqi Akdemiyasında çalışmaqdadır. Gənc bəstəkar eyni zamanda elmi fəaliyyətlə də məşğuldur. Fasiləsiz olaraq müxtəlif, dərin mövzulu məqalələr yazaraq araşdırmalarına davam edir. Publisistika sahəsində də ozunu sınayaraq püxtələşməyə çalışır. Eyni zamanda istedadlı gənc Bakı Musiqi Akademiyasının mətbuat şöbəsinin mütəxəssisi vəzifəsində fəaliyyət göstərir.

Beləliklə, fəal gənclərdən olan İlahə Qismət incəsənət sahəsi ilə kifayətlənməyərək bu enerji ilə İctimai işlərdə də özünü sınamışdır. 2014-cu ildən İlahə Qismət Heydər Əliyev İdealogiyasını davam etdirən “Demokratik Cəmiyyətin İnkişafına Yardım” İB-nin Sədr Müavi olmuşdur. Həmçinin O, Bakı Musiqi Akademiyasının Tələbə Gənclər Təşkilatının da Sədr müavinidir. İcdimati-fəaliyyətində aktivliyi ilə seçilən gənc xanım 2014-cü il üçün keçirilən Azerbaycan Respublikasinin Prezidenti yanında Gənclər Fondunun 6-ci Qrant müsabiqəsində "Muğamatım bir dəryadır" adlı layihəsi ilə qalib olub. https://www.youtube.com/watch?v=HstO70THxFM

2015-ci ildə İsrail Dövləti tərəfindən bəstəkara "İsrael Azərbaycan dostluğu" mövzusunda layihə ilə müraciət olunmuşdur. Gənc bəstəkar eyni adlı kompozisiyası ilə layihənin musiqili hissəsini uğurla tamamlamışdır. Həmçinin layihə çərçivəsində əsərin Klipi də çəkilərək İsraildə keçirilən təqdimatla işıq üzü görmüşdür. Əsərin sözləri şairə- Nəzmiyyə Hicranın, Layihə rəhbəri və rejissoru Səadət Şükürovadır. İfaçılar Araz Həsənoğlu, İlahə Qismətdir. Gəc bəstəkar  "Dostlugumuz ebedidir İsrail -Azərbaycan" adli bestesinə görə "Turana doğru" qezetinin Fexri Diplom'una layig görūlmüşdür. https://www.youtube.com/watch?v=A7f3CHglexw

Həmin ildə Gənc Bəstəkarın "Dalğalansın Bayraq" Türkiyə-Azərbaycan adlı əsəri də qardaş ölkənin mötəbər konsert salonlarında səslənmiş və geniş marağa səbəb olmuşdur. https://www.youtube.com/watch?v=QUp_aF_0uJ4 Sözləri və musiqisi İlahə Qismətə aid kompozisiyanı xalq artisi Zümrüd Məmmədova ifa etmişdir. Əsərin ifaçısı və bəstəkar bu əsərə görə qardaş ölkə tərəfindən mükafata layiq görülmüşlər.

Paralel olaraq elmi tədqiqatlar aparan İlahə İsrafilovanın “Gülnaz Abdullazadənin bəstəkarlıq fəaliyyətinin əsas xüsusiyyətləri” adlı monoqrafik kitabı işıq üzü görmüşdür.

Həmçinin Azərbaycan Respublikasinin Prezidenti yanında Gənclər Fondunun 8-ci Qrant musabiqəsində "Mən Vətən Torpağı, Vətən Daşıyam" adlı Hərbi-vətənpərvər mövzulu layihəsi ilə qalib olmuşdur.

2016-cı il 25 noyabrda Azərbaycan Respublikasının Prezidenti Yanında Gənclər Fondunun maliyyə dəstəyi, Azərbaycan Respublikası Müdafiə Nazirliyi və Azərbaycan Qarabağ Müharibəsi Əlilləri, Veteranları və Şəhid Ailələri İB təşkilatı dəstəyi ilə “MƏN VƏTƏN TORPAĞI, VƏTƏN DAŞIYAM” layihəsini böyük uğurla başa vurmuşdur. Tədbirdə cənab generallar R.Əliyev, Y.Axundzadə, polkovnik A.Qurbani kimi nüfuzlu şəxsiyyətlərlə yanaşı ikiqat Paralimpiya Oyunları çempionu İlham Zəkiyev də iştirak etmişdir. Tədbirin musiqi hissəsində xalq artistləri, əməkdar artistlər çıxış etmişlər.

Tədbirin sonunda İsrafilova İlahə Qismət qızı vətənpərvərlik mövzusunda göstərdiyi xidmətlərə görə AZQMƏVŞAİB-nin “Vətən naminə” medalı ilə general R.Əliyev tərəfindən təltif olunmuşdur.  

Gənc bəstəkarın bir çox əsərləri gənclik albomu -5prelüd, B.Vahabzadə sözlərinə "Hisslər" romans silsiləsi, "Müqəddəs Vətən" hərbi marş Dövlət kanalının Qızıl Fonduna daxil olmuşdur.

Bu illərdə İlahə Qismət bir çox musiqi tədbirlərinin təşkilatçılığını da öz üzərinə götürərərək öhdəsindən gəlmiş və adını ictimai sektorda da təsdiqləyə bilmişdir.

22.02.2017 tarixindən etibarən aktiv gənc İlahə Qismət xalq artisti, prezident təqaüdçüsü Zümrüd Məmmədova ilə birgə "Beynəlxalq Mədəni Əlaqələr və İncəsənətin İnkişafına Yardım" İctimai Birliyini təsis etmiş, ümumi yığıncağın qərarı ilə təşkilata Sədr seçilmişdir.

Yaradıcılığı hər üç sahədə həm elmi, həm musiqi yaradıcılığı (bəstəkarlıq), həm də ictimai sahədə uğurla inkişaf etdirir. Vaxtaşırı yerli və  beynəlxalq konfranslarda tədqiqatlarla, məruzələrlə çıxış edir. 2018 oktyabr ayında dəvəti üzrə Kiprdə keçiriləcək “ECSAC-2018”  və Bodrumda keçiriləcək “IV Uluslararası Müzik ve Dans Kongresi”-ndə çıxışları gözlənilir. 

2018-ci il iyul aylarında Türkiyədə keçirilən “Caspi-art Uluslararası Sanat Yarışması”nda da laureat adına layiq görülmüşdür.T. Quliyevin 100 illik yubileyinə həsr olunan “I Estrada Mahnı Müsabiqəsində”  B. Vahabzadə sözlərinə yazılmış “Nağıl Gecəm” Tango əsəri qalib olmuşdur (2018).

Həmçinin bəstəkar kimi iri janra müraciət etmiş.“Dədə Qorqud” dastanı motivləri əsasında yazdığı eyni adlı baletini yekunlaşdırmışdır. Baletdən parçalar Azərbaycan Dövlət Filarmoniyasının Böyük Simfonik Orkestri, dirijor Mustafa Mehmandarovun ifasında dinləyicilərə təqdim edilib (01.02.2019). Xalq Çalğı Alətləri Orkestrinin ifasında, dirijor İlahə Hüseynovanın rəhbərliyi ilə Baletdən "Türk Yallısı" Azerbaycan Bəstəkarlar İttifaqının 85 illik yubiley konsertində (26.10.2019) Dövlət Filarmoniyasında səslənmişdir.

2018-ci ildə İdarə Heyətinin qərarı ilə Azərbaycan Bəstəkarlar İttifaqının üzvlüyünə qəbul edilmişdir.

Aktiv ictimai fəaliyyətlə məşğulsur. “Mədəni Əlaqələrin İnkişafına Dəstək” ib tərəfindən“İstedadlısansa Qüsursuzsan”, “Yeddi səsdən doğan sərvət- ELM və Musiqi”, “Qara Qarayev-100” adlı uğurlu layihələrə imza atmışdır. “Şanlı Tarix” Azərbaycan Dövlət Akademik Filarmoniyası ilə birgə layihə (2018).

2019-cu ildə Almaniyada keçirilən Beynəlxalq "Novus Via" Musiqi Festivalı çərçivəsində konsertlərlə çıxış etmişdir.

XI QƏBƏLƏ BEYNƏLXALQ MUSİQİ FESTİVALInda (04.08.2019) və XI Ü.Hacıbəyli Beynəlxalq Musiqi Festivalında (25.09.2019) bəstəkar və pianoçu kimi çıxış etmişdir.

Azərbaycan Sərhəd Qoşunlarının 100 illik yubileyi çərçivəsində keçirilən mahnı müsabiqəsində "İrəli Bax" musiqi əsəri ilə qalib olmuşdur.

2019-cu ilin 28 sentyabrında New Yorkda Nəsimi 650 mövzusunda keçirilən konsertdə "The World of Nasimi" kompozisiyasının premyerası baş tutmuşdur.

Azərbaycan Bəstəkarlar İttifaqının İdarə heyətinin qərarı ilə "Gənclər Şöbəsi"nə Sədr vəzifəsinə təyin edilmişdir (2019).

Hazırda Ü. Hacıbəyli adına Bakı Musiqi Akademiyasının doktorantı və əməkdaşıdır. 2014-cü ildən etibarən BMA-da çalışır.

Müəllif olduğu əsərlər[redaktə | əsas redaktə]

  • “Rəngli lövhələr”- uşaq albomu ( pyeslər – 2005-2008-ci illərdə yazılmış əsərlər daxildir. )
  • “ Qalaktika”- programlı prelüdlər məcmuəsi (2009-2011- ci illər)
  • “Müqəddəs Vətən” -Hərbi orkestr üçün Marş. (2005-ci il )
  • “Sənsizəm” adlı mahnı- söz/mus- İlahə Qismət (2006-cı il)
  • “Anxiety”- (əndişə) fortepiano üçün Sonatina (2011-ci il)
  • Bəxtiyar Vahabzadənin sözlərinə yazılmış “Hisslər” adlı silsilə romanslar (2011-2012-ci illər)
  • “Arzulara gedən yolda” qısametrajlı filminə musiqilər (2012-ci il)
  • “Yadıma sən düşəndə” xalq mahnısının simli kvartet və balaban üçün işlənməsi (2011-ci il)
  •  “Reasons”  String Quartet  N-1- Bela Bartoka həsr olunmuşdur ( 2013 –ci il)
  • “Qələbə”  Simfonik Poema- Böyük Simfonik Orkestr üçün nəzərdə tutulub (2014-cü il)
  • “Əsrin müqaviləsi” adlı himn- söz/ mus- İlahə Qismət (2014-cü il) ==
  • “Paysage” adlı IV hissəli Süita Böyük Simfonik Orkestr üçün nəzərdə tutulub (2015-cı il)
  • “Bakı Musiqi Akademiyası” kompozisiyası estrada ansanblı üçün nəzərdə tutulub (2016-cı il)
  • “İsrail ilə Azərbaycan” Dostluq himni mahnı. Söz: Nəzmiyyə Hicran (2016-ci il)
  • “Dalğalansın bayraq” Türkiyə-Azərbaycan dostluğuna həsr olunur. Söz/mus: İlahə Qismət (2016-ci il)

İstinadlar[redaktə | əsas redaktə]

Xarici keçidlər[redaktə | əsas redaktə]