İlahə Sadıqova

Vikipediya, açıq ensiklopediya
Jump to navigation Jump to search

İlahə Sadıqova - siyasətçi, Azərbaycan Ümid Partiyasının Ailə, qadın, uşaq problemləri və Gender bərabərliyi şöbəsinin müdiri[1], "Simurq" Azərbaycan Mədəniyyət Assosiyasiyasının üzvü, ADMİU-nun dissertantı, kulturoloq

Həyatı və fəaliyyəti[redaktə | əsas redaktə]

İlahə Artur qızı Sadıqova 1986-cı il 26 avqustda Bakı şəhərində anadan olub. 1993-2004-cü illərdə Hövsan qəsəbəsindəki 196 saylı orta məktəbdə təhsil alıb. Əslən Güney Azərbaycandandır
1995-ci ildə 3 saylı Uşaq İncəsənət məktəbinə daxil olub və 2000-ci ildə həmin məktəbi fortepiano ixtisası üzrə bitirib.
Orta məktəbdə təhsil aldığı müddətdə məktəbin bir sıra ictimai işlərində fəal iştirak edib, məktəb və şəhər olimpiadalarının qalibi olub.
2004-cü ildə 6 fevral tarixində Bakı şəhəri Gənclər, İdman və Turizm Baş İdarəsi tərəfindən təşkil olunmuş Breyn-Rinq intellektual oyununun Bakı şəhər birinciliyində komanda tərkibində iştirak edib və komanda 2-ci yerə layiq görülərək “Diplom”la təltif olunub.
2004-cü ildə Azərbaycan Dövlət Mədəniyyət və İncəsənət Universitetinin Kulturologiya fakültəsinə daxil olub. Universitetdə təhsil aldığı dövrdə bir sıra respublika və beynəlxalq elmi-nəzəri konfranslarda çıxış, universitetin ictimai həyatında fəal iştirak edib.
2004-cü ildə Universitetdə keçirilən elmi-nəzəri konfransda “Novruz bayramının tarixi kökləri” adlı elmi məruzə ilə çıxış edib və uğurlu məruzəyə görə “Fəxri Fərman”la təltif olunub. Həmin ildə 18 oktyabr Dövlət Müstəqilliyi günü ilə əlaqədar hazırladığı uğurlu tədbirə görə Tələbə Həmkarlar Təşkilatı tərəfindən “Fəxri Fərman”la təltif olunub.
2006-cı ildə universitetdə keçirilən bir sıra konfranslardakı çıxışlarına görə, universitetin ictimai həyatındakı fəal iştirakına görə “Fəxri Fərman”la təltif olunub.
2008-ci ildə təcrübədə olduğu müddətdə respublikada keçirilən Xalq teatrları müsabiqəsində iştirak etməyə dəvət alıb, müsabiqədə “Qatil” pyesində baş rolunun ifaçısı kimi iştirak edib. Xalq teatrı “Fəxri Fərman”la təltif olunub.
2008-ci ldə universiteti müvəffəqiyyətlə bitirdiyinə görə “Fəxri Fərman”la təltif olunub. 2008-ci ildən Azərbaycan Dövlət Mədəniyyət və İncəsənət Universitetində Elm və yaradıcılıq işləri üzrə proektorun köməkçisi, 2014-cü ildən Kulturologiya kafedrasında saat hesabı müəllim kimi fəaliyyət göstərib.
22-26 iyul 2016-cı il- “Gələcək vəd edən həqiqətlər:multikulturalizm və gənclik” layihəsinin iştirakçısı olub.
27 sentyabr 2016 - AR Gənclər və İdman Nazirliyi və AR yanında Gənclər Təşkilatları Milli Şurası tərəfindən “QHT İdarəetmə AKademiyası” proqamı çərçivəsində KARİTAS (CARİTAS – College of Social Work Olomouc) kollecinin dəstəyi ilə həyata keçirilən “Sosial siyasət və sosial tədqiqatlar” adlı seminarda iştirak edib.
Natamam təhsilli qaçqın və məcburi köçkün qızların məşğulluq imkanlarının gücləndirilməsi ilə bağlı layihənin iştirakçısı olub [2]
"Simurq" Azərbaycan Mədəniyyəti Assosiasiyasının üzvüdür (qısaca "Simurq" AMA) Siyasi fəaliyyətə 2017-ci ildən Ümid Partiyası İcra Aparatının Ailə,Qadın, Uşaq Problemləri və Gender Bərabərliyi şöbəsinin müdiri kimi başlayıb. 2018 -ci ildə Niderland Krallığının Xarici İşlər Nazirliyinin dəstəyi ilə Rasional İnkişaf uğrunda Qadınlar Cəmiyyətinin (RİQC) Azərbaycan Cumhuriyyətinin 100 illiyinə və Azərbaycanda qadınların səsvermə hüququnun 100-cü ildönümünə həsr olunan “Azərbaycan Qadınları: 100 Illik Yol” adlı proqram çərçivəsində “Gənc Qadın Siyasətçilər üçün Öyrənmə Proqramı”nın, Ali Təhsil müəssisələrinin kredit sistemi ilə tədrisin təşkilini təmin etmək məqsədilə keçiriən “Tyutor layihəsi” kurslarının, “Multikulturalizmə giriş” və “Azərbaycan multikulturalizmi” tədris proqramları üzrə təhsil kurslarının məzunudur.

Elmi fəaliyyəti[redaktə | əsas redaktə]

2008-ci ildə Demokratiyaya Milli Yardım Fondunun (National Endowment for Democracy - USA) dəstəyi ilə və fəlsəfə üzrə elmlər doktoru, profesor Niyazi Mehdinin təşkilatçılığı ilə keçirilən Vətəndaş cəmiyyəti uğrunda Qadınlar Alyansı Vətəndaş dartışmaları adlı debatın iştirakçısı olmuş və qadınlarla bağlı seksist ədalətsizliyə qarşı diskussiyada çıxış etmişdir.
2009-cu ildə Azərbaycan Dövlət Mədəniyyət və İncəsənət Universitetinin Kulturologiya fakültəsinin magistratura təhsil pilləsinə qəbul olmuşdur.
2009-cu ildə Azərbaycan Respublikası Təhsil Nazirliyinin təşkilatçılığı ilə keçirilən “Ən yaxşı tələbə elmi-tədqiqat işi” müsabiqəsində “Milli-mənəvi irsimizə təcavüz” mövzusunda elmi məruzə ilə çıxış etmiş və müsabiqənin qalibi adına layiq görülərək Diplomla təltif olunmuşdur.
2011-ci ildə Azərbaycan Respublikası Təhsil Nazirliyinin təqdimatı əsasında respublikada nəşr olunan gənc istedadların fəaliyyətini əks etdirən Ensiklopediya və ensiklopediyanın elektron versiyası hesab olunan [www.istedadlar.az] saytında haqqında məlumat öz əksini tapmışdır.
2012-ci ildə “Azərbaycan tarixi filmlərinin kulturoloji təhlili (1960-80-cı illər)” adlı magistr dissertasiyasını müdafiə edərək magistr elmi dərəcəsini almışdır.
2015-ci ildə ADMİU-nun "Kulturologiya və onun ümumi məsələləri" ixtisası üzrə fəlsəfə doktoru proqramı üzrə dissertanturasına qəbul olmuşdur.Hazırda "Müstəqil Azərbaycanda ailə-nikah münasibətlərinin sosial-kulturoloji aspektləri" adlı dissertasiya mövzudu üzərində tədqiqat işi aparır.

Aşağıdakı elmi işləri nəşr olunmuşdur:
1."Gələcəyimizə qayğı ilə" - Mədəniyyət: problemlər və perspektivlər. Aspirant və gənc tədqiqatçıların III respublika elmi konfransı. ADMİU, 2009
2."1960-1980-cı illərdə çəkilmiş Böyük Vətən müharibəsi mövzusuna həsr olunan tarixi filmlərin kulturoloji əhəmiyyəti" - Mədəniyyət: problemlər və perspektivlər. Aspirant və gənc tədqiqatçıların IV respublika elmi konfransı ADMİU, 2010
3."Azərbaycan taixi filmlərində milli xarakter" - Mədəniyyət: problemlər və perspektivlər. Aspirant və gənc tədqiqatçıların V respublika elmi konfransı. ADMİU, 2011
4."İşğal olunmuş Azərbaycan"- Gənc tədqiqayçıların ümumrespublika elmi konfransının materialları. Qafqaz Universiteti,2010
5."Mədəniyyətlərarası ünsiyyət" - Azərbaycan inkişaf etmiş cəmiyyətə doğru: reallıqlar, perspektivlər. Gənc tədqiqatçıların 2 fevral – Gənclər gününə həsr olunmuş ümumrespublika elmi-prakti konfransın materialları. Azərdaycan Universiteti,2011
6."1960-1980-cı illərdə çəkilmiş Azərbaycan tarixi filmlərində milli azadlıq hərəkatının təsvirinin kulturoloji təhlili"Humanitar elmlərin aktual problemləri. Magistrantların I Beynəlxalq elmi konfransın materialları
7."Multikulturalizm kontekstində ailə-nikah münasibətləri" - Beynəlxlaq Elmi Konfransın materialları. BSU, 3-5 may 2016
8."Estetik zövqün formalaşmasında ailənin rolu" - Doktorant və gənc tədqiqatçıların XX respublika elmi konfransı. ADNSU. Bakı, 2016
9."Ailə-nikah münasibətlərində baş verən dəyişmələr (XXI əsr Azərbaycan gerçəkliyinin materiallarında)" - “Mədəniyyət.Az” elmi, metodiki. publisistik jurnal, 2016[3]
10."Tolerantlıq kontekstində ailə-nikah münasibətlərinin sosial analizi" - “Multikulturalizm Azərbaycanın dövlət siyasəti və cəmiyyətin həyat tərzidir” mövzusunda IV Beynəlxalq Elmi Konfransın materialları. AU, 2016 [4]
11."Türklərdə ailə və qohumluq sistemi" - I Türkolojii Qurultayın 90 illiyinə həsr olunmuş “Müasir türkoloji tədqiqatlar: problem və perspektivlər” mövzusunda Gənc Türkoloqların Beynəlxlaq Elmi Konfransının materialları. AMEA, 21-22 noyabr 2016 [5]
12."Azərbaycada qarışıq nikahlar tolerantlıq kontekstində" - “Multikulturalizm konsepsiyasının sosial-fəlsəfi və mədəni əsasları” adlı respublika elmi-nəzəri konfransın materialları. ADMİU, 9 dekabr 2016
13."Türk ailəsi (Azərbaycan və Türkiyə türklərinin nümunəsində)" - Qobustan jurnalı, Bakı, 2016
14."Televiziya və televiziya seriallarının ailə mədəniyyətinin formalaşmasına təsiri" - Doktorant və gənc tədqiqatçıların XXI respublika elmi konfransı. BDU. Bakı, 2017
15."Televiziya və televiziya seriallarının ailə mədəniyyətinin formalaşmasına neqativ təsiri (Türk seriallarının kontent-analizi)" - "Sənət dünyası" beynəlxalq elmi-nəzəri toplu, Xoreoqrafiya Akademiyası, B., 2017
16."Türksoylu xalqlarda ailə və nikah sistemi" - Mədəniyyət: problemlər və perspektivlər. Aspirant və gənc tədqiqatçıların XI respublika elmi konfransı. ADMİU, 2017
17."Ailənin formalaşmasında mədəniyyətin rolu" - “Mədəniyyət.Az” elmi, metodiki. publisistik jurnal, 2017 [6]
18."Ailədə gender identifikasiyası" - "Gender problemi və müasir Azərbaycan" mövzusunda elmi-praktik konfrans. AU, 25 noyabr, Bakı 2017 [7]
19.“Ailə” və “nikah” anlayışlarına əsas konseptual yanaşmalar" - Qərb Universiteti. Elmi xəbərlər. Bakı, 2018
20."Cümhuriyyət dövründə qadın hüquqları" - Qobustan jurnalı, Bakı, 2018
21."Cümhuriyyət dövründə fəaliyyət göstərmiş uşaqları müdafiə cəmiyyətləri" - Mədəniyyət: problemlər və perspektivlər. Aspirant və gənc tədqiqatçıların XII respublika elmi konfransı. ADMİU, 2018
22."Ailə və nikah münasibətlərinin təkamülü" - Doktorant və gənc tədqiqatçıların XXII respublika elmi konfransı. APU. Bakı, 2018
23."Cümhuriyyət dövründə qaçqınlar məsələsi" - Mədəniyyət: problemlər və perspektivlər. Aspirant və gənc tədqiqatçıların XIII respublika elmi konfransı. ADMİU, 2019

Xarici istinadlar[redaktə | əsas redaktə]

İstinadlar[redaktə | əsas redaktə]

  1. Partiyasına yeni sədr müavini gəldi
  2. qaçqın və məcburi köçkün qızların məşğulluq imkanlarının gücləndirilməsi
  3. Ailə-nikah münasibətlərində baş verən dəyişmələr
  4. Azərbaycanda qarışıq nikahlar tolerantlıq kontekstində
  5. Türklərdə ailə və qohumluq sistemi
  6. Ailənin formalaşmasında mədəniyyətin rolu
  7. Ailədə gender identifikasiyası