Məzmuna keç

İlhamə Məhəmmədqızı

Keçid əlavə et
Vikipediya, azad ensiklopediya
İlhamə Məhəmmədqızı
İlhamə Məmməd qızı Məmmədova
Doğum tarixi (57 yaş)
Doğum yeri Sumqayıt, Azərbaycan SSR, SSRİ
İxtisası Jurnalistika
Təhsili Bakı Dövlət Universitetinin Jurnalistika fakültəsi
Fəaliyyəti jurnalist, yazıçı, şair-publisist
Mükafatları "Azərbaycan milli mətbuatının 150 illiyi (1875–2025)" yubiley medalı

İlhamə Məhəmmədqızı (tam adı: İlhamə Məmməd qızı Məmmədova; 11 iyun 1969, Sumqayıt, Azərbaycan SSR, SSRİ) — jurnalist, yazıçı, şair-publisist, Azərbaycan Jurnalistlər Birliyinin üzvü, Azərbaycan Yazıçılar Birliyinin üzvü

Həyatı

[redaktə | vikimətni redaktə et]

İlhamə Məhəmmədqızı 1969-cu il iyun ayının 11-də Sumqayıt şəhərində anadan olub.[1][2]

Əslən Borçalı mahalındandır. Borçalı mahalının Keşəli kəndində doğulan ulu babası Hüseyn Vəli oğlu 19-cu əsrin ikinci yarısında orada tanınmış xeyriyəçi olub. El arasında ona Katta Söyün deyirmişlər.

Sumqayıt şəhər 21 nömrəli tam orta məktəbdə oxuyub. Artıq məktəbdə oxuduğu illərdə bədii yazıları və məqalələri "Pioner", "Azərbaycan gəncləri", "Sosialist Sumqayıtı" qəzetlərində çap olunub.

Fəaliyyəti

[redaktə | vikimətni redaktə et]

Məktəbi bitirdikdən sonra ilk əmək fəaliyyətinə Sumqayıt şəhər radio verilişləri redaksiyasında diktor kimi başlamışdır.[1][2][3] Bununla yanaşı, o həmçinin fəal jurnalist fəaliyyətini davam etdirib, jurnalist ixtisası üzrə işləyir.

İlhamə Məhəmmədqızı 1990-ci ildə Bakı Dövlət Universitetinin Jurnalistika fakültəsinə qəbul olunur və 1995-ci ildə bu təhsil müəssisəsini müvəffəqiyyətlə bitirib bakalavr dərəcəsi alıb.[1][2][3][4]

Təhsilini başa vurduqdan sonra jurnalist fəaliyyətini davam etdirir, özünə məxsus olan tərzdə bu işə yaradıcılıqla yanaşır. Belə ki, onun yazıları təkcə respublika mətbuatında deyil, həmçinin Gürcüstanda, İranda və daha sonra Türkiyədə də çap olunub. Müxtəlif illərdə Azərbaycanın dövri mətbuatında uğurla çalışıb. "Sintez", "Kauçuk", "168 saat", "Hər şey sizin üçün", "Borçalı", "Qafqazpress", "Azad Azərbaycan" qəzetlərində, "Azərbaycan dünyası", "İT Magazine", "Formula uspexa" jurnallarında müvəffəqiyyətlə fəaliyyət göstərib. "İdeal Market" qəzetinin təsisçisi və Baş redaktoru, "İstedad" MMC-nin təsisçisi və Baş direktoru olur. Dünya TV-nin "Əsrin sədası" qəzetinin Baş redaktoru vəzifəsində çalışıb. Dünya TV-də yayımlanan "Həmsöhbət" verilişinin müəllifi və aparıcısı.[1][2][3][4] Sumqayıt şəhər İcra Hakimiyyətinin təsis etdiyi "Sumqayıt" qəzetinin məsul işçi, həmçinin "edebiyyatveincesenet.az" saytının Sumqayıt təmsilçisi.[1][2][3]

İlhamə Məhəmmədqızı tək jurnalist kimi deyil, həm də yazıçı, şair kimi imzası ilə tanınan, sevib-seçilən və yaradıcılıq fəaliyyətinin çox şaxəli budaqlar ilə ətrafa kölgə salan, ədəbi cameənin diqqətindən kənarda qalmayan şəxsdir. Bir sıra kitabların müəllifidir.[1][2][3][4][5][6][7] Həmin kitablarda insan taleyi, yurd sevgisi və saf məhəbbət mövzularında qələmə aldığı bütün yazılarda onun səmimi, kövrək duyğuları sezilir. Ulu Öndərin 100 illiyinə həsr olunmuş dövlət sifarişli "Dahinin xatirəsinə" adlı kitabın elmi redaktoru olub.

Təfəkkür Universitetinin filologiya fakültəsinin jurnalistika ixtisası üzrə dərs deyibdir.[1]

İlhamə Məhəmmədqızı Azərbaycan Jurnalistlər Birliyinin və Azərbaycan Yazıçılar Birliyinin üzvüdür.[1][2][5][7] Uğurlu yaradıcılığına görə Həsən bəy Zərdabi mükafatı, "Azərbaycan milli mətbuatının 150 illiyi (1875–2025)" yubiley medalı, Sumqayıt şəhər İcra Hakimiyyəti və digər qurumlar tərəfindən dəfələrlə fəxri fərman, diplom və mükafatlara layiq görülüb.[2][3][7][8][9]

Jurnalist işlədiyi müddət ərzində yüzlərlə müsahibə və reportaj hazırlamışdı. Vaxtaşırı yerli və ölkə televiziya kanallarının qonağı olur.

Təltif və Mükafatları

[redaktə | vikimətni redaktə et]

İctimai fəaliyyəti

[redaktə | vikimətni redaktə et]

Kitabları

[redaktə | vikimətni redaktə et]
  • Xatırla məni. Şirvannəşr, Bakı-1997
  • Dərdə açma qapını. Bakı-2001
  • Möcüzə işığında.
  • Söz dünyam. Bakı-2006
  • Ömrün naxışları. Sumqayıt, "Dərələyəz-M" mətbəəsi, 2011, 320 səh., D 525000-95145-09 M
  • Var olsun yaxşılar və yaxşılıqlar. Sumqayıt-2013
  • Zirvəyə doğru. Bakı-2013 // UP TO APEX. Baku-2013
  • Hikmət dünyası. Sumqayıt-2014
  • Bəs kimə deyim. Sumqayıt, "Bilik" nəşriyyatı, 2014, 144 səh., D 525000-304354-09 M
  • Bizim istedadlar.
  • Xoşbəxtəm varlığımla, yaradıcılığımla. Azəri Nəşirləri. Sumqayıt Azəri poliqrafiya, 2025, 448 səh. D 525000-10411092-09 M

İstinadlar

[redaktə | vikimətni redaktə et]
  1. 1 2 3 4 5 6 7 8 "İstedadından güc alıb, zəhmətilə ucalan (Portrtet cizgiləri)". www.sia.az — 19 iyun 2019.
  2. 1 2 3 4 5 6 7 8 "Yaradıcılıqdan son yarpaqlar". www.sia.az — 11 iyun 2019. 11 dekabr 2019 tarixində arxivləşdirilib. İstifadə tarixi: 15 fevral 2026.
  3. 1 2 3 4 5 6 "Yaradıcılığı ömrünə çıraq olan şairə". www.sia.az — 4 Oktyabr 2019. 16 noyabr 2019 tarixində arxivləşdirilib. İstifadə tarixi: 15 fevral 2026.
  4. 1 2 3 "55 illik zamanın sınaqları..." www.herbiand.az — 12-06-2024.
  5. 1 2 "Veriliş. Sumgayıt - İlhamə Məhəmmədqızı - 50". www.xalqtv.com — 14 Jul 2019.
  6. ↑ "İlhamə Məhəmmədqızı "Xoşbəxtəm varlığımla, yaradıcılığımla", deyir - Yeni nəşr". www.manevr.az — 16-04-2025.
  7. 1 2 3 "YUBİLYAR İLHAMƏ MƏHƏMMƏDQIZININ YENİ KİTABI TƏQDİM EDİLDİ". www.lim10.az — 16 İyun 2024.
  8. ↑ "Azərbaycan Jurnalistlər Birliyi". www.ajb.az — Azərbaycan Jurnalistlər Birliyi. 7 dekabr 2021 tarixində arxivləşdirilib. İstifadə tarixi: 15 fevral 2026.
  9. ↑ ""Qafqaz Media" İctimai Birliyi Sumqayıtlı jurnalisti mükafatlandırdı". www.manevr.az — 23-07-2019.
Mənbə — "https://az.wikipedia.org/w/index.php?title=İlhamə_Məhəmmədqızı&oldid=9026650"