İlhami İsgəndərov

Vikipediya, açıq ensiklopediya
Jump to navigation Jump to search
İlhami İsgəndərov
İlhami Əvəz oğlu İsgəndərov
İlhami İsgəndərov.jpg
Doğum tarixi 4 mart 1962(1962-03-04)
Doğum yeri Ərikli, Laçın
Vəfat tarixi 3 dekabr 2004 (42 yaşında)
Vəfat səbəbi qaraciyər serrozu xəstəliyi
Dəfn yeri Bərdə
Uşağı 3 övladı var
Atası Əvəz
Milliyyəti azərbaycanlı

İsgəndərov İlhami Əvəz oğlu — polis polkovnik-leytenantı, Qarabağ müharibəsi döyüşcüsü.

Həyatı[redaktə | əsas redaktə]

İlhami İsgəndərov 4 mart 1962-ci ildə Laçın rayonunun Ərikli kəndində anadan olmuşdur.

1969-cu ildə Laçın rayon Ərikli kənd orta məktəbin birinci sinfinə daxil olmuş, 1979-cu ildə həmin məktəbin 10-cu sinfini bitirmişdir.

1980-1982-ci illərdə Sovet Silahlı Qüvvələrində həqiqi hərbi xidmətdə olmuşdur.

1983-1988-ci illərdə M.F.Axundov adına Azərbaycan Pedaqoji Rus dili və Ədəbiyyatı İnstitutunda təhsil almış, "Rus dili və Ədəbiyyatı" ixtisasına yiyələnmişdir. Təhsil aldığı muddətdə əlaçı oxuduğuna, institutun işlərində fəallığı və təşkilatçılığı nəzərə alınaraq 1987-ci ildə Kommunist Partiyası sıralarına qəbul edilmişdir. Təhsil aldığı dövrdə institutun bədən tərbiyyə kafedrasında idmanın ağırlıq qaldırma növü ilə məşğul olmuşdur. Respublikadaxili ali məktəblər arası yarışın qalibi olduğu üçun 1988-ci ildə Belarusiya SSR-nin Vitebsk şəhərində SSRİ Ali Məktəblər arası Ağırlıq Qaldırma üzrə yarışın ıştrakçısı və qalibi olmuş, SSRİ idman ustası adına namizəd olmuşdur.

1988-ci ildə ali təhsilini başa vurduqdan sonra Maarif Nazirliyinin təyinatı ilə ixtisası üzrə Laçın rayon Şamkənd kənd orta məktəbinə müəllim təyin olunmuşdur. Müəllim işlədiyi dövrdə partiya fəallığına və təşkilatçılığına görə Laçın rayon S.M. Kirov adına savxozun ilk partiya təşkilatı katibi vəzifəsinə seçilmişdir.

1990-cı ilin faciəli 20 Yanvar hadisəsindən sonra Kommunist Partiyasına etiraz olaraq partiyadan imtina etmiş, 1990-1992-ci illərdə rayonun yerli mətbuat orqanı olan eyniadlı "Laçın" qəzeti redaksiyasında müxbir kimi fəaliyyət göstərmişdir. Öz məqalələrində Sovet Rusiyasının Azərbaycana qarşı yeritdiyi mənfur siyasətin mahiyyətini açıqlamaqla rayonda azadlıq hərəkatının iştrakçısına çevrilmişdir.

18 may 1992-ci il Laçın rayonunun ışğalından sonra könüllü olaraq Laçın rayon Polis şöbəsində yaradılmış Könüllü Polis Batalyonuna getmiş və erməni təcavüzünə qarşı başlayan əməliyyatda iştrak etmişdir. Laçın Könüllü Polis Batalyonunun döyüş fəaliyyəti 1993-cü ilin aprelində Laçın bir daha işğal olunduqdan sonra Füzuli rayonunda davam etdirildi. Füzuli rayonunun Balabəhmənli kəndindən başlayaraq sol tərəfi Araz çayı, sağ tərəfi Əhmədbəyli kəndi olan məsafə enində Cəbrayıl rayonunun Cocuqmərcanlı kəndi də daxil olmaqla ərazilərin erməni işğalçılarından təmizlənməsində fasiləsiz döyüşmüş, işğalçılara qarşı barışmaz mövqedə olmuşdur. 12 may 1994-cü ildə atəşkəs elan olunana qədər cəbhənin ən qaynar mövqelərində olması göstərir ki, heç vaxt şöhrət, ad uğrunda yox, öz vətəninin mənfur erməni işğalçılarından azad etmək, dövlətimizin ərazi bütövlüyünü təmin etmək istəyində olmuşdur. "Qəhrəmanlıq naminə qəhrəmanlıq göstərmək qəhrəmanlıq deyil" - ideyası altında döyüş yolu keçmiş bir döyüşçü, sözün həqiqi mənasında əsl qəhrəmandır.

1994-cü il atəşkəsdən sonra Laçın Rayon Polis Şöbəsində işini davam etdirərək ölkənin ictimai asaişini qorumaq, siyasi sabitliyini saxlamaq üçün öhtəsinə düşən vəzifə borcunu layiqincə yerinə yetirmişdir. İti zəkası, çevik polis davranışı, real münasibəti rəhbərlik tərəfindən qiymətləndirilmiş və polis podpolkovniki rütbəsinə layiq görülmüş, Rayon Polis Şöbəsinin rəis müavini vəzifəsinədək yüksəlmişdir.

Birinci Qarabağ müharibəsində şücaəti, dəyanəti və çevikliyi nəıticəsində düşmənlərin gülləsindən yayınan podpolkovnik İlhami İsgəndərov 3 dekabr 2004-cü il tarixində bütün cəhdlərə baxmayaraq qaraciyər serrozu xəstəliyindən dünyasını dəyişmışdir. Üç övladı var.

İstinadlar[redaktə | əsas redaktə]

Mənbə[redaktə | əsas redaktə]

  • "Laçın" qəzeti, 25 may 2005 -ci il.