İlqar Məmmədov (siyasətçi)

Vikipediya, açıq ensiklopediya
Keçid et: naviqasiya, axtar
İlqar Məmmədov
İlqar Eldar oğlu Məmmədov
Ilgar Mammadov.jpg
Doğum tarixi: 14 iyun 1970 (1970-06-14) (47 yaş)
Doğum yeri: Flag of the Soviet Union.svg SSRİ
Flag of the Azerbaijan Soviet Socialist Republic.svg Azərbaycan SSR, Bakı
Atası: Eldar Məmmədov
İxtisası: Politoloq
Təhsili: Mərkəzi Avropa Universiteti
Moskva Dövlət Universiteti
Fəaliyyəti: Siyasətçi
www.realpartiya.org

Vikipediyada bu ad-soyadlı digər şəxslər haqqında da məqalələr var; bax: İlqar Məmmədov.

İlqar Məmmədov — siyasətçi, 2009-cu ildən Respublikaçı Alternativ hərəkatının sədridir. 2013-cü il Azərbaycan Respublikası Prezident seçkilərində iştirak üçün Mərkəzi Seçki Komissiyasına namizəd kimi müraciət etsə də,[1] namizədliyi qeydə alınmayıb. [2]

Həyatı[redaktə | əsas redaktə]

1988-1989-cu illərdə Sovet ordusunda xidmət etdikdən sonra, Lomonosov adına Moskva Dövlət Universitetinin tarix fakültəsini və Budapeştdə Mərkəzi Avropa Universitetinin siyasi elmlər fakültəsini bitirib. 1994-2000 - Bakı Dövlət Universitetində elmi işçi vəzifəsində çalışarkən Azərbaycanda ilk dəfə parlament səsvermələrin riyazi təhlil metodikasını təklif və tətbiq edib.

1998-2003 - Azərbaycan Milli İstiqlal Partiyası sədrinin müavini kimi, neft gəlirləri üzərində ictimai nəzarətin qurulması, neft gəlirlərinin xaricdə geniş təhsil proqramı üçün istifadəsi, Azərbaycan seçkilərində səslərin paralel hesablanması və s. kimi bir sıra mühüm siyasi və iqtisadi təşəbbüslərlə ilk olaraq çıxış edib. O dövrdə, Azərbaycanda və xaricdə etdiyi çoxsaylı ictimai çıxışlarında ölkəmizin Avropa və NATO inteqrasiyası kursu ilə irəliləməsini yeganə tarixi seçim kimi göstərib. Partiyadan strateji fikir ayrılığı səbəbilə ayrılan İ.Məmmədov, Azərbaycan Avrointeqrasiya Milli İctimai Komitəsinin təsisçilərindən biri oldu və Komitənın ilk sədrliyinə seçildi.

Azərbaycanın yerləşdiyi regionunun inkişafına dair strateji vizyona sahib olduğuna görə, 2007-ci ildə İlqar Məmmədov Regional Əməkaşlıq naminə Qara Dəniz Fondunun (Black Sea Trust for Regional Cooperation) Məsləhət Şurasına seçildi. Həmçinin 2007-ci ildən etibarən Avropa Şurasının Siyasi Biliklər Proqramının Azərbaycan üzrə direktoru vəzifəsinində çalışır.

Neft gəlirlərinin idarə olunması sahəsindəki təşəbbüsləri nəzərə alınaraq, o 2007-ci ildə digər beynəlxalq təşkilat – Gəlirlərə Nəzarət İnstitutunun (Revenue Watch Institute) – Məsləhət Şurasına üzv seçildi. Hər iki şurada dünyanın tanınmış ictimai liderləri təmsil olunurlar. Bundan başqa, 2006-cı ildən etibarən İlqar Məmmədov Açıq Cəmiyyət İnstitutu - Azərbaycan (Soros Fondu), İdarə Heyətinin üzvüdür. O, Azərbaycanda ilk siyasi bloqun müəllifidir.

Həbs[redaktə | əsas redaktə]

İ.Məmmədov 2013-cü il fevralın 4-də İsmayıllı hadisələri ilə bağlı istintaqa çağırılmış və barəsində həbs-qətimkan tədbiri seçilmişdir. Daha sonra Məhkəmə Cinayət məcəlləsinin 221 və 315.2 maddələri ilə ittiham edilərək 2014-cü ilin martın 17-də 7 il azadlıqdan məhrum edilmə ilə bağlı qərar verilmişdir.

Bir sıra ölkələr və təşkilatlar bu hökmə etiraz etdi. ABŞ Dövlət Departamenti "şahid ifadələrində və məhkəmə icraatında əhəmiyyətli pozuntular olduğunu qeyd edərək, bizim müşahidələrimiz nəticələrə əsasən verdikləri sübutlara əsaslanmır və siyasi əsaslandırılmışdır". [3] Birləşmiş Krallığın Xarici İşlər İdarəsi, həmçinin, "hökmlərin siyasi motivli olduğu təəssüratını gücləndirən məhkəmə icraatının bir sıra aspektləri ilə narahatlıq keçirdiyini" ifadə edərək narahatlıqlarını ifadə edib [4]. Avropa Birliyi və Avropa Şurası Parlament Assambleyası Təbii Resurs İdarəetmə İnstitutu də hökmü qınadı. [5] [6]

22 may 2014-cü ildə Avropa İnsan Haqları Məhkəməsi "Azərbaycanda hakimiyyət orqanları Məmmədovun həbs edilməsi və hökmü ilə bağlı bir sıra əsas insan hüquqları müddəalarını pozması barəsində" qərar qəbul edmişdir. Məhkəmə Azərbaycana Məmmədova təzminat ödəməyi əmr etmişdir [7]. Avropa Şurası Nazirlər Komitəsi dəfələrlə Azərbaycan hakimiyyətini Avropa İnsan Haqları Məhkəməsinin Ilqar Məmmədovun işi üzrə qərarını icra etməyə çağırıb. Buna baxmayaraq Ilqar Məmmədov bu günə (11 aprel, 2018-ci il tarixində) kimi həbsxanada saxlanılır [8]. Beynəlxalq insan haqları təşkilatı Amnesty International İlqar Məmmədovu "vicdan məhbusu" kimi tanıyıb. [9].

Ailəsi[redaktə | əsas redaktə]

Ailəlidir, bir qızı var.

İstinadlar[redaktə | əsas redaktə]

Xarici keçidlər[redaktə | əsas redaktə]