İmamverdi Məhəmmədhəsənov

Vikipediya, azad ensiklopediya
Naviqasiyaya keçin Axtarışa keçin
İmamverdi Məhəmmədhəsənov
Doğum tarixi 25 oktyabr 1925(1925-10-25)
Doğum yeri
Vəfat tarixi 4 sentyabr 1999(1999-09-04) (73 yaşında)
Vəfat yeri
Milliyyəti azərbaycanlı
Mükafatları Sosialist Əməyi Qəhrəmanı "Lenin" ordeni "Döyüş xidmətlərinə görə" medalı "Vyananın alınmasına görə" medalı "Budapeştin alınmasına görə" medalı "Praqanın azad edilməsinə görə" medalı "1941–1945-ci illər Böyük Vətən müharibəsində Almaniya üzərində qələbəyə görə" medalı

İmamverdi Məhəmmədhəsənov (İmamverdi Kəlbi oğlu Məhəmmədhəsənov; 25 oktyabr 1925, Qızılağac – 4 sentyabr 1999, Cambul vilayəti) — kolxozçu, Sosialist Əməyi Qəhrəmanı (1948)[1].

Bioqrafiyası[redaktə | mənbəni redaktə et]

İmamverdi Məhəmmədhəsənov 25 oktyabr 1925-ci ildə Azərbaycan SSR-in Masallı rayonunun Qızılağac kəndində anadan olub. 1937-ci ildə valideynləri ilə birlikdə Qazaxıstan SSR-in Cambul vilayətinə sürgün olunub. 1943-cü ildə Cambul vilayətinin "Jana Jol" ("Yeni yol") kolxozunda çalışıb. Elə həmin il Sovet Ordusu sıralarına çağrılıb. Böyük Vətən müharibəsində iştirak edib. Demobilizasiyadan sonra kolxoza qayıdıb. 1946-cı ildə çuğundur əkin briqadasının rəhbəri təyin edilib[2].

1947-ci ildə İmamverdi Məmmədhəsənovun rəhbərliyindəki çuğundurbecərmə məntəqəsi 4 hektarlıq ərazidən 616 sentner şəkər çuğunduru toplayıb, ayrıca 2 hektarlıq ərazidən isə 813 sentner şəkər çuğunduru toplayıb. Bu şücaətinə görə 22 yaşında ikən SSRİ Ali Soveti Rəyasət Heyətinin Fərmanına əsasən 1948-ci il martın 28-də İmamverdi Məmmədhəsənov Sosialist Əməyi Qəhrəmanı adına layiq görülüb. 1949-cu ildə kolxoz sədrinin müavini təyin olunub. 1956-cı ildə kolxoz sədri hazırlığı üzrə 3 illik Almatı orta kənd təsərrüfatı məktəbini fərqlənmə ilə bitirib. Sonra yenidən kolxoza qayıdaraq aqronom işləyib. 1961-ci ildə Qırğızıstan Kənd Təsərrüfatı İnstitutunun qiyabi şöbəsini başa vurub. 1960-cı ildən təqaüdə çıxana kimi baş aqronom vəzifəsində çalışıb.

O, 4 sentyabr 1999-cu ildə Qazaxıstan Respublikasının Canbul vilayətinin Tolebi rayonunun Jana-Jol (Yeni-Yol) kəndində vəfat edib. Rayon mərkəzində onun büstü qoyulub, o cümlədən adına küçə verilib. İmamverdi Məmmədhəsənovun 11 övladı olub. Bu gün onun övladları Qazaxıstanda müxtəlif sahələrdə çalışaraq ölkənin ictimai-siyasi, sosial-mədəni həyatında və diaspor işində fəallıq göstərirlər[3].

Mükafatları[redaktə | mənbəni redaktə et]

İstinadlar[redaktə | mənbəni redaktə et]

  1. ↑ Герои Социалистического труда по полеводству Казахской ССР. Алма-ата. 1950. 412 стр.
  2. ↑ ""Vətənimiz Azərbaycanı heç vaxt yadımızdan çıxarmırıq"" (az.). daos.az. İstifadə tarixi: 2021-01-17.[ölü keçid]
  3. ↑ "БОЙЦЫ И КОМАНДИРЫ" (rus). savash-az.com. 2020-07-10 tarixində arxivləşdirilib. İstifadə tarixi: 2021-01-17.

Ədəbiyyat[redaktə | mənbəni redaktə et]

  • Герои Социалистического труда по полеводству Казахской ССР. Алма-Ата. 1950. 412 стр.
Mənbə — "https://az.wikipedia.org/w/index.php?title=İmamverdi_Məhəmmədhəsənov&oldid=6695190"