İndikator

Vikipediya, açıq ensiklopediya
(İndiqator səhifəsindən istiqamətləndirilmişdir)
Keçid et: naviqasiya, axtar

İndiqator( en. indicator ~ ru. индикатор ~ tr. gösterge) – 1. qurğunun durumu haqqında xəbərdarlıq edən siferblat və ya işıqlı göstərici. Məsələn, disk ötürücüsü (ACTUATOR) işıq indikatoruna malikdir və o, diskə müraciət zamanı yanır.

2. Bu və ya digər mühit xüsusiyyətini göstərən (təsdiq edən) bitki, heyvan, mikroorqanizm və biosenozlar. İndiqator bitkilər müəyyən ekoloji şəraitlə sıx bağlı olub onların mövcudluğu şəraitə keyfiyyətcə qiymət verən göstərici sayılır. İndiqator bitkilər ayrı-ayrı növlərlə və ya fitosenozlarla yayıla bilər. İndiqator fitosenoz halında olduqda indiqatorlar xüsusiyyətini daha dəqiq oynayır. İndiqasiya obyekti torpaq ola bilər, o, bu zaman bitki örtüyünə görə təyin olunur. Bəzi ana (dağ) süxurları, ağır metallar və digər kimyəvi elementlər də indiqasiya obyekti ola bilər. İndiqator bitkilər ətraf mühitin vəziyyətinə və onun çirklənmə dərəcəsinə nəzarət etmək üçün mühüm rol oynayır. İndiqator bitkilərdən faydalı qazıntılar axtardıqda da istifadə edilir. Geoloji və geobotaniki tədqiqatlarda aerofotoşəkillərin deşifrləşdirilməsində indiqator bitkilərin və onların qruplaşmalarının təyin edilməsi əsas metodlardan biri hesab olunur.

Ədəbiyyat[redaktə | əsas redaktə]

  • İsmayıl Calallı (Sadıqov), “İnformatika terminlərinin izahlı lüğəti”, 2017, “Bakı” nəşriyyatı, 996 s.