İndira Bayramoviç
| İndira Bayramoviç | |
|---|---|
| Doğum tarixi | 1968 (57–58 yaş) |
| Doğum yeri | |
| Fəaliyyəti | iqtisadçı, aktivist |
 Vikianbarda əlaqəli mediafayllar | |
İndira Bayramoviç (1968, Yaytse) — 20 ildən artıqdır ki, Bosniya və Herseqovinada qaraçı qadınların vəziyyətini yaxşılaşdırmaq istiqamətində fəaliyyət göstərən qaraçı fəalı və iqtisadçısı. O, Tuzla şəhərində yerləşən "Daha yaxşı gələcək" Qaraçı Qadınlar Birliyinin rəhbəridir.[1]
Bayramoviç kənd yerlərindəki qaraçı kəndlərinə yardım və dəstək göstərilməsi üçün çalışan, həmçinin qaraçıların Bosniya və Herseqovinada bərabər imkanlara sahib olması üçün vəkillik edən şəxsdir. Bayramoviç xüsusilə işsiz qaraçı qadınların, eləcə də məişət zorakılığı və istismara məruz qalanlarrın üzləşdiyi çətinliklər barədə də xeyli işlər görüb.[2]
Aktivist fəaliyyəti
[redaktə | vikimətni redaktə et]Bayramoviçin assosiasiyası qaraçı icmalarındakı azyaşlı uşaqları qida və gigiyena məhsulları, habelə məktəb ləvazimatları ilə təmin etmək istiqamətində fəaliyyət göstərir. Bundan əlavə, birlik yoxsul qadınların süd vəzi xərçəngi müayinəsindən keçməsi üçün özəl tibbi müayinələrin təşkil edilməsi istiqamətində də iş aparır.[3]
COVID-19 pandemiyası
[redaktə | vikimətni redaktə et]2020-ci ilin yayında, COVID-19 pandemiyası dövründə, Bayramoviç və onun fondu Kiselyak ətrafındakı yerli qaraçı icmalarına 700 yardım paketi təqdim etmək üçün Bosniya və Herseqovina Qaraçı Qadınlar Şəbəkəsi, Tuzla İcma Fondu və "Emmaus" Beynəlxalq Həmrəylik Forumu ilə tərəfdaşlıq edib. Bayramoviç könüllülərlə birlikdə hər 3 gündən bir, gündəlik 400 yemək paylanmasının əlaqələndirilməsinə kömək göstərib. O, həmçinin futbol meydançası və uşaqlar üçün oyun otağının tikintisi də daxil olmaqla bir neçə tikinti layihəsində də iştirak edib. Əlavə olaraq o, əvvəllər bir çox evin su altında qalmasına səbəb olan zədələnmiş kanalların yenidən qurulması işlərinə də cəlb olunub.[4]
Bayramoviç pandemiya zamanı qaraçı icmalarına yardım göstərməklə yanaşı, kənd yerlərində pandemiyanın verdiyi çatışmazlıqları da sənədləşdirib. O, qaraçı icmalarından olan şagirdlərin onlayn dərslərdə iştirak payının daha az olduğunu, məişət zorakılığının artdığını və səhiyyə sahəsində ayrı-seçkiliyin mövcudluğunu vurğulayıb. Bayramoviç xüsusilə kənd icmalarında COVID-19 testlərinin əlçatan olmamasını da qeyd edib.[5]
Siyasi fəaliyyəti
[redaktə | vikimətni redaktə et]Bayramoviç "Bosniya və Herseqovinanın Daha Yaxşı Gələcəyi naminə İttifaq" partiyasının siyahısında 9-cu nömrə altında Tuzla şəhər şurasına namizədliyini irəli sürsə də, seçilməyib. Ümumilikdə 20 qaraçı qadın seçkilərdə iştirak etsə də, onlardan heç biri şura üzvü seçilə bilməyib. Eyni zamanda, 47 qaraçı kişi də namizədliyini versə də, onlardan 6-sı şura üzvü ola bilib. Bayramoviç qadınların uğursuzluğunu onların, seçki kampaniyası aparmaq əvəzinə, daha çox icma işlərinə diqqət yetirmələri ilə əlaqələndirib. O, həmçinin səslərin bir çox yeni partiya arasında bölünməsinə diqqət çəkərək qaraçıları vahid namizəd ətrafında birləşməyə çağırıb. Bununla yanaşı, o, seçkilərdə namizəd olan qaraçıların sayının əvvəlki illərə nisbətən daha çox olmasından ruhlandığını da bildirib.[4][6]
İstinadlar
[redaktə | vikimətni redaktə et]- ↑ "Naš tim". www.bolja-buducnost.org. 16 fevral 2022 tarixində orijinalından arxivləşdirilib. İstifadə tarixi: 16 fevral 2022.
- ↑ "Indira Bajramović: "We were the first to enter Roma communities and deliver packages that we personally prepared"". UNWOMEN: Europe and Central Asia. United Nations. 16 iyul 2020. İstifadə tarixi: 8 mart 2021.
- ↑ Editorial Office. "Indira Bajramović: Romkinja koja pomjera granice" [Indira Bajramović: A Roma woman who pushes boundaries]. Azra (bosniya). 16 aprel 2019. İstifadə tarixi: 8 mart 2021.
- 1 2 "SBB Tuzla: Sadašnji vijećnici predvode listu kandidata za GV Tuzla" [SBB Tuzla: The current councilors are leading the list of candidates for GV Tuzla]. tuzlainfo.ba (bosniya). 14 sentyabr 2020. 13 mart 2021 tarixində arxivləşdirilib. İstifadə tarixi: 13 mart 2021.
- ↑ S, M. R. "Poražavajući podaci o životu Roma tokom pandemije: Plakali smo kad smo ih obišli". Radio Sarajevo. İstifadə tarixi: 16 fevral 2022.
- ↑ Redakcija. "IZBORI 2020: Romkinje nisu imale ravnopravan pristup medijima ni predstavljanju tokom kampanje" [ELECTIONS 2020: Roma women did not have equal access to the media or representation during the campaign]. Portal Udar (bosniya). Sarajevo, Bosnia and Herzegovina: Elabsarajevo. 26 noyabr 2020. 13 mart 2021 tarixində arxivləşdirilib. İstifadə tarixi: 13 mart 2021.