İnternyus Azərbaycan

Vikipediya, azad ensiklopediya
(İnternyus Azərbaycan İctimai Birliyi səhifəsindən istiqamətləndirilmişdir)
Jump to navigation Jump to search

Tarixi[redaktə | əsas redaktə]

Təşkilat kimi öz ofisini Azərbaycan Respublikasının Bakı şəhərində 1997-ci ildə açmışdır. Təşkilat özünün televiziya proqramlarını hazırlayaraq yerli televiziya stansiyalarına təmənnasız olaraq təqdim edir. Internyus eyni zamanda yerli jurnalistlərə tə'lim məqsədilə seminarlar təşkil edir, onlara hüquqi yardım edir, müstəqil kütləvi informasiya vasitələrinə müvəqqəti istifadə üçün lazımi kameralar, montaj avadanlğı və kompüterlər təklif edir. Fəaliyyətinin əvvəlində Azərbaycandakı müstəqil televiziya stansiyalarına yardım edən bu təşkilat yaxınlarda öz faliyyətini çap və radio sahələrinə də genişləndirmişdir. Yerli kütləvi informasiya vasitələri ilə əməkdaşlıq şəraitində işləyərək Internyus həm də ölkə əhalisinə obyektiv və qərəzsiz informasiya təklif edir.

Azərbaycan Respublikası Ədliyyə Nazirliyi tərəfindən 2002-ci ilin May ayında Internyus Azərbaycan İctimai Birliyi (IAIB) adı altında rəsmi şəkildə qeydiyyatdan keçmişdir. 2004-cü ilin sonuna kimi İAİB, əsasən, Amerika Birləşmiş Ştatlarının qeyri-hökumət təşkilatı olan İnternyus Şəbəkəsinin yerli partnyoru kimi çalışaraq USAİD tərəfindən maliyyələşən media layihələrin icrası ilə məşğul olurdu. 2005-ci ilin yanvar ayından etibarən İnternyus Azərbaycan müstəqil yerli təşkilat kimi müxtəlif A.B.Ş. və Avropa fondları tərəfindən maliyyələşən öz layihələrinin yaradılması və icrasını yerinə yetirir. Bu gün, İnternews Azərbaycan müstəqil yerli təşkilat olaraq Azərbaycan mediyasının inkişafına öz tövsiyəsini verməkdə davam edir.

İnternews Azərbaycan 35 işçisi olan ictimai birlikdir. Təşkilatın məqsədi Azərbaycanda fəaliyyət göstərən media nümayəndələrinin inkişafı üçün yayım, çap və radio kamunikasiya sistemləri də daxil olmaqla müxtəlif təmənnasız yardımların təklif edilməsidir. Həmçinin, fəaliyyət çərçivəsinə təhsil, mədəniyyət və elm sahələri də daxildir. İnternews-Azərbaycan kütləvi informasiya sahəsində böyük təcrübəyə malik olan yüksək səviyyəli mütəxəssislərdən ibarət komandaya malikdir.

Filmoqrafiya[redaktə | əsas redaktə]

  1. Kənar (film, 2007)

Xarici keçidlər[redaktə | əsas redaktə]