İntiqam Cəbrayılov

Vikipediya, açıq ensiklopediya
Jump to navigation Jump to search
İntiqam Cəbrayılov
İntiqam Cəbrayılov.jpg
Doğum tarixi 15 dekabr 1960 (1960-12-15) (58 yaş)
Doğum yeri Neftçala rayonu, Qırmızıkənd, Azərbaycan Azərbaycan SSR
Təhsili

İntiqam Hilal oğlu Cəbrayılov — pedaqoji elmlər doktoru.

Həyatı[redaktə | əsas redaktə]

İntiqam Hilal oğlu Cəbrayılov 15 dekabr 1960-cı ildə Neftçala rayonunun Qırmızıkənd kəndində anadan olmuşdur. 1979-1981-ci illər Novosibirsk şəhərində hərbi xidmət keçmişdir. 1986-cı ildə Azərbaycan Dövlət Pedaqoji Universitetini tarix, hüquq və ictimaiyyət ixtisası üzrə bitirmişdir. 1986-1989-cu illərdə Neftçala rayonu Xolqaraqaşlı kəndində ixtisası üzrə müəlllim işləmişdir. 1989-1992-ci illərdə Azərbaycan Respublikası Təhsil Problemləri İnstitutunda (ARTPİ) əyani aspiranturada (doktoranturada) təhsilini davam etdirmişdir. 21 iyun 1994-cü ildə "Tarixi abidələr şagirdlərdə milli mənlik şüuru formalaşdırmağın vasitəsi kimi" mövzusunda fəlsəfə doktorluğu dissertasiyası müdafiə etmiş, fəlsəfə doktoru elmi dərəcəsini almışdır. 1992-ci ildən ARTPİ-də kiçik elmi işçi, böyük elmi işçi, aparıcı elmi işçi, şöbə müdirinin müavini, hazırda baş elmi işçi və 2011-ci ildən Təhsilin konseptual problemləri şöbəsinin müdiridir. 2007-ci il sentyabrın 25-də "Pedaqoji təmayüllü ali məktəblərdə Azərbaycan tarixi tədrisinin nəzəri və praktik problemləri" mövzusunda dissertasiya müdafiə edərək tarixin tədrisi metodikası ixtisası üzrə elmlər doktoru dərəcəsini almışdır. Bakı Qızlar Universitetində 1992-ci ildən pedaqoji fəaliyyət göstərir. 1996-cı ildən həmin universitetin Tarix kafedrasının müdiridir, universitetin professorudur.

Ailəlidir, iki oğul atasıdır.

Bədii əsərləri[redaktə | əsas redaktə]

  1. Anama məktub (şeirlər və hekayələr). Bakı: Mütərcim, 2008, 124 səh.

Tərtibçisi olduğu kitab[redaktə | əsas redaktə]

  1. Hilal Cəbrayılov. Xoşbəxtliyin açarı. Bakı: Mütərcim, 2007, 92 səh.

Monoqrafiyalar[redaktə | əsas redaktə]

  1. Azərbaycan tarixinin tədrisi metodikası, Bakı: Mütərcim, 2006, 236 səh.
  2. Ali məktəblərdə Azərbaycan tarixinin tədrisi: nəzəriyyə və təcrübə məsələləri, Bakı: Mütərcim, 2008, 264 səh.

Dərs vəsaitləri[redaktə | əsas redaktə]

  1. Azərbaycan tarixi (ali məktəblər üçün mühazirə mətnləri). Bakı: Mütərcim, 2009, 416 səh.
  2. Azərbaycan tarixi (abituriyentlər üçün dərs vəsaiti). Bakı: Mütərcim, 2010, 368 səh. (T.M. Məmmədovla birgə)

Filmoqrafiya[redaktə | əsas redaktə]

  1. Canavar balası (film, 1997)

Mənbə[redaktə | əsas redaktə]

  • "Zəhmətkeş müəllim və fədakar alim" - Malik Rəcəb, Təhsil Problemləri qəzeti. 8-16 dekabr 2010
  • "Şərəfli müəllim və alim ömrü" – Gülnarə Xəlilova, "Təhsil və zaman" qəzeti, 15 dekabr 2010

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı