İqbal Babayev

Vikipediya, azad ensiklopediya
Jump to navigation Jump to search
İqbal Babayev
İqbal Alıcan oğlu Babayev
Igbal Babayev.png
Doğum tarixi 7 avqust 1964 (1964-08-07) (55 yaş)
Doğum yeri SSRİ SSRİ, Azərbaycan Azərbaycan SSR
Vətəndaşlığı SSRİ SSRİ, Azərbaycan Azərbaycan SSR -> Azərbaycan Azərbaycan
Milliyyəti Azərbaycanlı
Atası Alıcan Babayev
Elm sahəsi Layihələrin İdarə Olunması. AzPMA
Elmi dərəcəsi Texnika elmləri doktoru (Ukrayna, Azərbaycan), Professor (Ukrayna, Azərbaycan)
Təhsili Kiyev İnşaat və Memarlıq Milli Universitetinin (KİMMU) “Avtomatlaşdırma və İnformasiya texnologiyaları” fakültəsi

İqbal Babayev (tam adı: İqbal Alıcan oğlu Babayev; 7 avqust 1964, Yardımlı, Azərbaycan SSR, SSRİ) —— Texnika elmləri doktoru (Ukrayna, Azərbaycan), Professor (Ukrayna, Azərbaycan), Azərbaycan Respublikası Dövlət Gömrük Komitəsi sədrinin müavini[1]. Gömrük xidməti general-mayoru. Layihələrin İdarə Edilməsi Azərbaycan Assosiasiyasının Prezidenti.

Həyatı[redaktə | əsas redaktə]

İqbal Alıcan oğlu Babayev 1964-cü ildə Yardımlı rayonunda anadan olmuşdur.

1981-1986-ci illərdə Kiyev İnşaat və Memarlıq Milli Universitetinin (KİMMU) “İnformasiya texnologiyaları” fakültəsində təhsil almışdır. 1986-1987-ci ildə KİMMU-nun "İstehsal prosesslərinin avtomatlaşdırılması" kafedrasında müəllim işləmişdir. 1987-1991-ci illərdə Dövlət İmtahan Attestasiya Komissiyasının qərarına əsasən KİMMU-da aspiranturaya daxil olmuş və eyni zamanda pedoqoji fəaliyyətini davam etdirmişdir.

Elmi işlərinin nəticələrinin tətbiqinə və səmərəliyinə görə 1989-cu ildə Kiyevdə “İlin ən yaxşı ixtiraçısı” adına layiq görülmüşdür. Unversitetin ictimai həyatında fəal iştirak etmiş, orta məktəblərdə İnformatika fənninin tədris metodikasını yaratmış və Kiyev şəhərinin rəhbərliyi tərəfindən məktəblərdə informatika fənninin tədrisinə görə “Ən yaxşı müəllimlik fəaliyyətinə” görə diploma layiq görülmüşdür. 1986-1991 illərdə Kiyev şəhərində kompüter sistemləri və informatikanın öyrənilməsi üzrə "POİSK" şirkəti təsis etmiş və həmin şirkətin bazasında Kiyev şəhəri üzrə gənclər mərkəzinə rəhbərlik etmişdir.

1990-cı ildə Kiyevdə 05.13.07 - "Texnoloji Proseslərin Avtomatlaşdırılmış İdarəetmə Sisitemi" ixtisası üzrə namizədlik dissertasiyasını müdafiə etmiş və texnika elmləri namizədi elmi dərəcəsi almışdır. Elmi işi mürəkkəb texnoloji proseslərin modelləşdirilməsi, idarəedilməsi və mürəkkəb layihələrin və proseslərin idarəetmə alqoritminin obyekt-yönümlü üsullarla yazılışı ilə bağlı idi. Elmi işin nəticələri Ukraynanın Kiyev və Çerkassı şəhərlərində tətbiq edilmişdir. Həmin ildən başlayaraq KİMMU-də “Layihələrin genetik modeli əsasında təşkilatların inkişaf proqramının idarə edilməsində innovasiya texnologiyaları” mövzusu üzrə doktorluq dissertasiyası üzərində işləmişdir. 2006-cı ildə KİMMU-də doktorluq dissertasiyasını müdafiə edərək texnika elmləri doktoru (Ukrayna), 2009-cu ildə ilsə Azərbaycan Milli Aviasiya Akademiyasında yenidən attestasiya məqsədilə həmin doktorluq dissertasiyasını müdafiə edərək texnika elmləri doktoru (Azərbaycan) elmi dərəcəsi adlarını almışdır. Dünyada tanınmış “Layihələrin genetik modeli” elmi istiqamətinin müəllifidir. 2012-ci ildə Ukraynada Kiyev İnşaat və Memarlıq Milli Universitetinin elmi şurasının qərarı ilə “Fəxri professor” adı verilmiş və hal hazırda həmin universitetin Layihə Menecmenti kafedrasında saat hesabı mühazirələr oxuyur və diplomlara rəhbərlik edir. Azərbaycan Respublikasının Ali Attestasiya Komissiyasının qərarı ilə Professor elmi adı verilmişdir. 2014-cü ildən Azərbaycan Texniki Universitetinin professorudur. 1991-2000-ci illərdədə Azərbaycan İnşaat və Memarlıq Universitetində Texnoloji proseslərin avtomatlaşdırılması və hesablama texnikası kafedrasında assistent, baş müəllim və dosent vəzifələrində işləmişdir. 1999-cu ildə dosent elmi rütbəsi almışdır. 1992-2000 illərdə Tələbə Qəbulu üzrə Dövlət Komissiyasında Kompüter əməliyyatları idarəsində şöbə müdiri vəzifəsində işləmişdir.

2000-2008 illərdə Mərkəzi Seçki Komissiyası nəzdində “Seçkilər” İnformasiya Mərkəzinin direktoru vəzifəsində işləmişdir. 2000-ci ildə “Seçkilər-Dövlət Avtomatlaşdırılmış İnformasiya Sistemi” layihəsini tətbiq etmişdir (Heydər Əliyev. Müstəqilliyimiz əbədidir. Otuzuncu kitab. Səh.353-363). Seçki texnologiyaları üzrə bir ixtiranın müəllifi, 2002-ci ildən Avropa Şurasında (Strastburq şəhəri) fəaliyyət göstərən “e-Election и e-Voting seçki texnologiyalarının hüquqi və texniki standartları” üzrə işçi qrupunun üzvü və eksperti olmuşdur. “Seçkilər - informasiya texnologiyaları güzgüsüundə” kitabının müəllifidir.

1999-cu ildə layihələrin idarə ediməsi üzrə ictimai təşkilatı təsis edərək "Layihələrin İdarə Ediməsi Azərbaycan Assosiasiyanın -AzPMA" Prezidenti seçilmişdir. AzPMA 2002-ci ildən etibarən 68 ölkəni özündə birləşdirən və İşveçrənin Sürix şəhərində qeydə alınan "Layihələrin İdarə Ediməsi Beynəlxalq Assosiasiyasının-İPMA" üzvüdür və Milli Assosiasiya statusunda İPMA-nı Azərbaycanda təmsil edir. “Project Management” üzrə beynəlxalq sertifikatlaşdırma şurasının Azərbaycan nümayəndəliyinin rəhbəridir və eyni zamanda beynəlxalq assosiasiyanın direktorlar şurasının üzv seçilmişdir. Azərbaycanda “Project Management” üzrə tədris mərkəzi yaratmış və 2000-dən çox gənc bu mərkəzdə təhsil almış, onlardan 270-ə yaxını mütəxəssis “Project Management” üzrə beynəlxalq dərəcəli sertifikat almışdırlar. Layihələrin idarə edilməsi (Project Management) üzrə ali məktəblərdə tədris proqramlarının müəllifidir. Bu proqram əsasında Azərbaycan Respublikasının Prezidenti yanında Dövlət İdarəçilik Akademiyasında, Dövlət Neft Akademiyasında, Azərbaycan Texniki Universitetində və Ukraynada bir neçə Universitetlərdə tələbələrə mühazirələr oxunur. Layihə Menecmenti üzrə Beynəlxalq dərəcəli 1-ci Assessor (Beynəlxalq aləmdə Project Management üzrə bilikləri qiymətləndirməyə hüququ olan şəxs) statusuna malikdir. İPMA Project Management “Level A” (Layihə Direktoru) beynəlxalq sertifikatını almışdır.

Hal hazırda Ukrayna və Azərbaycan Universitetlərində Layihə İdarəçiliyi və İnformasiya Texnologiyaları üzrə mühazirələr oxuyur, magistr və aspirantlara elmi rəhbərlik edir və bir çox dövlət əhəmiyyətli layihələrə rəhbərlik etmişdir. Ukraynanın KİMMU nəzdində dissertasiya müdafiələri üzrə elmi şuranın üzvüdür.

2014-cü ildən Azərbaycan Texniki Universitetində "Layihələrin İdarə olunması və İnnovasiyalar Mərkəzi" yaratmış və həmin mərkəzə rəhbərlik edir. «Управление Проектами и Программами» (Rusiya, Moskva), «Управление Проектами и развитие производства» (Ukrayna, Kiyev) və «Управление Проектами и программами» (Ukrayna, Odessa) beynəlxalq jurnalların redaksiya heyətinin üzvüdür və «Information Technology Magazine» (Azerbaycan) və “Формула успеха” (Azərbaycan) jurnallarınin elmi məsləhətçisidir. 100-dən çox elmi-metodiki işin və Azərbaycanda ilk dəfə olaraq ibtidai sinif şagirdləri üçün “İnformatika” fənninin tədris metodikasını hazırlamış və məktəblilər üçün 8 azərbaycan və 8 rus dillərində İNFORMATİKA dərsliklərin, tələbələr üçün isə 3 dərsliyin və 6 monoqrafiyanın müəllifidir. Ümumi redaktəsi altında Amerikanın PMI İnstitutuna məxsus olan PMBOK (Project Management Body of Knowledge) kitabının Azərbaycan nəşrinin elmi redaktorudur. 6 elmi əsərinə müəllif hüququ verilmişdir.

60-dan çox ölkədə beyn'lxalq konfranslarda elmi məruzələri ilə çıxış etmişdir.

2004-cü ildə “Azərbaycanın tanınmış alimi” (“Famous scientists of Azerbaijan”) beynəlxalq diploma layiq görülmüş, 2005-ci ildə «Азербайджан е-Content 2005» müsabiqəsini «е-Learning» layihəsinin qalibi olmuş, 2007-cı ildə Rusiya Elmlər Akademiyasının “İlin ən yaxşı elmi işi” diplomuna layiq görülmüş, 2010-cu ildə “İnformasiya texnologiyaların inkişafının zənginləşdirilməsi üzrə” Milli İnternet Mükafatının qalibi elan olunmuş, 2011-ci ildə Azərbaycan Kütləvi İnformasiya Vasitələri İşçiləri Həmkarlar İttifaqının “Xalqın nüfuzlu ziyalısı” mediya mükafatına layiq görülmüşdür. Azərbaycan Respublikasının Prezidentinin 25.01.2011-cü il tarixli Sərəncamı ilə “Dövlət qulluğunda fərqlənməyə görə medalı ilə və Azərbaycan Respublikasının Prezidentinin 3.02.2014-cü il tarixli Sərəncamı ilə “Vətənə xidmətə görə” (3-cü dərəcəli) Ordenlə və 27.01.2017-ci il tarixli Sərəncamı ilə “Vətənə xidmətə görə” (2-ci dərəcəli) Ordenlə təltif edilmişdir.

Hal hazırda Azərbaycan Respublikası Dövlət Gömrük Komitəsində Fəaliyyətin Qiymətləndirilməsi və İnkişaf Proqramları Baş İdarəsinin rəisi vəzifəsində işləyir. 2012-ci ildə Azərbaycan Respublikası Prezidentinin sərəncamı ilə “Gömrük xidməti general mayoru” xüsusi hərbi rütbəsi verilmişdir.

BMT-nin Asiya və Sakit Okean Regionunda Kağızsız Ticarət üzrə Ekspertlər Qrupunun üzvüdür. MDB ölkələri gömrük xidmətlərinin rəhbərləri şurasının İnformasiya Texnologiyaları üzrə işçi qrupunun rəhbəridir.

Evlidir, iki övladı var.

Monoqrafiyaları[redaktə | əsas redaktə]

  1. Layihələrin genetik modeli əsasında təşkilatların inkişaf proqramının idarə edilməsi – Kiyev ş.-170 səhifə.
  2. Layihələrin idarə edilməsinin metodologiyası – Bakı ş.- 300 səhifə.
  3. Layihələrin idarə edilməsi – Bakı ş. – 120 səhifə.
  4. Layihələrin idarə edilməsi üzrə peşəkar biliklərin əsasları – Bakı ş. – 110 səhifə.
  5. Layihələrin və proqramların idarə edilməsində kreativ texnologiyalar (həmmüəllif) – Киев ş. – 768 s.
  6. Layihə menecerinin yol xəritəsi - Bakı ş. - 192 s.

Vikianbarda İqbal Babayev ilə əlaqəli mediafayllar var.

Rəsmi internet saytı[redaktə | əsas redaktə]

Xarici keçidlər[redaktə | əsas redaktə]

İstinadlar[redaktə | əsas redaktə]