İqbal Məmmədov

İqbal Məmmədov
İqbal Məmmədov
Şəxsi məlumatlar
Doğum adı	Məmmədov İqbal Nəriman oğlu
Doğum tarixi	6 yanvar 1965 (61 yaş)
Doğum yeri	Rəzgov, Lerik rayonu, Azərbaycan SSR, SSRİ;
Partiya	Yeni Azərbaycan Partiyası;
Təhsili	Azərbaycan Dövlət İqtisad Universiteti;
Fəaliyyəti	siyasətçi
Təltifləri

Məmmədov İqbal Nəriman oğlu (6 yanvar 1965, Rəzgov, Lerik rayonu) — Milli Məclisin deputatı.

Həyatı

Məmmədov İqbal Nəriman oğlu 1965-ci ildə Lerik rayonunun Rəzgov kəndində ziyalı ailəsində anadan olub. 1982-ci ildə Azərbaycan Respublikası Xalq Təsərrüfatı İnstitutunun Mühasibat Uçotu və təsərrüfat fəaliyyətinin təhlili fakültəsinə qəbul olub və 1988-ci ildə təhsilini başa vurub. Elə həmin ildə Azərbaycan neft sənayesində gənc mütəxəssis kimi əmək fəaliyyətinə başlayıb. Onun əmək fəaliyyəti Neft Daşları, Nəriman Nərimanov və Qum adası neft-qaz çıxarma idarələrində operatorluqdan rəis müavini kimi yüksək bir pilləni əhatə edir. 1996-cı ildə "Kaspi-Yıldız" Azərbaycan-Türkiyə müştərək istehsal müəssisənin İdarə Heyətinin sədri seçilən İqbal Məmmədov az sonra baş direktor vəzifəsinə irəli çəkilib.

Asif Məmmədovun qardaşıdır.^[1]

Siyasi fəaliyyəti

2010-cu ilin noyabrında IV çağırış Milli Məclisə keçirilən seçkilərdə 78 saylı Lerik seçki dairəsindən millət vəkili seçilib. 2015-ci il Azərbaycan Respublikası Milli Məclis(V çağırış) seçkilərində Yeni Azərbaycan Partiyasından namizədliyi irəli sürərək, 78 saylı Lerik seçki dairəsindən millət vəkili olaraq seçilmişdir.2020-ci ildə Azərbaycan Respublikası Milli Məclis(VIçağırış) seçkilərində Yeni Azərbaycan Partiyasından namizədliyi irəli sürərək, 78 saylı Lerik seçki dairəsindən yenidən millət vəkili seçilmişdir.

Təltifləri

Sahibkarlıq fəaliyyəti ilə Azərbaycan iqtisadi sahəsinə verdiyi töhfələrə görə Azərbaycan Respublikasının Prezidenti İlham Əliyevin Sərəncamı ilə 11 fevral 2005-ci il tarixində "Tərəqqi" medalı ilə təltif edilib.
Müstəqil Dövlətlər Birliyinin Parlamentlərarası Assambleyasının Sədri V.İ.Matvienkonun sərəncamı ilə 27.03.2017-ci il tarixində “МПА СНГ 25 ЛЕТ” medalı ilə təltif edilib.
Azərbaycan Respublikası Milli Məclisinin Sədrinin sərəncamı ilə 24 dekabr 2018-ci il tarixində “Parlament” medalı ilə təltif edilib.
Azərbaycan Respublikasının Prezidenti tərəfindən "Azərbaycan Xalq Cümhuriyyətinin 100 illiyi" yubiley medalı ilə təltif edilib.
Azərbaycan Respublikasının Prezidenti tərəfindən "Heydər Əliyevin 100 illiyi (1923–2023)" yubiley medalı ilə təltif edilib.

İstinadlar

↑ "Azərbaycandakı vəzifəli şəxslərin vəzifəli qohumları - SİYAHI". 1 aprel 2023 tarixində arxivləşdirilib. İstifadə tarixi: 1 aprel 2023.

[1] "Azərbaycandakı vəzifəli şəxslərin vəzifəli qohumları - SİYAHI". 1 aprel 2023 tarixində arxivləşdirilib. İstifadə tarixi: 1 aprel 2023.

[1]