İqor Aşurbəyli

Vikipediya, azad ensiklopediya
Jump to navigation Jump to search
İqor Aşurbəyli
İqor Rauf oğlu Aşurbəyli
Igor Raufovich Ashurbeily.png
Doğum tarixi (57 yaş)
Doğum yeri SSRİ, Azərbaycan SSR, Bakı
Vətəndaşlığı
Təhsili
Fəaliyyəti təşkilati təsisçisi[d], mühəndis, biznesmen[d]
Saytı ashurbeyli.ru

İqor Aşurbəyli (tam adı: İqor Rauf oğlu Aşurbəyli; d. 9 sentyabr 1963, Bakı, Azərbaycan SSR, SSRİ) — Rusiya Hava Hücumundan Müdafiə Sistemləri Konserninin İdarədənkənar Ekspert Şurasının həmsədri[1]; "Almaz-Antey"” konstruktor bürosunun sabiq rəhbəri[2] (2001-2011). Texnika elmləri doktoru. Socium Holdinq İdarə Heyətinin prezidenti. Asgardia Kosmos Millətinin qurucusudur.

Həyatı[redaktə | əsas redaktə]

Əslən azərbaycanlı olan İqor Aşurbəyli 1963-cü ilin sentyabrın 9-da Bakıda doğulub.[3]

Təhsili[redaktə | əsas redaktə]

1980-ci ildə bir sıra fənlərin ingilis dilində tədris olunduğu 27 nömrəli xüsusi orta məktəbi qızıl medalla bitirib. O, 1985-ci ilə Azərbaycan Sənaye İnsitutunu bitirib.[4] Azərbaycanlı alim Rafiq Əliyevin aspirantı olub.[5] Aşurbəyli Rafiq Əliyevin rəhbərliyi altında 30 may 1992-ci ildə Azərbaycan Sənaye İnsitutunda öz namizədlik işini müdafiə edib.[5] Elmi işinin mövzusu isə "D-Mərkəzləşdirilmiş sistemlərin qurulma prinsipləri"dir.[5]

Fəaliyyəti[redaktə | əsas redaktə]

2011-ci ilədək İqor Aşurbəyli on il "Almaz-Antey" baş konstruktor bürosu sisteminə rəhbərlik edib.[1] Onun direktoru olduğu "Almaz" korporasiyası müasir Rusiyanın havadan müdafiə sisteminin qalxanı sayılan S-300S-400 raketlərinin istehsalı ilə məşhurlaşıb.

Təltif və mükafatları[redaktə | əsas redaktə]

İ.Aşurbəyli Rus pravoslav kilsəsinin 2-ci və 3-cü dərəcəli “Moskva knyazı müqəddəs Daniil” (2000, 2002, 2008), “Şərəf” (2007) ordenləri, “Georgi Jukov” (1995), “1941-1945-ci illər Böyük Vətən müharibəsində Qələbənin 50 illiyi” (1995), “Rusiya Donanmasının 300 illiyi” (1996), “Moskvanın 850 illiyi” (1997) xatirə medalları ilə təltif olunub. Akademik V.Utkin adına qızıl medalın (2005), “SSRİ EA-nın akademiki A.A.Raspletin” gümüş medalının (2008) sahibidir. İki dəfə “İlin meneceri” Moskva müsabiqəsinin (2000, 2009), “Müəssisə Sahibi - Alim il” nominasiyasında “Rusiya Milli Olimpi” mükafatının (2003), “Rusiya iqtisadiyyatının lideri” milli mükafatının (2004), akademik A.Proxorov adına mükafatın (2008), “İlin adamı” milli mükafatının (2009) və s. laureatıdır.

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 RF məşhur S-300 komplekslərinin istehsalını dayandırıb Arxivləşdirilib 2016-03-15 at the Wayback Machine. trend.az, 15.08.2011  (azərb.)
  2. Moskvanın müdafiə sistemi yeniləşdirilir. bbc.co.uk, 15.08.2011  (azərb.)
  3. Bağıyeva, Mətanət (2016). Xaricdə yaşayan azərbaycanlılar. Qısa bioqrafik məlumat kitabçası (PDF) (azərb.). Bakı: "Papirus NP". ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.
  4. Məşhur azərbaycanlı Rusiya mətbuatına müsahibə verib. anspress.com, 10.09.2013  (azərb.)
  5. 1 2 3 İqor Aşurbəyli - S-300 raketlərinin istehsalçısı Rafiq Əliyevin yetirməsidir. modern.az, 22.10.2013  (azərb.)

Xarici keçidlər[redaktə | əsas redaktə]