İqtisadçı İntellektual Klubu

Vikipediya, açıq ensiklopediya
Keçid et: naviqasiya, axtar
İqtisadçı İntellektual Klubunun loqosu (Loqonun müəllifi klubun üzvü olan Anar Qasımovdur)

İqtisadçı İntellektual Klubu 2006-cı ildən etibarən fəaliyyət göstərən azərbaycandilli intellektual klubdur. Klubda Nə? Harada? Nə Zaman?, Fərdi Oyun, Breyn Rinq və s intellektual yarışlar keçirilir. Klubu təmsil edən komandalar çoxsaylı ölkədaxili turnirlərin qalibləri və medalçılarıdırlar.

Klubun məqsəd və vəzifələri[redaktə | əsas redaktə]

“İQTİSADÇI” İntellektual Klubu (İİK) ümumi maraqlar və könüllülük prinsipləri əsasında Klubun üzvləri arasında əlaqə yaratmaq, onların intellektual fəaliyyətini təmin etmək məqsədi ilə yaradılmışdır. Klubun əsas məqsədi Klubun üzvlərinin asudə vaxtını səmərəli təşkil etmək, onların intellektual potensialını üzə çıxarmaq, respublikanın intellektual həyatında onların fəal iştirakını təmin etməkdir. Klubun əsas vəzifələri üzvlərinin asudə vaxtını səmərəli təşkil etmək, klubun üzvlərinin iştirakı ilə intellektual oyunlar təşkil etmək, cavan nəslin elm və təhsilə marağını artırmaq, klubun üzvləri arasında bütün intellektual oyun növlərini təbliğ və inkişaf etdirmək, klub üzvlərini klublararası (universitetlərarası), respublikadaxili və beynəlxalq yarışlara hazırlamaq, Respublikanın daxilində və hüdudlarından kənarda keçirilən intellektual yarışlarda istedadlı Klub üzvlərinin iştirakının təmin edilməsidir.

Klubun tarixi[redaktə | əsas redaktə]

İqtisadçı İntellektual Klubu 2006-cı ilin 21 oktyabrından Azərbaycan Dövlət İqtisad Universitetində fəaliyyət göstərir. Klub ADİU-un tələbələri Niyazov Elçin və İsmayılov Emilin təşəbbüsü ilə, Tələbə Həmkarlar İttifaqı Komitəsinin dəstəyi ilə fəaliyyətə başlayıb. İİK-ın fəaliyyəti yalnız ADİU tələbələrini deyil, həmçinin digər universitetlərdə təhsil alan şəxsləri, məzunları və məktəbliləri əhatə edir. Hər il Klub tərəfindən "İstiqlal Kuboku" keçirilir.

Klubda Dövrə Çempionu olmuş komandaların siyahısı[redaktə | əsas redaktə]

Dövrə Çempion komanda
1 BİM United
2 BİM United
3 Apokalipsis
4 Apokalipsis
5 Double T.E.
6 Hen Guru
7 Hen Guru
8 Vendetta
9 Vendetta
10 Vendetta
11 Avanqard
12 Gənclik
13 Evrika
14 Vendetta
15 Vendetta
16 Vendetta
17 Vendetta
18 Vendetta
19 Ekvilibrium
20 İstiqlaliyyət 6
21 İstiqlaliyyət 6
22 Vendetta
23 Vendetta
24 Vendetta
25 Diplomat
26 Vendetta
27 İstiqlaliyyət 6
28 Vendetta
29 Vendetta
30 Vendetta
31 HİT
32 Vendetta
33 Vendetta
34 İstiqlaliyyət 6

Klubun fəaliyyəti və strukturu[redaktə | əsas redaktə]

İqtisadçı İntellektual Klubunda "Nə? Harada? Nə Zaman?" oyunu üzrə hər mövsüm adətən 4 dövrədən ibarət olur. Mövsümün ilk 2 dövrəsi adətən Oktyabr-Dekabr aylarında, son iki dövrəsi isə Mart-May aylarında keçirilir. Bir dövrə, hər biri 24 sualdan ibarət olan 5 turdan ibarətdir. Bu sualların yazılması və oyunun keçirilməsi hər tur, Klubun I Liqasında çıxış edən 2 komandaya tapşırılır. I Liqada çıxış edən komandalar hər dövrə çempionluq uğrunda mübarizə aparırlar. Dövrə başa çatdıqdan sonra, I liqada son 2 yeri tutmuş komanda II Liqaya düşür, onların əvəzinə isə 2 komanda II Liqadan qalxaraq yeni dövrədə çempionluq yarışına qoşulurlar. II Liqada iştirak edən komandaların sayına məhdudiyyət qoyulmur. Klubda həmçinin "Fərdi Oyun" və "Breyn Rinq" yarışları üzrə də turnirlər keçirilir.

Həmçinin bax[redaktə | əsas redaktə]

Xarici keçidlər[redaktə | əsas redaktə]