Bu bir seçilmiş məqalədir. Daha çox məlumat üçün klikləyin.

İqtisadçı Bakı

Vikipediya, azad ensiklopediya
Jump to navigation Jump to search
Azərbaycan İqtisadçı Bakı Voleybol Klubu
Şəhər Baku seal.PNG Bakı
Rəngləri açıq göy-[1]
    -    
Ləqəbi "İqtisadçılar"
"Tələbələr"
Yaranma tarixi 2005
Meydança Azərbaycan Voleybol Mərkəzi (əsas)
Sərhədçi İdman Olimpiya Mərkəzi (yardımçı arena)
Tutumu 2.000
3.250
Prezidenti Azərbaycan Şəmsəddin Hacıyev
Baş məşqçisi Türkiyə Bülənt Karslıoğlu
Liqa Azərbaycan Superliqası
Son sezon 2013-2014
Sıra 3
Rəsmi vebsaytı igtisadchibaku.az
Forma Forma Forma
Forma
Forma
 
Ev
Forma Forma Forma
Forma
Forma
 
Səfər


"İqtisadçı" Qadın Voleybol KlubuAzərbaycanın paytaxtı Bakı şəhərini təmsil edən, 2014-cü ilin oktyabrna qədər fəaliyyət göstərmiş voleybol klubu.[2][3] Azərbaycanın universitetlərindən olan Azərbaycan Dövlət İqtisad Universitetinin rəsmi komandasıdır.[4] Azərbaycan voleybolunun "Rabitə", "Azərreyl", "Lokomotiv", "Azəryol"la yanaşı ən güclü 5 komandasından biri hesab olunur. Komanda hal-hazırda ev oyunlarını 2000 izləyici tutumuna malik Azərbaycan Voleybol Mərkəzində oynayır.[5] (Azərbaycanda heç bir voleybol klubunun öz meydançası olmadığından Superliqanın əksər komandaları oyunlarını bu arenada oynayır[6]). 2014-cü ilin mart ayından etibarən Kristal Zalında da oyunlarını keçirir[7].

Tarixi[redaktə | əsas redaktə]

Universitet klubu olduğu illər[redaktə | əsas redaktə]

"İqtisadçı" komandası 2005-ci ildə qeyri-pəşəkar voleybol klubu kimi fəaliyyətə başlamışdı. Belə ki, həmin il Azərbaycan Dövlət İqtisad Universitetinin rektoru Şəmsəddin Hacıyev qadınlardan ibarət peşəkar voleybol komandasının yaradılması üçün xüsusi göstəriş verərək hal-hazırda böyük bir klub olan İqtisadçı voleybol klubunun əsasını qoydu. Komanda ilk vaxtlar universitetlər arasında keçirilən Respublika oyunlarında iştirak edirdi. Elə həmin il, yəni 2005-ci ildə universitetlər arasında qadınlar üzrə keçirilən çempionatda “İqtisadçı” voleybol komandası üçüncü yerə sahibləndi. Universitet komandasının uğurlarının davamlı olması onun peşəkar kluba çevrilməsi üçün də gözəl zəmin yaratdı[8].

Peşəkar voleybol komandası kimi[redaktə | əsas redaktə]

Azərbaycan Superliqasında "Rabitə" – "İqtisadçı" oyunu. Bakı, 26.04.2009

"İqtisadçı" klubunun lisenziyası 2008-ci ilin yayında peşəkar voleybol komandası kimi rəsmən təsdiq edilmişdi. Ancaq bu peşəkar komandanın peşəkar səviyyədəki ilk çıxışı 2006-2007 mövsümünə təsadüf edir. Bu mövsümdə iqtisadçılar Azərbaycan voleybolunda ikinci səviyyəli liqa sayılan (hal-hazırda mövcud olmayan) Qadınlar birinci liqasında iştirak etmişdi. Rəqiblərindən açıq-aşkar güclü olan komandanın liqanı qalib başa vurması da təsadüf olmadı. Bu nailiyyət sayəsində komanda 2007-2008 mövsümündə yüksək liqada çıxış etmək hüquq qazandı. Bu isə 2007-ci ildən etibarən qadın voleybol liqamızda dörd komandanın iştirak edəcəyindən xəbər verirdi.[9]

2007-2008 idman mövsümü tələbələr üçün heç də uğursuz keçmədi. Superliqada dörd komanda içində sonuncu yeri tutmasına baxmayaraq növbəti mövsüm avrokuboklarda oynamaq şansı əldə etmişdilər. Komanda 2008-ci ildə Çağırış kubokunda iştirak edərək Azərbaycanı beynəlxalq arenada təmsil edən üçüncü voleybol klubu kimi tarixə düşmüşdü.[10] Ancaq, tələbələrin avrokuboklardakı debütü uğurlu alınmadı. Belə ki, Bakı klubu turnirə ikinci mərhələdən start verməsinə baxmayaraq irəlidəki turları görə bilmədi. Halbuki, rəqib də keçiləsi komanda idi. Püşk tələbələrin üzünə gülmüş və onların qarşısına Avropada elə də tanınmayan Kipr klubu AEL Limassolu çıxartmışdı.[11] Mərhələnin ilk oyununda Bakıda rahat qalib gələn klub gözlənilməz qərarla üz-üzə qaldı. Qərara əsasən, İqtisadçının qalibiyyəti ləğv edilmiş və kiprlilərə 3-0 hesablı texniki qalibiyyət verilmişdi.[12] Buna səbəb isə İqtisadçının qeyri-qanuni olaraq iki voleybolçunu (Avropa Voleybol Konfederasiyasına göstərilən siyahıda adı olmayan voleybolçuları) oynatması idi.[13] Səfərdəki görüşə psixoloji cəhətdən zəif çıxan komanda rəqibindən set ala bilməmiş və Çağırış kuboku ilə erkən vidalaşmışdı.[14]

Avropada tanındığı illər[redaktə | əsas redaktə]

2010-11 mövsümündə Çağırış Kuboku turnirində yarımfinala qədər irəliləyib.[15][16] Yalnız bu mərhələdə Azərbaycanın digər bir voleybol klubu Lokomotivə məğlub olaraq turniri üçüncü bitirib.[17][18] Qeyd edək ki, həmin mövsüm turnirin qalibi Azərbaycanın digər bir komandası "Azərreyl" olmuşdu.[19][20]

2011-12 mövsümü İqtisadçı üçün biabırçı keçdi. Heç bir CEV turnirinə vəsiqə qazana bilməyən komanda mövsümün sonunda italyan məşqçi Micele Patoia ilə yollarını da ayırdı. Buna səbəb tələbələrin ölkə çempionatında ilk üçə belə girə bilməməsi idi.[21]

Azərbaycan Superliqası 2012-13 mövsümündə Azərreyllə birlikdə 2-ci yeri tutaraq[22] CEV Qadınlar Çempionlar Liqasına vəsiqə qazanan komanda bu turnirdə iştirak edən 5-ci Azərbaycan klubu oldu.[23][24] Digər 4 klub isə yuxarıda sadalanan böyük beşlik klublarıdır. Elə ilk mövsümdəcə Çempionlar Liqasında qrup mərhələsini adlaya bildi iqtisadçılar. İqtisadçı Bakı -B- qrupunda River Volley Pyaçentsa (İtaliya), Dinamo Moskva (Rusiya), və Srvena Zvezda Belqrad (Serbiya) klublarına rəqib oldu.[25][26]

İlk Çempionlar liqası macərası[redaktə | əsas redaktə]

2013-2014 mövsümündə Çempionlar liqasına düşdükdən sonra[27] İqtisadçıda köklü dəyişikliklər oldu.[28] Klub Manon Flier kimi məşhur oyunçunu əzəli rəqibi Azərreyldən transfer etdi.[29][30] Avropa ikincisi olmuş Hollandiyalı isə ilk gündən kluba böyük xeyir verəcəyini göstərdi.[31] O, edilən transferlər içində ən faydalısı olduğunu dəfələrlə gərgin oyunlarda sübut etdi və komandanın liderinə çevrildi.[32][33] Qeyd edək ki, Manon daha öncə 2009 Avropa Çempionatında ən dəyərli oyunçu mükafatını qazanmışdı.[34] İqtisadçının ikinci ən dəyərli transferi Çinin "Shanghai Volleyball" komandasından alınan 2008 Yay Olimpiya Oyunlarının bürünc mükafatçısı Yun Ven Ma olmuşdur. 28 yaşlı voleybolçu ümidləri doğrulda bilmədi və əsas heyətdə yerini itirdi. Bunun məntiqi nəticəsi kimi 2014-cü ilin fevralında Yun Venin müqaviləsi qarşılıqlı olaraq rədd edildi.[35] "İqtisadçı"nın üçüncü ən böyük transferi isə Polşanın "Bank Fakro" komandasından alınan italyan voleybolçu Valentina Serena idi.[36] Yun Ven kimi o da gözləniləni verə bilmədi və Çempionlar liqası kimi vacib turnirlərdə start heyətdə yer tapa bilmədi. Baş məşqçilik postuna isə yenidən Bülənt Karslıoğlu gətirildi.[37][38] O, tailandlı məşqçi Kiattipong Radchatagriengkai əvəz etdi.[39] Amma türk mütəxəssis heyətdəki tailandlı oyunçulara dəymədi[40] və əksinə daha bir neçə asiyalı voleybolçunu heyətə qatdı.[41] Bunun məntiqi nəticəsi kimi kapitan da Tailand seçməsinin üzvü Vilavan Apinyaponq oldu[42] və klub heyətini tam formalaşdırdıqdan sonra Çempionlar liqasına hazır oldu...[43]

Çempionlar liqasının qrupunda yalnız "Srvena Zvezda"nı qabaqlayan universitet klubu qrupun üçüncüsü oldu.[44] Ancaq bu yer İqtisadçıya qrupdan çıxmaq üçün kifayət etmirdi. Növbəti mərhələyə adlayan klublardan olan Rabitə “Dördlər finalı”na ev sahibliyi etmək hüququ qazandığından birbaşa yarımfinal mərhələsinə yüksəldi[45] və onun boş qalan playoff vəsiqəsinə qrup üçüncüləri namizəd oldular. Xoşbəxtlikdən namizədlər içərisində ən çox xal toplayan komanda İqtisadçı oldu və iqtisadçılar 1/6 final mərhələsinə vəsiqə qazandılar.[46] Püşkatmada iqtisadçıların bəxti gətirmədi və rəqibləri turnirin son qalibi, 69 oyunluq məğlubiyyətsizlik seriyası olan,[47] dünya çempionu və rekordçusu VakıfBank oldu.[48] Güclü rəqibinə hər iki görüşdə məğlub olan tələbələrin ilk Çempionlar Liqası macərası erkən bitdi.[49][50][51]

Qızıl dövrün başlanğıcı[redaktə | əsas redaktə]

İqtisadçı Çempionlar liqasındakı uğurlu çıxışından sonra tamamilə ölkə çempionatına kökləndi. Superliqada 2013-14 mövsümünü doqquz qələbə və altı məğlubiyyətlə bitirən komanda sonda qazandığı 34 setlə "Rabitə""Azəryol"un ardından üçüncü yeri tutdu.[52] Reqlamentə əsasən ilk dörd yeri tutan komandalar "pley-off"a vəsiqə qazandığından komanda yarımfinalda liqa üsulu ilə keçirilən mövsümün ikincisi olan Azəryola rəqib oldu.[53] Hər iki görüşdə rəqibinə məğlub olan tələbələr final şanslarını itirdilər.[54] Acı məğlubiyyətdən sonra "Azərreyl"ə üçüncülük matçına çıxmalı olan komanda tez bir zamanda özünü toplaya bildi. Burada ilk qarşılaşmanı 3-1[55] digər iki görüşü isə quru hesabla[56] qalib bitirən iqtisadçılar yekunda Azərbaycan çempionatının bürünc medallarına yiyələndilər.[57][58]

Bu bürünc medal artıq İqtisadçıda yeni dövrün başlandığının bariz nümunəsi idi. Artıq komanda hədəflərinin nə qədər böyük, uğurlarının isə təsadüf olmadığını sübut etmişdi. Belə ki, Azərreyllə oynanılan qarşılaşma tək medal qarşılaşması deyil həm də Çempionlar liqasına bilet şansı idi.[59] Bu şansdan maksimum istifadə edən komanda 2014-15 Çempionlar Liqasındakı yerini təmin etdi.[60] Belə ki, mövsüm boyu zədəli oyunçularla mübarizə aparan komanda liberosuz bu uğura nail ola bilmişdi. Komandanın hər iki liberosu Lenka DürrVanna Buakeva zədəli olduğundan İqtisadçı mövsümün son oyunlarında əlavə oyunçulardan istifadə etdi.[61] Sayca üçüncü bürüncünə yiyələnən[62] tələbələrin sevincinə ikinci komandası da çıxdı. Belə ki, İqtisadçının əvəzedici komandası da mövsümü ikinci sırada bitirərək gümüş medalları boynundan asmışdı.[63]

Komandanın atributları[redaktə | əsas redaktə]

Loqosu[redaktə | əsas redaktə]

Emblem 2008-ci ildə yaradılmışdır. Azərbaycan Dövlət İqtisad Universitetinin rəsmi loqosunun üzərinə azərbaycancaingiliscə İqtisadçı Voleybol Klubu yazılmışdır[64]. Emblemin içərisində Azərbaycan bayrağının rənglərinə boyanmış səkkizguşəli ulduz milli mentalitetimizi əks etdiririr. Ulduzun içərisində olan Ay-ulduz bütün türk dünyasının simvolu sayılır[65]. Nəzərə çarpacaq qədər görünən Yer kürəsikitab rəsmi isə elm, tədris simvoludur. Bütün bunlar isə İqtisadçının universitet komandası olmasından xəbər verir.

Rəsmi himni[redaktə | əsas redaktə]

Iqtisadçı Bakı VK-nın rəsmi mahnısı

Fan klubu[redaktə | əsas redaktə]

Azarkeş sayına görə ölkədə birinci olan İqtisadçılar[66] dolu tribunalar qarşısında oynamaq alışqanlığı yaradıblar. Bu mənada ilk fan klubun yaradılmasına 2014-cü ildə cəhd edilmiş və günümüzə qədər də abunəçiləri toplanır.[67]

Meydançası[redaktə | əsas redaktə]

Komanda ev oyunlarını Bakı Voleybol Mərkəzinda keçirir. Superliqadakı əksər oyunlar[68]Çempionlar Liqasındakı klublarımızın ev oyunları da bu arenada təşkil olunur. Meydança hazır olmadıqda isə komandalar yardımçı arenalardan Sərhədçi İdman Olimpiya MərkəziBakı Kristal Zalından (azərkeşlərin sayı çox olduqda) istifadə edirlər. Tələbələr də eyni qayda ilə bu meydançalarda ev sahibi ola bilir.[69]

Heyəti[redaktə | əsas redaktə]

Əsas heyət[redaktə | əsas redaktə]

2013-14 mövsümü üçün[70][71]

Nömrə Oyunçunun adı Mövqeyi Boyu (metr) Çəkisi (kq) Doğum tarixi Blok yüksəkliyi (sm)
1 Tailand Vanna Buakeva Libero 1.72 54 02/01/1981 278
2 Almaniya Lenka Dürr Libero 1.71 59 10/13/1990 270
3 ABŞ Villougbhy Kim Hücumçu 1.80 75 07/11/1980 300
5 Tailand Pleumjit Zinkaov Blokçu 1.80 64 09/11/1983 279
6 Tailand Onuma Sittirak Hücumçu 1.75 72 13/06/1986 285
7 ABŞ Ariel Uilson Toppaylayıcı 1.91 72 03/01/1989 308
10 Tailand Vilavan Apinyaponq Captain sports.svg Hücumçu 1.74 65 06/06/1984 280
12 Niderland Manon Flier Diaqonal 1.92 73 08/02/1984 301
15 Çin Yun Ven Ma Blokçu 1.89 70 19/10/1986 307
16 Çin Ley Zanq Diaqonal 1.81 71 11/01/1985 310
18 İtaliya Valentina Serena Toppaylayıcı 1.84 70 10/11/1981 298

İdarə və texniki heyət[redaktə | əsas redaktə]

Rəhbərlik[redaktə | əsas redaktə]

Məşqçilər korpusu və texniki işçilər[redaktə | əsas redaktə]

  • Baş məşqçi : Türkiyə Bülənt Karslıoğlu
  • Köməkçi məşqçi : Azərbaycan Fərid Cəlalov
  • Köməkçi məşqçi : Azərbaycan Şahin Abdullayev
  • Menecer : Azərbaycan Araz İsmayılov
  • Satatist : Çexiya Mixael Qottvald
  • Fizioterapist : Rusiya Titovets Sergey
  • Masajist : Azərbaycan Tavuz Cabbarova[73]

Uğurları[redaktə | əsas redaktə]

Beynəlxalq arenada[redaktə | əsas redaktə]

Ölkə daxili[redaktə | əsas redaktə]

Azərbaycan Azərbaycan Çempionatı:

CEV turnirlərindəki oyunları[redaktə | əsas redaktə]

Mövsüm Turnir Mərhələ Rəqib I oyun II oyun Nəticə
2008/2009 Çağırış kuboku II mər Kipr AEL Limassol (e)0:3[q 1] (s)0:3 0-2[74]
2009/2010 Çağırış kuboku II mər Türkiyə Qalatasaray (e)0:3 (s)0:3 0-2[75]
2010/2011 Çağırış kuboku I mər Bosniya və Herseqovina Kula Qradaçats (s)3:0[q 2] (e)3:0 2-0[76]
II mər Avstriya Klaqenfurt (e)3:0 (s)3:0 2-0[77]
III mər Serbiya Tent (s)3:0 (e)3:0 2-0[78]
1/8 Rumıniya Stiinta Bacau (s)3:0 (e)3:1 2-0[79]
1/4 Çexiya KP Brno (e)3:0 (s)3:2 2-0[80]
1/2 Azərbaycan Lokomotiv Bakı (e)0:3 (s)3:2 1-1[81][q 3]
2011/2012 CEV Kuboku I mər Rumıniya Dinamo Buxarest (e)3:0 (s)3:2 2-0[82]
II mər İtaliya Yamamay Busto Arsizio (s)0:3 (e)2:3 0-2[83]
2012/2013 CEV Kuboku I mər Niderland Sliedrext (e)3:0 (s)3:0 2-0[84]
II mər Rusiya Omiçka (e)3:1 (s)1:3 1-1[85][q 4]
2013/2014 CEV Çempionlar Liqası Qrup mər Serbiya Srvena Zvezda Belqrad (s)3:0[86] (e)3:1[87] (6 xal)-(0 xal)
Qrup mər Rusiya Dinamo Moskva (e)3:2[88] (s)0:3[89] (2 xal)-(4 xal)
Qrup mər İtaliya River Volley Pyaçentsa (e)1:3[90] (s)0:3[91] (0 xal)-(6 xal)
pley-off Türkiyə Vakıfbank (e)0:3[92] (s)0:3[93] 0-2
2014/2015 CEV Kuboku 1/16 final İspaniya CV Murillo (s)t.m (e)t.m 0-2

Qeydlər:

  1. "İqtisadçı" qalib gəlsə də, texniki məğlubiyyət verilib [1]
  2. Matçın ev sahibi "Kula" olsa da görüş Bakıda keçirilib [2]
  3. Qızıl setdə "Lokomotiv" qalib gəlib (13-15)[3]
  4. Qızıl setdə "Omiçka" qalib gəlib (8-15)[4]

Avropadakı statistikası[redaktə | əsas redaktə]

Son yenilənmə: 6 may, 2014.

Turnir O Q M AS VS Ən yaxşı nəticəsi
Challenge Cup trophy.svg Çağırış kuboku 16 11 5 33 20 Yarımfinal (2011)
Challenge Cup trophy.svg CEV Kuboku 8 5 3 18 12 II mərhələ (2012, 2013)
Shield of the European Union.svg CEV Çempionlar Liqası 8 3 5 10 18 Pley-off (2014)
Toplam 32 19 13 61 50 Yarımfinal (2011)

Reytinqi[redaktə | əsas redaktə]

CEV reytinqində[redaktə | əsas redaktə]

Cevloqo.jpg

2013-cü ilin yekununa görə[94]

Sıra Komanda Xal
24 Serbiya Srvena Zvezda Belqrad 42
25 Polşa MKS Dabrova Gornicza 40
26 Rumıniya Volei 2004 Konstansa 38
27 Azərbaycan İqtisadçı Bakı 38
28 Çexiya VK Prostejov 36
29 Almaniya Şveriner SC 36
30 Azərbaycan Bakı VK 36

Voleybol üzrə Azərbaycan Superliqasında[redaktə | əsas redaktə]

AVF LOqo.png

2013-2014 mövsümünün yekununa əsasən [52]

Sıra Komanda Xal
Gold medal icon.svg Rabitə Bakı 38
Silver medal icon.svg Azəryol Bakı 34
Bronze medal icon.svg İqtisadçı Bakı 31
4 Azərreyl Bakı 19
5 Lokomotiv Bakı 14
6 Telekom VK 3

Unudulmayanlar[redaktə | əsas redaktə]

İz buraxmış voleybolçuları[redaktə | əsas redaktə]

  • Yaponiya Yuko Sano — 2010-2012-ci illərdə tələbələrin şərəfini qoruyan yaponiyalı libero oynadığı vaxtlarda komandanın ən çox əsas heyətdə yer alan voleybolçusu olmuşdu.[95] Komandanın superliqada bürünc qazandığı 2010-11 mövsümündə böyük pay sahibi olmuş və liqanın "Ən yaxşı liberosu" seçilmişdir.[96] 2012-ci ildə İqtisadçını yaxşı büdcəyə malik Qalatasaray komandasına dəyişmişdi.[97][98]
  • ABŞ Nansi Metkalf — 2012-ci ildə Superliqanın gümüş mükafatçısı kimi Lokomotivdən böyük ümüdlərlə transfer olunmuşdu.[99] İqtisadçının da eyni uğuru qazanmasında böyük rol oynayan amerikalı voleybolçu 2013-cü ildə komandanı tərk edərək karyerasını bitirmək haqqında qərar qəbul etsə də[100] daha sonra bu qərarını dəyişərək legioner karyerasını Yaponiyada davam etdirmişdi.[101]
  • Tailand Nutsara Tomkom — İqtisadçı 2012-ci ilin iyulunda onu Azərreyldən heyətinə qatmışdı.[102] İqtisadçıda göstərdiyi möhtəşəm oyunla komandanın liderinə çevrilə bilmişdi. Tələbələrin heyətindəki əzmkar voleybolu dünya voleybol ictimaiyyətinin də nəzərindən qaçmadı və 2013-cü ilin martında dünyanın ən yaxşı voleybolçusu seçildi.[103][104] Bütün bunlara baxmayaraq komanda onu heyətində saxlaya bilmədi və mövsümün sonunda böyük məbləğ müqabilində Rabitəyə satdı.[105]
  • Niderland Manon Flier — məşhur hollandiyalı voleybolçu İqtisadçının heyətinə 2013-cü ildə Azəryoldan (sabiq Azərreyl) qoşulmuşdu.[106] Yeni komandasına tez bir zamanda uyğunlaşan Flier 2013-14 CEV Çempionlar Liqasında 8 oyuna qazandığı 99 xalla komandasının bu turnirdəki bombardiri olmuş və pley-offa qədər irəliləməsində ən böyük pay sahibi olmuşdu.[107][108][109][110][111][112][113][114] Bundan başqa İqtisadçının heyətində Azərbaycan Superliqasında 2013-2014 mövsümünün "Ən yaxşı servisçisi" mükafatını da qazanmışdı.[115]

Baş məşqçi dəyişiklikləri[redaktə | əsas redaktə]

Qeyd: İlki əsas ikincisi yardımçı köməkçi məşqçidir.[116]

Çalışdığı il Baş məşqçi Köməkçiləri
2008-2010 Ukrayna Volodimir Podkopayev
2010-2011 Türkiyə Erkan Kayacan Azərbaycan/Türkiyə Xəlil Rəşad Yazıcıoğulları
Belçika Jan Jose De Brandt
2011-2012 İtaliya Micele Patoia Azərbaycan Fərid Cəlalov
İtaliya Emanuele Sbano
2012 Türkiyə Bülənt Karslıoğlu Çexiya Mixael Qottvald
Azərbaycan Fərid Cəlalov
2012-20131 Tailand Kiattipong Radchatagriengkai Çexiya Mixael Qottvald
Azərbaycan Fərid Cəlalov
2013- Türkiyə Bülənt Karslıoğlu Azərbaycan Fərid Cəlalov
Çexiya Mixael Qottvald

1Bir neçə oyun Fərid Cəlalov da baş məşqçilik etmişdir.[117]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Igtisadchi Baku Identity  (azərb.)
  2. "“İqtisadçı” rəsmən dağıldı!" (azərb.). apasport.az.
  3. "Azərbaycan klubu rəsmən dağıldı!" (azərb.). arxiv.az.
  4. "Bizim komandalarımızın nailiyyətləri" (azərb.). igtisadchibaku.az.
  5. "“İqtisadçı” voleybol komandası “Azərreyl”ə qalib gəlmişdir" (azərb.). azertag.com (14-04-2014).
  6. ""Rabitə"nin ilk oyunu Abbondanza həmyerlisinə qarşı (sitat: Qeyd edək ki, bütün oyunlar Voleybol Mərkəzində olacaq.)" (azərb.). online.ekspress.az.
  7. "Azərbaycan Super Liqasında 10-cu tura yekun vurulub" (azərb.). idmantv.az (07-03-2014).
  8. "Azərbaycan Dövlət İqtisad Universitetinin qadınlardan ibarət "İqtisadçı" voleybol klubu haqqında" (azərb.). igtisadchibaku.az.
  9. "Azərbaycan Dövlət İqtisad Universitetinin qadınlardan ibarət “İqtisadçı” voleybol klubunun tarixi" (azərb.). igtisadchibaku.az.
  10. "Azərbaycanın voleybol klublarının avrokuboklarda qarşılaşacaqları rəqiblər müəyyənləşib" (azərb.). apasport.az (06-29-2008).
  11. Challange cup 2008 first leg vivovolley.net  (ing.)
  12. 2008-2009 challenge-cup wyniki.siatka.org  (ing.)
  13. "CEV-dən Azərbaycana sərt qərar!" (azərb.). apasport.az (11-11-2008).
  14. Volleyball - Women's Challenge Cup - Second Round - 2008/2009 the-sports.org
  15. "İqtisadçı yarımfinala çıxıb Lokomotivə rəqib oldu" (azərb.). azerisport.com (02-03-2011).
  16. "“İqtisadçı” və “Lokomotiv” “Çelenc Cup”ın yarımfinalında qarşılaşcaqlar" (azərb.). sport.sia.az (03-03-2011).
  17. ""İqtisadçı" məğlub oldu: "Lokomotiv" finalda!" (azərb.). news.milli.az (20-03-2011).
  18. "«LOKOMOTİV» avropa çağırış kubokunun («Çelenc Cup») finalında" (azərb.). addy.gov.az (26-03-2011).
  19. "Avropa Çelenc kubokunun qalibi "Azərreyl" klubu oldu" (azərb.). olimpiya.az (04-02-2011).
  20. "İlham Əliyev “Azerreyl”i təbrik etdi" (azərb.). anspress.com (04-02-2011).
  21. "RABİTƏ - PENTAKAMPEON !!! Beşillik seriya qırılmadı - Yenidən ÇEMPİONLUQ!!!" (azərb.). f4volleybaku.com (15-05-2012).
  22. "«Rabitə» ölkə çempionudur" (azərb.). azerbaijan-news.az (28-04-2013).
  23. "Rookie Igtisadchi aiming high in first CL appearance" (ing.). cev.lu (17-10-2013).
  24. "Azərbaycan Çempionlar Liqasında 3 klubla təmsil olunacaq" (azərb.). apa.az (10-05-2013).
  25. "CEV kuraları çekildi" (türk.). medyaspor.com (28-06-2013).
  26. "Voleybolda Avrupa Heyecanı Başladı." (türk.). ortaboypopcorn.blogspot.com (25-09-2013).
  27. "Avro Kuboklar" (azərb.). avf.az.
  28. "Bakının qadınlardan ibarət “İqtisadçı” voleybol komandası heyətini formalaşdırmaqda davam edir" (azərb.). azinterkom.com (29-07-2011).
  29. "Manon Flier Igtisadchi Bakü’de" (türk.). voleybolextra.com (08-06-2013).
  30. ""Azərreyl"in voleybolçusu "İqtisadçı"ya keçdi" (azərb.). sportnews.az (05-06-2013).
  31. "2009 Avrupa Bayanlar Voleybol Şampiyonası" (türk.). forum.shiftdelete.net (25-09-2009).
  32. "Son statistika" (azərb.). apasport.az (23-01-2014).
  33. İntiqam. "Hamı qələbə qazandı" (azərb.). online.ekspress.az (31-10-2013).
  34. "Filede Avrupa'nın en büyüğü İtalya" (türk.). ntvmsnbc.com (05-09-2009).
  35. ""İqtisadçı" daha bir voleybolçu ilə vidalaşdı" (azərb.). sportnews.az (25-02-2014).
  36. "AZE W: Flier and Serena in Igtisadchi BAKU" (ing.). worldofvolley.com (05-06-2013).
  37. "Bülənt qayıtdı , İqtisadçı Rabitəni məğlub etdi." (azərb.). sportnews.az (31-01-2014).
  38. "Bakının “İqtisadçı” voleybol klubunu yenidən türkiyəli mütəxəssis çalışdıracaq" (azərb.). az.apa.az (06-08-2013).
  39. Igtisadchi has a new coach  (ing.)
  40. Tailand millisin 4 voleybolçusu İqtisadçıdandır.  (ing.)
  41. “İqtisadçı” asiyalı voleybolçu ilə müqavilə bağlayıb az.apa.az  (azərb.)
  42. “İqtisadçı”nın kapitanı Vilavan Apinyaponqla müsahibə apasport.az  (azərb.)
  43. İdman Bakının qadınlardan ibarət “İqtisadçı” voleybol komandası heyətini formalaşdırmaqda davam edir azertag.com  (azərb.)
  44. Volleyball Women's Champions League 2013/2014 the-sports.org  (ing.)
  45. Bakı ikinci dəfə qadın voleybolçular üzrə Çempionlar Liqası yarışının “Dördlər finalı”na ev sahibliyi edəcək  (azərb.)
  46. "İqtisadçı" play-off-da! sportnews.az  (azərb.)
  47. Vakıfbank 69 maçtır yenilmiyor kralspor.ensonhaber.com  (türk.)
  48. Avropanın ən yaxşısı rəqibimiz oldu apasport.az  (azərb.)  (rus.)
  49. İqtisadçı Vakıfbanka belə məğlub oldu azerisport.com  (azərb.)
  50. Vakıfbank seriyi sürdürdü spor.haberturk.com  (türk.)
  51. VakıfBank, Igtisadchi Bakü'ye set vermedi voleybolmagazin.com  (türk.)
  52. 52,0 52,1 Super League Women 2013/2014 Standings sportstats.com  (ing.)
  53. Federasiyadan növbəti dəyişiklik olimpnews.az  (azərb.)
  54. Azəryol və Rabitə finala yüksəldi azerisport.com  (azərb.)
  55. "İqtisadçı" "Azerreyl"ə qalib gəldi otv.az  (azərb.)
  56. "Rabitə" və "İqtisadçı"dan növbəti qələbə apasport.az  (azərb.)
  57. "Rabitə" çempion, "İqtisadçı"sa üçüncü oldu online.ekspress.az  (azərb.)
  58. Superliqa: "Rabitə çempion oldu, "İqtisadçı" 3-cü yeri tutdu gun.az  (azərb.)
  59. "Azəryol"la "Rabitə" yenə ÇL-də online.ekspress.az  (azərb.)
  60. Azərbaycan Çempionlar Liqasına yenə 3 klubla qatıla bilər  (azərb.)
  61. Bülənt Karslıoğlu: Zədəlilər olmasaydı, daha yaxşı nəticələr qazana bilərdik apasport.az  (azərb.)
  62. “İqtisadçı” üçləri qoşalaşdırdı apasport.az  (azərb.)
  63. “Azəryol” Azərbaycan çempionu olduapasport.az  (azərb.)
  64. Azerbaijan State Economic University (ASEU) (ing.)
  65. Qızılbaşlıq və ay-ulduz təsviri  (azərb.)
  66. azarkeş sarıdan ölkənin ən böyük klubu statusu daşıyan "tələbələr"in oyunçu azlığından əziyyət çəkməsi qeyri-peşəkar idarəetmədən xəbər verir archive.is  (azərb.)
  67. ADİU-nun “İqtisadçı” voleybol komandası rəsmi fan klubu yaradır! aseu.az  (azərb.)
  68. RABİTƏ VƏ AZƏRYOL FİNALDA avf.az
  69. İki klubumuz Voleybol Mərkəzində biri isə Sərhədçidə oynayacaq olimpiya.az  (azərb.)
  70. Azərbaycan Voleybol Federasiyası avf.azSon yenilənmə: 1 mart 2014
  71. Squad of "Igtisadchi BAKU" cev.lu  (ing.)
  72. Rəhbərlik
  73. Əməkdaşlar
  74. Challenge Cup Second Round 2008/2019
  75. Challenge Cup Second Round 2009/2010 (ing.)
  76. Challenge Cup First Round 2010/2011 (ing.)
  77. Challenge Cup Second Round 2010/2011  (ing.)
  78. Challenge Cup Third Round 2010/2011  (ing.)
  79. Challenge Cup Round of 16 2010/2011  (ing.)
  80. Challenge Cup Quarter-Finals 2010/2011  (ing.)
  81. Challenge Cup Semi Final 2010/2011  (ing.)
  82. CEV Cup Round of 32 2011/2012  (ing.)
  83. CEV Cup Round of 16 2011/2012  (ing.)
  84. CEV Cup Round of 32 2012/2013  (ing.)
  85. CEV Cup Round of 16 2012/2013  (ing.)
  86. Crvena Zvezda vs Igtisadchi  (ing.)
  87. Igtisadchi vs Crvena Zvezda  (ing.)
  88. Igtisadchi vs Dynamo Moscow  (ing.)
  89. Dynamo Moscow vs Igtisadchi  (ing.)
  90. Igtisadchi vs Rebecchi Nordmeccanica Piacenza  (ing.)
  91. Rebecchi Nordmeccanica Piacenza vs Igtisadchi  (ing.)
  92. Igtisadchi Baku W0 - 3Vakifbank W  (ing.)
  93. Vakifbank W3 - 0Igtisadchi Baku  (ing.)
  94. Volleyball - Women's European clubs ranking the-sports.org  (ing.)
  95. "“İqtisadçı” 4 bombanı birdən partlatdı" (azərb.). milliyet.com.tr (27-08-2010).
  96. 2010-2011 mövsümünün Ən yaxşıları it.wiki  (ital.)
  97. "G.Saray Daikin, Japon Yuko Sano ile 1 yıllığına anlaştı" (türk.). milliyet.com.tr (02-11-2012).
  98. "Yuko Sano Galatasaray Daikin’de" (türk.). galatasaray.org (02-11-2012).
  99. www.worldofvolley.com
  100. Nansi Metkalf karyerasını bitirdi  (azərb.)
  101. Metkalf qayıtdı http://online.ekspress.az/  (azərb.)
  102. sportnews.az  (azərb.)
  103. Dünyanın ən güclü 2 voleybolçusu Azərbaycan çempionatından seçildi sportliqa.az  (azərb.)
  104. Volleyball: Thai Nootsara named world's best setter news.asiaone.com  (ing.)
  105. Rabitədən supertransfer! apasport.az  (azərb.)
  106. “İqtisadçı” voleybol klubu növbəti transferini reallaşdırıb www.kepeztv.az  (azərb.)
  107. Crvena Zvezda Beograd - Igtisadchi Baku Match statistics cev.lu  (ing.)
  108. Igtisadchi Baku - Dinamo Moscow Match statistics cev.lu  (ing.)
  109. Igtisadchi Baku - RebecchiNMeccanica Piacenza Match statistics cev.lu  (ing.)
  110. RebecchiNMeccanica Piacenza - Igtisadchi Baku Piacenza Match statistics cev.lu  (ing.)
  111. Igtisadchi Baku - Crvena Zvezda Beograd Match statistics cev.lu  (ing.)
  112. Dinamo Moscow - Igtisadchi Baku Match statistics cev.lu  (ing.)
  113. Igtisadchi Baku - VakifBank Istanbul Match statistics cev.lu  (ing.)
  114. VakifBank Istanbul - Igtisadchi Baku Match statistics cev.lu  (ing.)
  115. Azerbaijan: I premi individuali del campionato  (ital.)
  116. CLUB IGTISADCHI BAKU coaches worldofvolley.com
  117. ""İqtisadçı" baş məşqçisini yenə qovdu" (azərb.). adalet.az (12-04-2012).

Xarici keçidlər[redaktə | əsas redaktə]

Vikianbarda İqtisadçı Bakı ilə əlaqəli mediafayllar var.