İqtisadi İslahatların Təhlili və Kommunikasiya Mərkəzi

Vikipediya, açıq ensiklopediya
Jump to navigation Jump to search
Azərbaycan Respublikasının İqtisadi İslahatların Təhlili və Kommunikasiya Mərkəzi
Ölkə: Azərbaycan Azərbaycan
Yaradılıb: 20 aprel 2016
Tabeçilik: Prezident
Ünvan: AZ 1073, Bakı şəhəri, Yasamal rayonu, Landau küçəsi, 16.
Rəhbərlik
Rəhbər: Vüsal Qasımlı
Sayt
iqtisadiislahat.org

İqtisadi İslahatların Təhlili və Kommunikasiya Mərkəzi (rəsmi adı: “İqtisadi İslahatların Təhlili və Kommunikasiya Mərkəzi” publik hüquqi şəxs) — Azərbaycan Respublikasındakı publik hüquqi şəxslərdən biri. Mərkəz Bakı şəhərində yerləşir. İcraçı Direktoru Vüsal Qasımlıdır[1]

Tarixi[redaktə | əsas redaktə]

İqtisadi İslahatların Təhlili və Kommunikasiya Mərkəzi Azərbaycan Respublikası Prezidentinin 20 aprel 2016-cı il tarixli 879 nömrəli Fərmanı ilə yaradılmışdır[2].

Məqsədi[redaktə | əsas redaktə]

İqtisadi İslahatların Təhlili və Kommunikasiya Mərkəzinin fəaliyyətinin məqsədləri ölkənin dayanıqlı iqtisadi inkişafının təmin edilməsi istiqamətində makro və mikroiqtisadi səviyyədə təhlil və tədqiqatlar aparmaqla, analitik məlumatlar əsasında iqtisadi islahatların həyata keçirilməsi üçün təkliflər, habelə orta və uzun müddətli dövr üçün proqnozlar hazırlamaqdan, dövlət orqanlarını və qurumlarını həmin proqnozlarla təmin etməkdən, həmçinin iqtisadiyyatın müxtəlif sahələrində Azərbaycan Respublikasının nailiyyətlərinin təbliğini təşkil etməkdən ibarətdir.[3]

Missiyası[redaktə | əsas redaktə]

Aparılan iqtisadi islahatların əhatə dairəsinin genişləndirilməsini və bu sahədə işlərin səmərəli əlaqələndirilməsini təmin etmək.[4]

İdarə olunması[redaktə | əsas redaktə]

Mərkəz Müşahidə Şurası və İcraçı direktor tərəfindən idarə olunur[2].

Müşahidə Şurası[redaktə | əsas redaktə]

20 aprel 2016-cı il tarixli 879 nömrəli Fərmana əsasən Mərkəzin fəaliyyətinə ümumi rəhbərliyi 3 nəfərdən ibarət Müşahidə Şurası həyata keçirir. Şuranın sədrini və digər üzvlərini Azərbaycan Respublikasının Prezidenti vəzifəyə təyin və vəzifədən azad edir. Şura üzvlərinin səlahiyyət müddəti 5 ildir. Müşahidə Şurasının hazırki tərkibi belədir[5]:

  • Müşahidə Şurasının sədri: Natiq Əmirov, Azərbaycan Respublikası Prezidentinin İqtisadi islahatlar üzrə köməkçisi
  • Müşahidə Şurasının üzvü: İnam Kərimov, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri
  • Müşahidə Şurasının üzvü: Vüsal Hüseynov, Azərbaycan Respublikası Milli Məclisinin deputatı

İstinadlar[redaktə | əsas redaktə]

Xarici keçidlər[redaktə | əsas redaktə]