İsa Məmmədov (müəllim)

Vikipediya, azad ensiklopediya
Jump to navigation Jump to search
İsa Məmmədov
İsa Əli oğlu Məmmədov
İsa Məmmədov (müəllim).jpg
Naxçıvan Muxtar Respublikasının mədəniyyət naziri
1965 — 1970
bayraqLənkəran şəhəri partiya komitəsinin birinci katibibayraq
1970 — 1981
Sələfi Məmməd Babayev
Xələfi Dilruba Camalova
bayraqAzərbaycan kommunist partiyası mərkəzi komitəsinin katibibayraq
1981 — 1987
Şəxsi məlumatlar
Doğum tarixi 11 iyul 1926(1926-07-11)
Doğum yeri Aralıq, Şərur rayonu, Naxçıvan MSSR, Azərbaycan SSR
Vəfat tarixi 10 avqust 2007 (81 yaşında)
Vəfat yeri Bakı

Mükafatları Sosialist Əməyi Qəhrəmanı
"Lenin" ordeni Prezident təqaüdçüsü

İsa Məmmədov (İsa Əli oğlu Məmmədov; 11 iyul 1926, Aralıq, Şərur rayonu, Naxçıvan MSSR, Azərbaycan SSR10 avqust 2007, Bakı) — Psixologiya elmləri doktoru (2006), Azərbaycanın Əməkdar müəllimi, Sosialist Əməyi Qəhrəmanı (1976).

Həyatı[redaktə | əsas redaktə]

İsa Məmmədov 1926-cı il iyulun 11-də Naxçıvan Muxtar Respublikası indiki Şərur rayonunun Aralıq kəndində anadan olmuşdur. 1942-ci ildə Şərur rayon mərkəzi orta məktəbini bitirdikdən sonra o, 1945-1947-ci illərdə Moskva ali komsomol məktəbində oxumuş, 1947-1950-ci illərdə Azərbaycan Pedaqoji İnstitutunda ali təhsil almışdır. 1972-1977-ci illərdə isə İsa Məmmədov Moskva ali partiya məktəbinin müdavimi olmuşdur.

Əmək fəaliyyətinə 1943-1944-cü illərdə Şərur rayonunda orta məktəbdə başlayan İsa Məmmədov 1944-1945-ci illərdə Şərur rayon komsomol komitəsinin birinci katibi, 1947-1953-cü illərdə əvvəl Naxçıvan vilayət komsomol komitəsinin katibi, sonra isə birinci katibi, 1953-1961-ci illərdə Naxçıvan şəhər və rayon təhsil şöbələrinin müdiri, 1961-1965-ci illərdə Naxçıvan şəhər internat məktəbinin direktoru, 1965-1970-ci illərdə Naxçıvan Muxtar Respublikasının mədəniyyət naziri, 1970-1981-ci illərdə Lənkəran şəhər partiya komitəsinin birinci katibi, 1981-1987-ci illərdə Azərbaycan kommunist partiyası mərkəzi komitəsinin katibi, 1988-ci ildən ömrünün sonunadək isə Bakı Pedaqoji Kadrların İxtisasartırma və Yenidənhazırlanma İnstitutunun direktoru vəzifələrində çalışmışdır.

İsa Məmmədov 1997-ci ildə namizədlik, 2006-cı ildə doktorluq dissertasiyalarını müdafiə etmişdir. İsa Məmmədovun Azərbaycanda təhsilin inkişafındakı xidmətləri təqdirəlayiqdir. O, ümumtəhsil məktəblərində psixoloji xidmətin təşkilində, praktik psixoloqların hazırlanması sahəsində səmərəli fəaliyyət göstərmişdir.

İsa Məmmədovun xidmətləri layiqincə qiymətləndirilmişdir. O, 1976-cı ildə sovet dövrünün ən yüksək adlarından biri olan Sosialist Əməyi Qəhrəmanı adına layiq görülmüş, bir sıra orden və medallarla təltif olunmuşdur.

İsa Əli oğlu Məmmədov 2007-ci il avqustun 10-da ömrünün 82-ci ilində vəfat etmişdir.[1]

Təltifləri[redaktə | əsas redaktə]

Kitabları[redaktə | əsas redaktə]

  • Мамедов, Иса Али оглу. "Психологические особенности обучения коммуникации на русском языке", 2006.[4]
  • Мамедов, Иса Али оглу. "Система работы по психологической службе в средней школе" автореферат дис. ... д-ра психол. наук : 19.00.07 / И. А. Мамедов ; Бакинский Государственный Университет. - Баку, 2005. - 62 с. ; 20,5 см. - 100 экз.[5]

İstinadlar[redaktə | əsas redaktə]

  1. "İSA ƏLİ OĞLU MƏMMƏDOV" (azərb.). AzərTAc. 11.08.2007. İstifadə tarixi: 24 iyun 2016. Check date values in: |accessdate=, |date= (kömək)
  2. указом Президиума Верховного Совета СССР от 27 декабря 1976 года
  3. "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". «LegalActs» LLC (azərb.). legalacts.az. 02.10.2002. İstifadə tarixi: 2014-09-13. Check date values in: |date= (kömək)
  4. "Просмотр Авторы Мамедов, Иса Али оглу". bsu.by (rusca). Электронная библиотека БГУ. İstifadə tarixi: 24 iyun 2016. Check date values in: |accessdate= (kömək)
  5. "Мамедов, Иса Али оглу". İstifadə tarixi: 24 iyun 2016. Check date values in: |accessdate= (kömək)