İslam Qasımov

İslam Qasımov
İslam Qasımov
Şəxsi məlumatlar
Tam adı	İslam Vəlxan oğlu Qasumov
Vətəndaşlığı	Azərbaycan
Doğum tarixi	1 aprel 1986 (39 yaş)
Doğum yeri	Bakı, Azərbaycan SSR
Boyu	163 sm.
Çəkisi	57 kq.
İdman növü	Sambo
Məşqçisi	Şahlar Mustafayev
Medallar
Dünya çempionatları
Avropa çempionatları
Avropa Oyunları
Tələbələrin XXVII Ümumdünya Yay Universiadası
Rusiya Federasiyası Prezidentinin Kuboku ğrunda beynelxalq turnir
Dövlət mükafatları
	21 sentyabr 2016 tarixində yenilənib.

İslam Qasımov (1 aprel 1986, Bakı) — Azərbaycanlı samboçu. O, 2015 Avropa Oyunlarının gümüş medalçısıdır. 2015-ci ildə "Tərəqqi" medalına layiq görülmüşdür.

Həyatı

1 aprel 1986-cı ildə Bakı şəhərində anadan olub. 1993–2004-cü illərdə Xətai rayonu 269 saylı məktəbdə təhsil almışdır. 2004–2008-ci illərdə DBTİA-da təhsilini davam etdirmişdir. 2008–2009-cu illərdə Tərtər rayonunda "N" saylı hərbi hissədə xidmət etmişdir.

Karyerası

İdmana 1993-cü ildə əməkdar məşqçi Şahlar Mustafayevin rəhbərliyi altında başlamışdır. O, Dünya çempionu, 2 qat Avropa çempionu, Dünya kubokunun qalibi, 2015 Avropa Oyunlarının gümüş mükafatçısı olmuş və tələbələrin 2013-cü ildə Kazanda keşirilən universiadasın mükafatçısı olmuşdur. O, Azərbaycanı I Avropa Oyunlarında təmsil etdi. O, birinci görüşdə 1/4 final mərhələsində rumıniyalı Orlando Gruia ilə üz-üzə gəldi, qarşılaşmadan 4–0 hesablı qələbə ilə ayrıldı və növbəti 1/2 final mərhələsinə vəsiqə qazandı. Yarım-finalda onun rəqibi gürcüstanlı samboçu idi. Vaxtangi Çidraşvili ilə görüşdən 3–1 qələbə ilə ayrıldı. Finala vəsiqə qazanan onun bu mərhələdə rəqibi rusiyalı Aymergen Atkunov idi. Rəqibi ilə qarşılaşmadan 0–4 hesablı məğlubiyyətlə ayrıldı və 2015 Avropa Oyunlarının gümüş medalını qazandı.

O, 29 iyun 2015-ci ildə 2015 Avropa Oyunlarında qazanılmış "yüksək nailiyyətlərə və Azərbaycan idmanının inkişafında böyük xidmətlərinə" görə Azərbaycan Prezidenti İlham Əliyevin sərəncamı ilə "Tərəqqi" medalı ilə təltif edilmişdir. O, əməkdar idman ustasıdır.

İstinadlar