İslam Quliyev
| İslam Quliyev | |
|---|---|
| Quliyev İslam İdris oğlu | |
 | |
| Doğum tarixi | 1 iyul 1957 |
| Doğum yeri | Laçın rayonu, Fingə kəndi |
| Vəfat tarixi | 1 sentyabr 1992 (35 yaşında) |
| Vəfat yeri | Ağdərə |
| Vəfat səbəbi | şəhid |
| Dəfn yeri | Bakı şəhəri, Şəhidlər xiyabanı |
| Milliyyəti | azərbaycanlı |
| Mükafatları |
 |
İslam Quliyev - Qarabağ müharibəsi iştirakçısı, şəhid.
Həyatı[redaktə | əsas redaktə]
Quliyev İslam İdris oğlu 1957-ci il iyulun 1-də Laçın rayonunun Fingə kəndində anadan olmuşdur[1]. Laçında doğulsa da, İslam uşaq yaşlarından Kərkicahanda yaşamış, orta məktəbi orada bitirmişdir.
Erməni təcavüzünün ilk vaxtlarında Kərkicahanda özünümüdafiə dəstəsinin yaradıcılarından biri olmuş, ona rəhbərlik etmişdir. Müdafiə Nazirliyi nəzdində yaradılmış partizan dəstəsinin komandiri olmuşdur. Kərkicahan, Kosalar, Şuşa, Ağdərə döyüşlərində özü və rotası həmişə seçilibdir. Onun rəhbərlik etdiyi Kərkicahan rotası Şuşanın işğalı zamanı axıra qədər döyüşüb və oranı axırıncı tərk edənlərdən olublar.
1992-ci il avqust ayının 25-dən sonra eşidir ki, Şuşa batalyonu Ağdərə istiqamətində döyüşə gedib. O, Kərkicahan döyüşçülərini də götürüb Ağdərə rayonuna gəlirlər. Avqustun 31-də Mehmanə kəndi istiqamətində irəliləyib yollardan minaları təmizləyərək kəndi alırlar. 1992-ci il sentyabrın 1-də faciəvi şəkildə həlak olur. Evli idi, iki övladı var.
Azərbaycan Respublikası Prezidenti Heydər Əliyevin 25 fevral 1997-ci il tarixli fərmanı ilə "İgidliyə görə" medalı ilə təltif olunmuşdur.
Laçın rayon Fingə kənd orta məktəbi şəhid İslam Quliyevin adını daşıyır.
Həmçinin bax[redaktə | əsas redaktə]
Mənbə[redaktə | əsas redaktə]
- ↑ "Laçın yurdu" jurnalı, №2(9), Bakı, "Bəxtiyar-4" nəşriyyatı 2013, ("Şəhidlərimiz, and yerimiz" adlı xüsusi buraxılış))
