İsmayıl İsmayılov (kimyaçı)

Vikipediya, azad ensiklopediya
Jump to navigation Jump to search
İsmayıl İsmayılov
İsmayıl Teyyub oğlu İsmayılov
Doğum tarixi (36 yaş)
Doğum yeri Bakı şəhəri
Milliyyəti Azərbaycan Azərbaycan
Həyat yoldaşı Azərbaycanlı
Elm sahəsi Neft kimyası
Elmi dərəcəsi Kimya üzrə elmləri doktoru
Elmi adı Dosent
İş yeri AMEA akadademik Yusif Məmmədəliyev adına Neft-Kimya Prosesləri İnstitutu
Təhsili M.V.Lomonosov adına Moskva Dövlət Universiteti

İsmayıl Teyyub oğlu İsmayılov (6 avqust 1984(1984-08-06), Bakı) — Azərbaycan alimi, AMEA akad. Yusif Məmmədəliyev adına Neft-Kimya Prosesləri İnstitutunun Baş texnoloqu, kimya üzrə elmləri doktoru, dosent. [1]

Həyatı[redaktə | əsas redaktə]

İsmayıl Teyyub oğlu İsmayılov 6 avqust 1984-cü ildə Bakı şəhərində ziyalı ailəsində anadan olmuşdur. Orta məktəbi 2001-ci ildə qırmızı attestatla bitirib.

2001-ci ildə Moskvada keçirilən Beynəlxalq Mendeleyev Kimya olimpiadasının qalibi kimi M.V.Lomonosov adına Moskva Dövlət Universitetinin kimya fakültəsinə imtahansız qəbul olmuş və 2006-cı ildə fakültənin “Neft kimyası və üzvi kataliz” kafedrasında “Detonasiya ilə sintez olunmuş nanoalmazların xassələrinə oksidləşdirici-reduksiyaedici işlənmənin təsiri” mövzusunda diplom işini müvəffəqiyyətlə müdafiə edərək, universiteti “kimyaçı” mütəxəssis olaraq bitirmişdir. 2005-cı ildə universitetin 4-cü kursunda oxuyan zaman 9-11-ci siniflər arasında keçirilən Respublika Kimya olimpiadasının suallarının tərtib olunmasında fəal iştirak edib.

Moskvada təhsilini dövlət xətti ilə aspirantura pilləsində davam etdirərək, 2011-ci ildə kimya üzrə fəlsəfə doktoru elmi dərəcəsi almaq üçün “Yanacaq elementləri üçün hidrogenin alınması məqsədi ilə mis-tərkibli serium-sirkonium katalizatorları üzərində metanolun çevrilməsi” mövzusunda dissertasiya işini “Neft kimyası” və “Kimyəvi kinetika və kataliz” ixtisasları qovşağında müdafiə etmiş və kimya üzrə fəlsəfə doktoru elmi dərəcəsini almışdır.

Daha sonra dövlət xətti ilə yenə də Moskvada M.V.Lomonosov adına Moskva Dövlət Universitetinin kimya fakültəsində və Azərbaycan Milli Elmlər Akademiyasının akademik Y.H.Məmmədəliyev adına Neft-Kimya Prosesləri İnstitutunda yerinə yetirdiyi “Ekoloji əlverişli xammallar əsasında korroziyaya qarşı çoxfunksiyalı, biosid aktivliyinə malik yeni reagentlərin yaradılması” mövzusunda dissertasiya işini “Neft kimyası” və “Kimya texnologiyası və mühəndisliyi” ixtisasları qovşağında 2017-ci ildə 32 yaşında müdafiə edərək, kimya üzrə elmlər doktoru elmi dərəcəsini almışdır. [2] [3] AMEA NKPİ-də 2012-ci ildən aparıcı elmi işçi, 2015-ci ildən isə “Baş texnoloq” vəzifəsində işləyir.

Elmi nailiyyəti[redaktə | əsas redaktə]

Azərbaycan neftlərinin tədqiqi, onların yeni yanacaqlar və yağların alınması məqsədilə səmərəli emalının əsaslarının işlənib hazırlanması, neft emalı və neft kimyası üçün yeni texnologiyalar və kataliza-torların yaradılması, kataliz, üzvi və neft-kimyəvi sintez sahəsində fundamental tədqi-qatların aparılması, Azərbaycan neft emalı və neft kimya komplekslərinin inkişafı üzrə perspektiv kompleks sxemlərinin işlənib hazırlanması.Kənd təsərrüfatı üçün yeni səmərəli gübrə və boy maddələrinin alınması texnologiyasının işlənməsi.

Rəhbərliyi apardığı tədqiqatlar Azərbaycan Respublikası üçün çox perspektivli sahələr olan – ekoloji əlverişli və iqtisadi cəhətdən sərfəli xammallar əsasında neft-kimya sənayesində istifadə üçün çoxfunksiyalı reagentlərin alınması, Azərbaycan neftinin yağ distillatlarının təmizlənməsi və müxtəlif bitkilərdən ekstraksiya üsulu ilə alınmış efir yağlarının əlavəsi ilə kosmetik, tibbi preparatlar kimi istifadə oluna biləcək kompozisiyaların hazırlanması, kənd təsərrüfatında istifadə üçün boy stimullaşdırıcı maddələrin və yeni gübrələrin sintezidir.

Elmi tədqiqatları[redaktə | əsas redaktə]

O, ümumilikdə 87 elmi əsərin, o cümlədən 1 patentin və 1 monoqrafiyanın müəllifidir. Elmi əsərlərin 40-dan çoxu dünyanın nüfuzlu elmi jurnallarında çap olunub.

İstinadlar[redaktə | əsas redaktə]